ព័ត៌មានអន្ដរជាតិ
ទីក្រុងបែរឡាំង ចេញច្បាប់ អនុញ្ញាតឲ្យស្ត្រី ដោះអាវតាមចិត្ត នៅអាងទឹកសាធារណៈ
មន្ត្រីនៅក្នុងរដ្ឋធានីបែរឡាំង នៃប្រទេសអាល្លឺម៉ង់ បានចេញច្បាប់ថ្មីឲ្យអាងហែលទឹកសាធារណៈ និងកន្លែងងូតទឹកនានា អនុញ្ញាតឲ្យស្ត្រីចូលងូតបាន ទោះពួកគេមិនពាក់អាវក៏ដោយ។
វិធានការនេះត្រូវបានណែនាំ បន្ទាប់ពីពាក្យបណ្តឹងប្រឆាំងនឹងការរើសអើង ត្រូវបានគេសាទរថាជាជំហានមួយ ឆ្ពោះទៅរកការបង្កើត “សិទ្ធិស្មើគ្នា” សម្រាប់អ្នករស់នៅទីក្រុងទាំងអស់ ដោយមិនមានការរើសអើង។
រដ្ឋាភិបាលទីក្រុងបាននិយាយក្នុងសេចក្តីថ្លែងការណ៍មួយ កាលពីថ្ងៃសុក្រទី១០ខែមីនាថា “ទីតាំងងូតទឹកនៅទីក្រុងបែរឡាំង នឹងអនុវត្តបទប្បញ្ញត្តិនៃការងូតទឹករបស់ពួកគេ ក្នុងលក្ខណៈអព្យាក្រឹតយេនឌ័រ។ ការហែលទឹកដោយមិនពាក់អាវ ឥឡូវនេះគួរតែអាចធ្វើទៅបាន នៅតាមអាងហែលទឹកសាធារណៈទាំងក្នុងនិងខាងក្រៅសម្រាប់ស្ត្រីទាំងអស់”។
អ្នកនាំពាក្យសមាគមការងូតទឹកក្នុងទីក្រុង បានបញ្ជាក់ប្រាប់វិទ្យុ RBB ថា “ការហែលទឹកដោយគ្មានអាវ គឺត្រូវបានអនុញ្ញាតចំពោះមនុស្សគ្រប់គ្នាដោយស្មើភាព។ ច្បាប់ថ្មីនេះមិនមែនមានន័យថា ស្ត្រីនៅទីក្រុងបែរឡាំង សុទ្ធតែត្រូវមានកាតព្វកិច្ចហែលទឹកដោយគ្មានអាវនោះទេ ព្រោះពួកគេនៅតែអាចបិទបាំងសុដន់របស់ពួកគេ ប្រសិនបើពួកគេចង់”។
ការផ្លាស់ប្តូរគោលនយោបាយនេះ គឺដោយសារតែពាក្យបណ្តឹងប្រឆាំងនឹងការរើសអើង ដែលប្តឹងដោយស្ត្រីចូលចិត្តហែលទឹកវ័យ៣៣ឆ្នាំម្នាក់។ ស្ត្រីរូបនោះត្រូវបានបុគ្គលិកស្នើឲ្យនាងរកអ្វីបាំងសុដន់ អំឡុងពេលទៅហែលទឹកកាលពីខែធ្នូឆ្នាំ២០២២។ ប៉ុន្តែពេលនាងបដិសេធ ស្រាប់តែបុគ្គលិក ដេញនាងចេញពីអាងតែម្តង។
បន្ទាប់មក ស្ត្រីដដែលបានប្រកែកថា ច្បាប់របស់កន្លែងហែលទឹក គឺមិនគោរពសមភាពយេនឌ័រ។
គួរបញ្ជាក់ថា បែរឡាំង មិនមែនជាទីក្រុងដំបូងរបស់អាល្លឺម៉ង់ទេ ដែលណែនាំច្បាប់បែបនេះ។ ទីក្រុង Siegen នៅរដ្ឋ North-Rhine Westphalia និង Goettingen ក្នុងតំបន់ Lower Saxony ក៏បានធ្វើដូច្នេះដែរក្នុងឆ្នាំ២០២២៕
ប្រែសម្រួល៖ Vann Vann
ប្រភព៖ RT
ចុចអាន៖ បាញ់ប្រហារកក្រើកទីក្រុង Hamburg, ស្លាប់មនុស្សច្រើននាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី