ព័ត៌មានអន្ដរជាតិ
លោក ហ្សេលេនស្គី ថា ឆាប់ៗនេះ អ៊ុយក្រែន នឹងបើកការវាយលុកដើម្បីដណ្ដើមទឹកដីពី រុស្ស៊ី មកវិញ
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានលើកឡើងថា ប្រទេសរបស់លោកនឹងចាប់ផ្ដើមការវាយលុកទ្រង់ទ្រាយធំ ដើម្បីដណ្ដើមយកទឹកដីរបស់ខ្លួនពីប្រទេសរុស្ស៊ីមកវិញក្នុងពេលឆាប់ៗខាងមុខនេះ ។

ថ្លែងក្នុងសុន្ទរកថានាឱកាសនៃទិវាឆ្មាំព្រំដែនអ៊ុយក្រែនកាលពីពេលថ្មីៗនេះ, លោក ហ្សេលេនស្គី បាននិយាយថា ការប្រយុទ្ធក្នុងសមរភូមិសំខាន់ៗ ដើម្បីរំដោះទឹកដី និងប្រជាជនរបស់យើងពីការជាប់ឃុំឃាំងរបស់រុស្ស៊ី នឹងមកដល់ក្នុងពេលឆាប់ៗនេះ ។
ប្រធានាធិបតីអ៊ុយក្រែនរូបនេះបន្តថា “យើងត្រូវតែស្តារខ្សែបន្ទាត់ពេញលេញនៃព្រំដែនរដ្ឋរបស់យើងទាំងនៅលើដីគោក និងនៅដែនសមុទ្រ ហើយបន្ទាប់មកយើងនឹងបន្តការវាយលុក បើទោះបីជាអ៊ុយក្រែនមិនមានយន្តហោះចម្បាំង F16 ដែលរដ្ឋាភិបាលទីក្រុងកំពុងស្វែងរកយ៉ាងខ្លាំងពីប្រទេសផ្សេងទៀតក៏ដោយ” ។

ទោះជាយ៉ាងណា នៅក្នុងបទសម្ភាសន៍ជាមួយប្រព័ន្ធផ្សព្វផ្សាយ Nordic វិញ, លោក ហ្សេលេនស្គី ក៏បានសម្ដែងក្ដីព្រួយបារម្ភផងដែរថា ការវាយដណ្ដើមយកមកវិញនូវទឹកដីរបស់អ៊ុយក្រែន នឹងមិនងាយស្រួលដូចការរំពឹងទុកនោះទេ ប៉ុន្តែលោកបានលើកទឹកចិត្ត និងសរសើរកងទ័ពដែលមានឆន្ទៈមោះមុត បន្តឈរជើងការពារតំបន់ទាំងអស់របស់ប្រទេស ។
គួរបញ្ជាក់ថា ការលើកឡើងរបស់លោក ហ្សេលេនស្គី បានកើតឡើងតែប៉ុន្មានថ្ងៃប៉ុណ្ណោះ បន្ទាប់ពីក្រសួងការពារជាតិអ៊ុយក្រែនបានរៀបជើងព្រួល ក៏ដូចជាធ្វើការហ្វឹកហ្វឺនកងពលថ្មីសម្រាប់ការវាយលុកតបតទៅរុស្ស៊ីវិញ ជាពិសេសកម្លាំងចិត្តរបស់កងទ័ពទីក្រុងកៀវ ដែលទើបតែដណ្ដើមបានតំបន់ចំនួន ៤ នៅភាគពាយព្យ និងភាគនិរតីនៃទីក្រុង បាក់មុត ក្រោយមានការគាំទ្រពីទ័ពឆ័ត្រយោង ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ មេបក្សប្រឆាំង អាហ្វ្រិកខាងត្បូង ព្រមានចាប់លោក ពូទីន បើហ៊ានឈានជើងចូលមកប្រទេសរបស់ខ្លួន
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ៧ ថ្ងៃ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ