កីឡា
លោក ខូវ ឆាយ៖«បិទ Leduc តែឡើងសង្វៀន តែស្វាគមន៍ការរកស៊ីនៅកម្ពុជា»
លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរស្វាគមន៍ជានិច្ច និងអរគុណដែលកីឡាករកាណាដា-មីយ៉ាន់ម៉ា Dave Leduc មករស់នៅ ក៏ដូចជាបើកអាជីវកម្មនៅក្នុងប្រទេសកម្ពុជា ប៉ុន្តែលោកមិនអនុញ្ញាតឲ្យឡើងប្រកួតគុនខ្មែរនៅលើទឹកដីប្រទេសកម្ពុជាឡើយ។
![](https://www.kampucheathmey.com/wp-content/uploads/2024/02/khov-chhay-1024x683.jpg)
លោកប្រធានសហព័ន្ធគុនខ្មែរបានប្រាប់សារព័ត៌មាន«កម្ពុជាថ្មី»ថា ៖«ខ្ញុំអត់មានអីត្រូវជួបជាមួយគាត់ទេ។ គាត់មានសិទ្ធិនិយាយអ្វីក៏និយាយទៅគឺជាសិទ្ធិរបស់គាត់។ ធម្មតាមនុស្សមិនដែលទទួលស្គាល់កំហុសខ្លួនទេ។ ក្នុងនាមខ្ញុំជាប្រធានសហព័ន្ធ និងជាពលរដ្ឋម្នាក់ ខ្ញុំស្វាគមន៍ដែលគាត់មករស់នៅកម្ពុជា។ ខ្ញុំស្វាគមន៍គាត់មករកស៊ីនៅកម្ពុជា។ គាត់មានសិទ្ធិសេរីភាពគ្រប់គ្រាន់ក្នុងនាមជាជនបរទេសដែលមកស្នាក់នៅកម្ពុជា គោរពតាមច្បាប់កម្ពុជា»។
«ប៉ុន្តែគ្រាន់តែមិនស្វាគមន៍គាត់ក្នុងការឡើងប្រកួត ពីព្រោះសហព័ន្ធនឹងមិនធ្វើការជាមួយគាត់ទេ ដោយសារតែយើងមិនមានការជឿជាក់លើគាត់។ យើងនឹងមិនប្រថុយក្នុងការធ្វើការជាមួយគាត់ទេ។ បើដៃគូណាដែលយើងមិនជឿជាក់ហើយ តើយើងត្រូវប្រថុយធ្វើការជាមួយមិចកើត ក្រែងមានហានិភ័យ»។ លោក ខូវ ឆាយ បានរៀបរាប់។
![](https://www.kampucheathmey.com/wp-content/uploads/2024/04/Khov-Chhay-and-Kun-Khmer-Federation-1-1024x683.jpg)
លោកបានសង្កត់ធ្ងន់ថា ៖«ក្នុងនាមខ្ញុំជាថ្នាក់ដឹកនាំសហព័ន្ធ យើងនឹងមិនអញ្ជើញគាត់ទៅចូលរួមប្រកួតទេ ព្រោះយើងមិនមានការជឿទុកចិត្តក្នុងការអនុវត្តការងាររបស់គាត់។ សម្រាប់ការងាររកស៊ីរបស់គាត់នៅកម្ពុជា យើងអត់មានសិទ្ធិអ្វីទៅប៉ះពាល់ជាមួយគាត់ទេ។ ក្នុងនាមយើងជាពលរដ្ឋខ្មែរមានតែរីករាយ ស្វាគមន៍ និងអរគុណដែលគាត់បានមករស់នៅធ្វើវីនិយោគនៅកម្ពុជា។ ប៉ុន្តែបើគាត់ចង់ឡើងសង្វៀនគឺអត់រៀបចំឲ្យគាត់ទេ»។
ការបិទកីឡាករកាណាដា-មីយ៉ាន់ម៉ា Dave Leduc ឡើងប្រកួតគុនខ្មែររបស់លោក ខូវ ឆាយ ក្នុងនាមជាប្រធានសហព័ន្ធកីឡាប្រដាល់គុនខ្មែរបានកើតឡើងកាលពីថ្ងៃទី៩ ខែមិថុនា ឆ្នាំ២០២៤ ដោយសារតែថ្នាក់ដឹកនាំសហព័ន្ធមិនជឿទុកចិត្តលើជនបរទេសម្នាក់នេះ។
![](https://www.kampucheathmey.com/wp-content/uploads/2023/11/DAVE-LEDUC-VS-PRAM-SAMNANG-1024x553.jpg)
នៅពេលប្រកួតជាមួយ ព្រុំ សំណាង កាលពីចុងឆ្នាំ២០២៣ Dave Leduc បានធ្វើឲ្យសហព័ន្ធមិនមានជំនឿចិត្តគឺការផ្លាស់ប្តូរគោលការណ៍ពីការប្រើហ្គង់ដៃទៅជារុំអំបោះឆៅវិញនៅពេលការប្រកួតចាប់ផ្តើម ខណៈពីដំបូងមកដាក់លក្ខខណ្ឌប្រើហ្គង់ដៃ។ បន្ទាប់មក រូបគេតែងតែចេញសារពីភាពខ្លាំងរបស់ខ្លួនថាជាស្តេចប្រដាល់ មើលស្រាលលើកីឡាករ ធឿន ធារ៉ា មិនសមនឹងប្រកួតជាមួយខ្លួន ពាក់អាវដែលមានសុទ្ធតែរូបរបស់ ព្រុំ សំណាង ដែលរូបគេចាត់ទុកជាជនរងគ្រោះរបស់ខ្លួនចុងក្រោយបំផុត ហើយកាលពីពេលថ្មីៗនេះ រូបគេបានទារតម្លៃខ្លួន១លានដុល្លារដើម្បីឡើងប្រកួតផ្តួលកីឡាករថៃជាដើម។
ទោះបីជាយ៉ាងណា Dave Leduc បានបដិសេធ និងបញ្ជាក់ថា ខ្លួនឡើងសង្វៀនប្រកួតគឺប្រើអំបោះឆៅតាំងពីដើមរហូតមក។ ការប្រកួតជាមួយ ព្រុំ សំណាង លោកមិនបានផ្លាស់ប្តូរគោលការណ៍ទេគឺគោលការណ៍ប្រើអំបោះឆៅនិយាយគ្នាតាំងពីដំបូង។ កាលពីម្សិលមិញគឺថ្ងៃទី១០ ខែមិថុនា ឆ្នាំ២០២៤ លោកបានធ្វើសន្និសីទសារព័ត៌មានដោយបញ្ជាក់ថា ការផ្សព្វផ្សាយខ្លួនឯង និងផ្សព្វផ្សាយគុនខ្មែរខុសដែរមែន៕
![](https://www.kampucheathmey.com/wp-content/uploads/2024/03/dave-leduc3-1024x683.jpg)
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ២៣ ម៉ោង ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានជាតិ៤ ថ្ងៃ ago
អាជ្ញាធរខេត្តបាត់ដំបងប្រកាស ត្រៀមរៀបចំទីទួលសុវត្ថិភាពជូនពលរដ្ឋ ខណៈកម្ពស់ទឹកបន្តកើនឡើងជិតដល់កម្រិតឱ្យប្រុងប្រយ័ត្ន