ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រាប់អតីតនាយករដ្ឋមន្ត្រីអ៊ីស្រាអែល លោក Naftali Bennett ថា លោកនឹងមិនធ្វើឃាតប្រធានាធិបតីអ៊ុយក្រែន លោក Vladimir Zelensky ឡើយ។ នេះបើតាមការអះអាងរបស់លោក Bennett ប្រាប់ទៅប្រព័ន្ធផ្សព្វផ្សាយអ៊ីស្រាអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Bennet បានធ្វើដំណើរទៅកាន់ទីក្រុងមូស្គូកាលពីខែមីនាឆ្នាំមុន ក្នុងការប៉ុនប៉ងស្វែងរកបទឈប់បាញ់ដំបូងរវាងរុស្ស៊ី និងអ៊ុយក្រែន។ ដំណើរ​នោះ​ត្រូវ​បាន​ធ្វើ​ឡើង​តាម​សំណើ​របស់លោក Zelensky។

នៅពេលកងកម្លាំងរុស្សី ព័ទ្ធជុំវិញទីក្រុងកៀវ លោក Zelensky ត្រូវបានគេរាយការណ៍ថា បានលាក់ខ្លួននៅក្នុងទីតាំងសម្ងាត់មួយអំឡុងពេលកិច្ចប្រជុំនោះ។ លោក Bennett បាន​ប្រាប់ទូរទស្សន៍​ប៉ុស្តិ៍​លេខ១២កាល​ពី​ថ្ងៃ​អាទិត្យទី០៥ខែកុម្ភៈថា មេដឹកនាំអ៊ុយក្រែនបានប្រគល់ភារកិច្ចឲ្យគាត់ក្នុងការធានាពីលោកពូទីនថា គាត់នឹងមិនត្រូវបានគេកំណត់គោលដៅសម្រាប់ការធ្វើឃាតនោះទេ។

ពេលនោះ លោក Bennett បានសួរលោកពូទីនថា “តើអ្នកនឹងសម្លាប់លោក Zelensky ទេ?”។ ប្រធានាធិបតី​រុស្ស៊ី​ឆ្លើយ​ថា ​គាត់​នឹង​មិន​ធ្វើរឿងបែបនេះ​ឡើយ។

ក្រោយមក លោក Bennett បានហៅទូរស័ព្ទទៅលោក Zelensky ភ្លាមៗក្រោយពេលចាកចេញពីវិមានក្រឹមឡាំងដោយប្រាប់គាត់ថា “លោកពូទីននឹងមិនសម្លាប់អ្នកទេ! ១០០%”។

ស្របពេលជាមួយគ្នានោះ លោក Bennett បានពណ៌នាលោកពូទីន ថាជាមនុស្សឆ្លាត និងជាអ្នកគាំទ្រជនជាតិជ្វីហ្វ។

ទោះបីជាយ៉ាងណាក៏ដោយ លោក Bennett និយាយថា  មេដឹកនាំរុស្ស៊ីមិនសប្បាយចិត្តទេនៅពេលឈ្មោះលោក Zelensky និងមន្ត្រីរបស់គាត់ផ្សេងទៀតត្រូវបានលើកឡើង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ពូទីន ចេញមុខព្រមានខ្លាំងៗទៅលោកខាងលិច រឿងផ្គត់ផ្គង់រថក្រោះឲ្យ អ៊ុយក្រែន