Connect with us

ព័ត៌មានអន្ដរជាតិ

ចលនាឆ្ពោះមុខ ភឿថៃ និងគណបក្ស៤ទៀត ចាប់ដៃគ្នា​ បង្កើតរដ្ឋាភិបាលចម្រុះថ្មី

បានផុស

នៅ

គណបក្សចលនាឆ្ពោះទៅមុខ នឹងចាប់ដៃជាមួយគណបក្សភឿថៃ និងគណបក្សចំនួន ៤ ផ្សេងទៀត ដើម្បីធានាថា ព្រឹទ្ធសភាដែលតែងតាំងដោយយោធា នឹងអាចមិនរារាំងពួកគេពីការបង្កើតរដ្ឋាភិបាលថ្មីបានឡើយ ។

មេដឹកនាំគណបក្សចលនាឆ្ពោះទៅមុខលោក Pita Limjaroenrat (រូបថត៖ News Drum)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ព័ន្ធភាពនេះដែលក៏រួមមានទាំងគណបក្សថៃសាងថៃ, គណបក្សប្រាឆាឆាត, គណបក្សសេរីនិយម និងគណបក្សយុត្តិធម៌ផងដែរនោះ នឹងផ្តល់ឲ្យរដ្ឋាភិបាលចម្រុះនេះនូវអាសនៈចំនួន ៣០៩ ។

ទោះបីជាយ៉ាងណាក៏ដោយ អាសនៈចំនួន ៣០៩ នេះ នៅតែមិនទាន់គ្រប់ ៣៧៦ អាសនៈ ដែលត្រូវការដើម្បីធានាថា មេដឹកនាំគណបក្សចលនាឆ្ពោះទៅមុខលោក Pita Limjaroenrat ទទួលបានការងារកំពូលនោះទេ។

ប៉ុន្តែលោក Pita និយាយថា គណបក្សទាំង៥ បានត្រៀមខ្លួនរួចជាស្រេចហើយ ដើម្បីពិភាក្សាលម្អិតដូចជា បញ្ហាមនុស្សជិត គោលនយោបាយ និងផែនការការងារជាដើម ។ លោក​បន្ថែម​ថា គណបក្ស​លោក ​នឹង​បង្កើត​អនុស្សរណៈ​នៃ​ការ​យោគយល់​គ្នា​ជាមួយ​គណបក្ស​ទាំង ​៥ ដើម្បី​ធានា​តម្លាភាព ហើយសម្ព័ន្ធ​ជាមួយ​គណបក្ស​នយោបាយ​ចំនួន ៦ នេះ​នឹង​គ្រប់គ្រាន់​ក្នុង​ការ​បង្កើត​រដ្ឋាភិបាល​សំឡេងភាគច្រើន ។

មេដឹកនាំគណបក្សចលនាឆ្ពោះទៅមុខលោក Pita Limjaroenrat (រូបថត៖ AFP)

លោក Pita លើកឡើងទៀតថា គណៈកម្មាធិការប្រតិបត្តិរបស់គណបក្សចលនាឆ្ពោះទៅមុខ នឹងជួបប្រជុំគ្នា ដើម្បីបង្កើតផែនទីបង្ហាញផ្លូវមួយ ដើម្បីដោះស្រាយបញ្ហាដែលមានស្រាប់ និងថ្មីៗ ដូចជាការជំរុញសេដ្ឋកិច្ច និងកាត់បន្ថយវិសមភាពជាដើម។

លោក​ថា លោក​នឹង​បង្កើត​រដ្ឋាភិបាល​ឲ្យ​បាន​ឆាប់​តាម​ដែល​អាច​ធ្វើ​ទៅ​បាន ដើម្បី​ធានា​ថា​ប្រជាពលរដ្ឋ​ចាប់​ផ្តើម​ទទួល​បាន​អត្ថប្រយោជន៍​ភ្លាមៗ។

ស្របពេលជាមួយគ្នានោះ នៅពេលសួរថា តើគណបក្សចលនាឆ្ពោះទៅមុខ ពិចារណាចងសម្ព័ន្ធភាពជាមួយគណបក្ស ភូមិចាយថៃ ដែរឬទេ លោកឆ្លើយតបថា លោកត្រូវតែគោរពតាមការសន្យារបស់គណបក្សរបស់លោក ដែលបង្កើតសម្ព័ន្ធជាមួយគណបក្សប្រឆាំងតែប៉ុណ្ណោះ៕

ប្រែសម្រួល៖ Vann Vann

ប្រភព៖ Nation

ចុចអាន៖ ផ្លូវការ! គណបក្សចលនាឆ្ពោះទៅមុខ ទទួលបានជ័យជម្នះក្នុងការបោះឆ្នោត ថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម