ព័ត៌មានអន្ដរជាតិ
កម្ពុជា ស្ថិតក្នុងចំណោមប្រទេស ១៤ លើពិភពលោកផ្សេងទៀតមានសិទ្ធិដាក់ឈ្មោះព្យុះ
ក្នុងរយៈពេលប៉ុន្មានថ្ងៃកន្លងមកនេះ សារព័ត៌មានធំៗបានចុះផ្សាយពីហេតុការណ៍នៃព្យុះទីហ្វុង Khanun ដែលគេរំពឹងថានឹងទៅដល់ប្រទេសចិន ហើយបង្វែរទិស ១៨០ ដឺក្រេនៅប្រទេសជប៉ុនជំនួសវិញ។ ប៉ុន្តែអ្នកអានមួយចំនួនប្រហែលជាឆ្ងល់ថា ហេតុអ្វីបានជាព្យុះត្រូវដាក់តាមប្រទេសនីមួយៗទៅវិញ? ហើយតើប្រទេសណាខ្លះលើពិភពលោក មានសិទ្ធដាក់ឈ្មោះព្យុះបាន?
តាមពិតទៅ ព្យុះនេះចែកចេញជា ៣កម្រិត ទៅតាមល្បឿនខ្យល់៖ កម្លាំងខ្យល់បក់ (រហូតដល់ ៦២ គីឡូម៉ែត្រក្នុងមួយម៉ោង) ព្យុះត្រូពិច (៦៣-១១៨ គីឡូម៉ែត្រក្នុងមួយម៉ោង) និងព្យុះស៊ីក្លូនត្រូពិច (ពី ១១៩ គីឡូម៉ែត្រក្នុងមួយម៉ោង) ។ ជាមួយនឹងព្យុះស៊ីក្លូនត្រូពិច មានឈ្មោះផ្សេងៗគ្នា អាស្រ័យលើប្រភពដើម។ ប្រសិនបើវាកើតឡើងនៅមហាសមុទ្រប៉ាស៊ីហ្វិកខាងលិច វាត្រូវបានគេហៅថាព្យុះទីហ្វុង។
ចំណែកឯប្រទេសដែលមានសិទ្ធិដាក់ឈ្មោះព្យុះ ត្រូវតែជាសមាជិកនៃគណៈកម្មាធិការព្យុះទីហ្វុងរបស់អង្គការឧតុនិយមពិភពលោក (ESCAP/WMO Typhoon Committee) ដែលបច្ចុប្បន្នមាន១៤ ត្រូវបានចុះបញ្ជីដូចខាងក្រោម៖
១ កម្ពុជា
២ ចិន
៣ កូរ៉េខាងជើង
៤ ហុងកុង
៥ ជប៉ុន
៦ ឡាវ
៧ ម៉ាកាវ
៨ ម៉ាឡេស៊ី
៩ មីក្រូនេស៊ី
១០ ហ្វីលីពីន
១១ កូរ៉េខាងត្បូង
១២ ថៃ
១៣ សហរដ្ឋអាមេរិក
១៤ វៀតណាម។
ប្រទេសនីមួយៗនឹងផ្ញើឈ្មោះចំនួន ១០ដែលត្រូវបានប្រើសម្រាប់ដាក់ឈ្មោះព្យុះដែលមានកម្រិតខ្លាំងចាប់ពីព្យុះត្រូពិចដែលតម្រៀបតាមឈ្មោះប្រទេស។ ចាប់ផ្តើមមុនគេបង្អស់គឺប្រទេសកម្ពុជា ហើយបន្ទាប់មកទៀតគឺចិន, កូរ៉េខាងជើង, ហុងកុង ទៅវៀតណាម ដោយវដ្តនេះបន្តរហូតដល់១៤០ឈ្មោះ។ ប៉ុន្តែបើអស់ឈ្មោះ១៤០នេះ វានឹងត្រឡប់មកឈ្មោះដំបូងរបស់កម្ពុជាម្តងទៀត។
យ៉ាងណាមិញ ប្រសិនបើព្យុះនេះបង្កការខូចខាតយ៉ាងធ្ងន់ធ្ងរដូចជាមនុស្សស្លាប់ជាច្រើននាក់។ ប្រទេសដើមអាចស្នើសុំឲ្យលុបឈ្មោះព្យុះចេញពីការប្រើប្រាស់នាពេលអនាគតផងដែរ៕
ប្រែសម្រួល៖ សាង ស្រីល័ក្ខ
ចុចអាន៖ព្យុះ Khanun សម្លាប់មនុស្សនៅជប៉ុន រួចបន្តទៅវាយប្រហារ កោះតៃវ៉ាន់
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ