ព័ត៌មានអន្ដរជាតិ
អតីតរដ្ឋមន្ត្រីការបរទេស អាមេរិក ព្យាករណ៍ពីកិច្ចចរចាសន្តិភាពនៅ អ៊ុយក្រែន
អតីតរដ្ឋមន្ត្រីការបរទេសអាមេរិកលោក Henry Kissinger បាននិយាយថា ជម្លោះក្នុងប្រទេសអ៊ុយក្រែន អាចនឹងឈានដល់ចំណុចរបត់មួយ ហើយកិច្ចចរចាសន្តិភាពដែលសម្របសម្រួលដោយចិន អាចចាប់ផ្តើមនៅចុងឆ្នាំ ២០២៣ នេះ ។
អ្នកការទូតវ័យ ៩៩ ឆ្នាំរូបនេះបានប្រាប់សារព័ត៌មាន CBS News នៅក្នុងបទសម្ភាសន៍មួយដែលបានផ្សាយកាលពីថ្ងៃចន្ទថា “បច្ចុប្បន្នប្រទេសចិនបានចូលខ្លួនទៅដល់ដំណាក់កាលសំខាន់នៃកិច្ចចរចាសន្តិភាពរវាង រុស្ស៊ី-អ៊ុយក្រែន ហើយខ្ញុំគិតថា វានឹងកើតឡើងនៅចុងឆ្នាំនេះតែម្ដង” ។
កន្លងមក លោក Kissinger ក៏ទទួលរងនូវការខឹងសម្បារយ៉ាងខ្លាំងផងដែរពីសំណាក់រដ្ឋាភិបាលទីក្រុងកៀវកាលពីឆ្នាំមុន នៅពេលដែលលោកបានស្នើថា អ៊ុយក្រែនគួរតែទទួលយកការវិលត្រឡប់ទៅរកស្ថានភាពដើម ឬក៏បោះបង់ចោលការទាមទារទឹកដីរបស់ខ្លួននៅតំបន់គ្រីមៀ និងផ្ដល់ស្វ័យភាពដល់សាធារណរដ្ឋ Donetsk និង Luhansk ជាដើម ហើយចាប់តាំងពីពេលនោះមក លោកបានស្នើឲ្យទឹកដីទាំងនេះក្លាយជាមូលដ្ឋាននៃការចរចា បន្ទាប់ពីបទឈប់បាញ់ និងការដកទ័ពរុស្ស៊ី ។
ពាក់ព័ន្ធនឹងបញ្ហានេះដែរ ទីក្រុងមូស្គូបាននិយាយម្តងហើយម្តងទៀតថា នៅតែបើកចំហសម្រាប់កិច្ចពិភាក្សាជាមួយរដ្ឋាភិបាលទីក្រុងកៀវ ប៉ុន្តែលុះត្រាតែអ៊ុយក្រែនទទួលស្គាល់ការពិតពីទឹកដីទាំងនោះ រួមទាំងស្ថានភាពថ្មីនៃតំបន់ Donetsk, Luhansk, Kherson និង Zaporozhye ដែលជាផ្នែកនៃប្រទេសរុស្ស៊ី ។ បើមិនដូច្នេះទេ វិមានក្រឹមឡាំងនឹងដោះស្រាយជម្លោះដោយមធ្យោបាយយោធា ។
រហូតមកដល់ពេលនេះ រុស្ស៊ីចាត់ទុកជម្លោះនៅអ៊ុយក្រែនថាជាសង្គ្រាមប្រូកស៊ីរវាងខ្លួន និងអង្គការណាតូ ហើយរដ្ឋមន្ត្រីការបរទេសរុស្ស៊ីលោក Sergey Lavrov បាននិយាយកាលពីថ្ងៃសុក្រថា កិច្ចចរចាណាមួយនឹងមិនត្រូវបានធ្វើឡើងជាមួយលោក Volodymyr Zelensky ដែលជាមនុស្សរបស់លោកខាងលិចនោះទេ ប៉ុន្តែនឹងពិភាក្សាផ្ទាល់ជាមួយអ្នកនៅពីក្រោយរបស់ប្រធានាធិបតីអ៊ុយក្រែនរូបនេះតែម្ដង ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ អតីតនាយករដ្ឋមន្ត្រី ម៉ាឡេស៊ី ថា អាមេរិក កំពុងរុញមនុស្សជាតិឲ្យធ្លាក់ចូល សង្គ្រាមលោក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ