ព័ត៌មានអន្ដរជាតិ
រដ្ឋមន្ត្រីការពារជាតិអ៊ុយក្រែន ព្រមានថា ប្រទេសរបស់លោក នឹងប្រឈមការវាយលុកថ្មី នៅចុងខែនេះ (មានវីដេអូ)
រដ្ឋមន្ត្រីការពារជាតិអ៊ុយក្រែនដែលនឹងចុះចេញពីតំណែងបាននិយាយថា ប្រទេសខ្លួននឹងប្រឈមការវាយលុកថ្មីរបស់រុស្ស៊ីនៅចុងខែនេះ។
នៅក្នុងសន្និសីទសារព័ត៌មានមួយកាលពីថ្ងៃអាទិត្យទី០៥ខែកុម្ភៈ លោក Oleksiy Reznikov បាននិយាយថា មិនមែនគ្រប់សព្វាវុធរបស់លោកខាងលិចនឹងមកដល់ទាន់ពេលនោះទេ ប៉ុន្តែអ៊ុយក្រែនមានអាវុធបម្រុងគ្រប់គ្រាន់ ដើម្បីទប់ទល់នឹងកងកម្លាំងរុស្ស៊ី។
ទោះបីជាយ៉ាងណាក៏ដោយ លោក Reznikov និយាយថា រុស្ស៊ីមិនមានធនធានគ្រប់សព្វដែលត្រៀមទុកដើម្បីបើកការវាយលុកថ្មីនោះទេ ប៉ុន្តែអាចធ្វើឡើងដើម្បីសម្គាល់ជាខួបមួយឆ្នាំនៃការលុកលុយរបស់ទីក្រុងមូស្គូនៅថ្ងៃទី២៤ខែកុម្ភៈ។
ការអត្ថាធិប្បាយរបស់លោក Reznikov កើតឡើងប៉ុន្មានម៉ោងមុនពេលមានសេចក្តីប្រកាសថា លោកនឹងត្រូវជំនួសតំណែងជារដ្ឋមន្ត្រីក្រសួងការពារជាតិ។
យោងតាមអ្នកនយោបាយអ៊ុយក្រែនមកពីគណបក្សរបស់លោក Zelensky បានឲ្យដឹងថា ប្រធានផ្នែកចារកម្មយោធាលោក Kyrylo Budanov នឹងចូលកាន់តំណែងរបស់គាត់។
ការរុះរើនេះកើតឡើងចំពេលមានរឿងអាស្រូវពុករលួយជាបន្តបន្ទាប់ ដែលបានញាំញីក្រសួងការពារជាតិ។
លោក Reznikov បានបដិសេធរបាយការណ៍ប្រព័ន្ធផ្សព្វផ្សាយដែលថា មន្ត្រីការពារជាតិមួយចំនួនត្រូវបានគេសង្ស័យថា បានកេងបន្លំថវិកាសាធារណៈសម្រាប់លទ្ធកម្មស្បៀងអាហារដល់កងទ័ព៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង