ព័ត៌មានជាតិ

មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង

បានផុស

២ years មុន

នៅ

ថ្ងៃព្រហស្បតិ៍ ៦ មិថុនា ២០២៤

ដោយ

នៅព្រឹកថ្ងៃទី ៦ ខែមិថុនា ឆ្នាំ ២០២៤ នេះ គណៈកម្មការជំនាញចម្រុះមកពីគ្រប់ស្ថាប័ន សហការជាមួយអាជ្ញាធរមូលដ្ឋានខណ្ឌច្បារអំពៅរាជធានីភ្នំពេញ បានចុះមកពិនិត្យមើលស្ថានភាពរបេះបេតុងត្រង់គល់ស្ពានព្រះមុនីវង្សថ្មី ស្ថិតក្នុងមូលដ្ឋានសង្កាត់ច្បារអំពៅទី ១ ខណ្ឌច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីមន្ត្រីអាជ្ញាធរខណ្ឌច្បារអំពៅ សុំមិនបញ្ចេញឈ្មោះ បានឲ្យដឹងថា នៅព្រឹកថ្ងៃទី ៦ មិថុនា នេះ មានមន្ត្រីជំនាញមកពីគ្រប់ស្ថាប័ន ពិសេសផ្នែកស្ពាន ថ្នល់ បានចុះមកពិនិត្យមើលស្ថានភាពបេតុងត្រង់ក្រោមស្ពានព្រះមុនីវង្សថ្មីដែលរបេះជ្រុះដោយពុំដឹងមូលហេតុ។ ទោះជាយ៉ាងណា ក៏ពុំមានមន្ត្រីរូបណាហ៊ានបញ្ចេញព័ត៌មានឡើយ។

គួរបញ្ជាក់ថា ស្ពានព្រះមុនីវង្សថ្មីនេះ ត្រូវបានដាក់ឲ្យប្រើប្រាស់កាលពីថ្ងៃទី ២៧ ខែឧសភា ឆ្នាំ ២០០៩ ដែលមានគម្លាតពីស្ពានព្រះមុនីវង្សចាស់ប្រវែង ៣០ ម៉ែត្រ និងមានប្រវែង ២៧០ ម៉ែត្រ ទទឹង ១៤ ម៉ែត្រ។ ដោយឡែក ស្ពានព្រះមុនីវង្សចាស់ ត្រូវបានសាងសង់ឡើងកាលពីអំឡុងឆ្នាំ ១៩៦២ មកម្ល៉េះ៕

អត្ថបទ ៖ នរា