ព័ត៌មានអន្ដរជាតិ
រុស្ស៊ី គំរាមថា អ៊ុយក្រែន នឹងរលាយ
មន្ត្រីសន្តិសុខកំពូលរបស់រុស្ស៊ី បាននិយាយកាលពីថ្ងៃសៅរ៍ទី០៨ខែមេសាថា អ៊ុយក្រែន នឹងរលាយបាត់ ព្រោះគ្មាននរណាម្នាក់ត្រូវការប្រទេសនេះទេ។
នៅក្នុងសេចក្តីថ្លែងការណ៍មួយលើបណ្តាញសង្គម VK លោក Dmitry Medvedev បាននិយាយថា អឺរ៉ុបមិនត្រូវការអ៊ុយក្រែនឡើយ ព្រោះខ្លួនកំពុងជួបប្រទះ “នរកផ្នែកហិរញ្ញវត្ថុនិងនយោបាយ” ដែលបង្កឡើងដោយការគាំទ្ររបស់ខ្លួនចំពោះទីក្រុង កៀវ។
យោងតាមលោក Medvedev, លំហូរជនភៀសខ្លួនអ៊ុយក្រែន ការកើនឡើងអតិផរណា ការឡើងថ្លៃអគ្គិសនី ការរងទុក្ខវេទនាដល់អាជីវកម្មអឺរ៉ុប និងទណ្ឌកម្មរុស្ស៊ីដែលមិនទទួលបានផលចំណេញ បាននាំឲ្យមានការមិនសប្បាយចិត្តទាំងនៅអឺរ៉ុបខាងលិច និងខាងកើត។
លោកអះអាងថា ប្រសិនបើអ៊ុយក្រែនបន្តអត្ថិភាពរបស់ខ្លួន, នៅពេលអនាគត អឺរ៉ុបនឹងត្រូវទទួលបន្ទុកពេញទំហឹង ហើយនេះជាហេតុផលមួយទៀត ដែលទ្វីបនេះមិនចង់បាន។
អាមេរិកក៏មិនត្រូវការអ៊ុយក្រែនដែរ ប្រជាជនអាមេរិកធម្មតាមិនយល់ទេថា ហេតុអ្វីបានជារដ្ឋាភិបាលរបស់ពួកគេរវល់ជាមួយអ៊ុយក្រែន ហើយជះលុយយ៉ាងច្រើនទៅឲ្យទីក្រុងកៀវ ទាំងដែលមិនព្រមដោះស្រាយបញ្ហាផ្ទាល់ខ្លួននៅក្នុងប្រទេស។
លើសពីនេះ លោក Medvedev បានទទូចថា អាហ្រ្វិកនិងអាមេរិកឡាទីន មិនត្រូវការអ៊ុយក្រែនទេ ពីព្រោះពួកគេក៏មានបញ្ហាផ្ទាល់ខ្លួនដែរ។ អាស៊ីក៏មិនត្រូវការអ៊ុយក្រែនដែរ មហាអំណាចធំៗដូចជាឥណ្ឌា ចិន និងប្រទេសដទៃទៀតនៃតំបន់អាស៊ីប៉ាស៊ីហ្វិក មានបញ្ហាដែលត្រូវដោះស្រាយ ដូចជាការស្តារសេដ្ឋកិច្ចឡើងវិញបន្ទាប់ពីការបញ្ចប់នៃជំងឺរាតត្បាតកូវីដ១៩។
គួរបញ្ជាក់ថា លោក Medvedev គឺជាប្រធានាធិបតីចន្លោះឆ្នាំ ២០០៨ ដល់ ២០១២ ហើយបច្ចុប្បន្នគាត់គឺជាអនុប្រធានក្រុមប្រឹក្សាសន្តិសុខរបស់រុស្ស៊ី៕
ប្រែសម្រួល៖ Vann Vann
ប្រភព៖ AA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ