បាញ់ប្រហារកក្រើកទីក្រុង Hamburg, ស្លាប់មនុស្សច្រើននាក់

មនុស្ស​​ច្រើន​នាក់​ត្រូវបានសម្លាប់ ​ក្នុង​ការ​បាញ់​ប្រហារនៅ​ព្រះវិហារ Jehovah’s Witness​ ក្នុង​ទីក្រុង Hamburg នៃប្រទេស​អាល្លឺម៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប៉ូលិសទីក្រុង Hamburg, ការបាញ់ប្រហារកើតឡើងលើផ្លូវ Deelböge ក្នុងសង្កាត់ Gros Borstel។

ពួកគេនិយាយថា ខ្មាន់កាំភ្លើងម្នាក់បានស្លាប់ ប៉ុន្តែគេមិនច្បាស់ទេថាតើអ្នកវាយប្រហារគឺជាម្នាក់ក្នុងចំណោមអ្នកស្លាប់ទាំងប្រាំពីរនាក់ ដែរឬក៏អត់។

សារប្រកាសអាសន្នមួយ ត្រូវបានផ្ញើនៅលើកម្មវិធីព្រមានសហព័ន្ធ NINAwarn នៅម៉ោងប្រហែល ២១:០០ (ម៉ោងនៅអាល្លឺម៉ង់) ដោយប្រាប់អ្នកស្រុកថា “ជនល្មើសមិនស្គាល់មុខម្នាក់ ឬច្រើននាក់ បានបាញ់ទៅលើមនុស្សនៅក្នុងព្រះវិហារមួយ”។

ស្របពេលជាមួយគ្នានោះ អ្នក​នៅ​ក្បែរៗ ​ត្រូវ​បានគេ​ប្រាប់​កុំឲ្យ​ចាក​ចេញ​ពី​ផ្ទះ​ ខណៈ​ប្រតិបត្តិការ​ប៉ូលិស​កំពុង​បន្ត។

ទោះបីជាយ៉ាងណាក៏ដោយ ប៉ូលិសនិយាយថា មិនមានព័ត៌មានដែលអាចទុកចិត្តបាន អំពីហេតុផលនៃឧក្រិដ្ឋកម្មនេះទេ ហើយពួកគេបានអំពាវនាវដល់សាធារណជន កុំឲ្យចែករំលែកពាក្យចចាមអារ៉ាម ឬព័ត៌មានផ្តេសផ្តាសអំពីហេតុការណ៍នេះ៕

ប្រែសម្រួល៖ Vann Vann

ប្រភព៖ BBC

ចុចអាន៖ បាញ់ប្រហារ ៣លើក ស្លាប់និងរបួសមនុស្សជាង ៣០នាក់ នៅ សហរដ្ឋអាមេរិក