លោក បៃដិន ព្រមានអ៊ីរ៉ង់ ឲ្យប្រយ័ត្នខ្លួន

កាលពីថ្ងៃពុធទី១១ខែតុលា ប្រធានាធិបតីអាមេរិកលោក ចូ បៃដិន បានព្រមានអ៊ីរ៉ង់ឲ្យប្រយ័ត្នខ្លួន បន្ទាប់ពីការវាយប្រហារដោយអង្គការសកម្មប្រយុទ្ធហាម៉ាស់ លើអ៊ីស្រាអែល កាលពីចុងសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពេលបញ្ជាក់ពីជំនួយដែលសហរដ្ឋអាមេរិកកំពុងបញ្ជូនទៅអ៊ីស្រាអែល ហើយកត់សម្គាល់ថា កងនាវាដឹកយន្តហោះរបស់សហរដ្ឋអាមេរិក កំពុងសំដៅទៅកាន់តំបន់នោះ, លោក បៃដិន និយាយថា លោកសូមបញ្ជាក់យ៉ាងច្បាស់ដល់អ៊ីរ៉ង់ឲ្យ សូមប្រយ័ត្នខ្លួន។

លោកប្រធានាធិបតី បានធ្វើការកត់សម្គាល់បែបនេះ អំឡុងកិច្ចពិភាក្សាតុមូលជាមួយមេដឹកនាំ ជ្វីហ្វនៅឯសេតវិមាន។

ប្រភពនានាបានប្រាប់ NBC News ថា មេដឹកនាំអ៊ីរ៉ង់ ពិតជាភ្ញាក់ផ្អើលចំពោះការវាយប្រហាររបស់ក្រុមហាម៉ាស់ លើអ៊ីស្រាអែល ប៉ុន្តែរដ្ឋបាលលោក បៃដិន មិនទាន់ធ្វើការសន្និដ្ឋានច្បាស់លាស់ណាមួយនៅឡើយទេ។

ស្របពេលជាមួយគ្នានោះ ទីប្រឹក្សាសន្តិសុខជាតិសេតវិមានលោក Jake Sullivan បាននិយាយកាលពីថ្ងៃអង្គារថា អ៊ីរ៉ង់អាចជាប់ពាក់ព័ន្ធក្នុងការវាយប្រហារនេះ ព្រោះពួកគេបានគាំទ្រក្រុមហាម៉ាស់ អស់រយៈពេលជាច្រើនទសវត្សរ៍មកហើយ៕

ប្រែសម្រួល៖ Vann Vann

ប្រភព៖ CNBC

ចុចអាន៖ សង្គ្រាមអ៊ីស្រាអែល-ប៉ាឡេស្ទីន៖ ពលរដ្ឋថៃ ស្លាប់កើនដល់២០នាក់ ខណៈអាមេរិក កើនដល់ ២២នាក់