ផ្ទះនៅអាមេរិក បាក់ចូលទន្លេ ដែលជន់ខ្លាំងដោយសារ ការរលាយផ្ទាំងទឹកកក

ក្រុមមន្ត្រីក្នុងទីក្រុង Juneau នៃរដ្ឋ Alaska បានចេញសេចក្តីប្រកាសអាសន្នមួយ ខណៈការរលាយផ្ទាំងទឹកកក ធ្វើឲ្យបាក់ទំនប់ បង្កជាទឹកជំនន់ ហើយសំណង់នានាត្រូវបានបំផ្លាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេវាអាកាសធាតុជាតិ, ទឹកជំនន់បានបំផ្លាញរចនាសម្ព័ន្ធជាច្រើន នៅតាមដងទន្លេ Mendenhall ដោយផ្ទះចំនួនពីរ បានបាក់ចូលទន្លេ ខណៈសំណង់ផ្សេងទៀត ត្រូវខូចខាតផ្នែកខ្លះ។

លោក Rob Barr នាយករងទីក្រុង Juneau បានប្រាប់ ABC News ថា “លំនៅដ្ឋានមួយចំនួនផ្សេងទៀត រួមទាំងអគារខុនដូផងដែរ គឺស្ថិតក្នុងហានិភ័យ ខណៈដើមឈើ និងកម្ទេចកម្ទី កំពុងអណ្តែតពាសពេញទន្លេ”។

លើសពីនេះ យោងតាមទីក្រុង Juneau, ទឹកជំនន់ ក៏បានបិទផ្លូវជាច្រើនក្នុងតំបន់ រួមទាំងស្ពានផងដែរ ខណៈប្រតិបត្តិការសង្គ្រោះបន្ទាន់របស់ទីក្រុង បានជំរុញឲ្យប្រជាពលរដ្ឋនៅឆ្ងាយពីដងទន្លេ ក្នុងអំឡុងពេលមានព្រឹត្តិការណ៍ទឹកជំនន់ធ្ងន់ធ្ងរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ ABC

ចុចអាន៖ សហរដ្ឋអាមេរិក ប្រុងជើងការ ត្រៀមទប់ទល់នឹងព្យុះកំបុតត្បូង ដ៏កាចសាហាវ