Connect with us

ព័ត៌មានអន្ដរជាតិ

កងទ័ពអ៊ីស្រាអែល ឡោមព័ទ្ធទីក្រុង ហ្គាហ្សា បានទាំងស្រុងហើយ

បានផុស

នៅ

យោធាអ៊ីស្រាអែលប្រកាសនៅថ្ងៃសុក្រទី៣ខែវិច្ឆិកាថា ខ្លួនបានឡោមព័ទ្ធទីក្រុង ហ្គាហ្សា ទាំងស្រុងហើយ។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍មួយ អ្នកនាំពាក្យកងកម្លាំងការពារជាតិអ៊ីស្រាអែល លោក Daniel Hagari បញ្ជាក់ថា កងកម្លាំងរបស់ខ្លួន បាននិងកំពុងវាយលុកបន្ទាយ ទីស្នាក់ការ និងហេដ្ឋារចនាសម្ព័ន្ធផ្សេងទៀតដែលកំពុងប្រើប្រាស់ដោយក្រុមហាម៉ាស់។

ស្ថិតនៅភាគខាងជើងនៃតំបន់ ហ្គាហ្សាស្រ្ទីប, ទីក្រុង ហ្គាហ្សា គឺជាទីតាំងដែលមានប្រជាជនរស់នៅច្រើនជាងគេបំផុតនៃតំបន់នេះ មុនពេលសង្រ្គាមចាប់ផ្តើម ប៉ុន្តែកាលពីថ្ងៃទី១៣ខែតុលា អ៊ីស្រាអែលបានបញ្ជាឲ្យជនស៊ីវិលនៅភាគខាងជើង ហ្គាហ្សា ត្រូវរើទៅភាគខាងត្បូង។

(រូបថត៖ AFP)

ទោះបីជាយ៉ាងណាក៏ដោយ​ គេមិនច្បាស់ទេថាតើ បច្ចុប្បន្នមានជនស៊ីវិលប៉ុន្មាននាក់រស់នៅក្នុងទីក្រុង ហ្គាហ្សា ប៉ុន្តែរូបភាពជាច្រើន បានបង្ហាញពីការបំផ្លិចបំផ្លាញយ៉ាងធំធេងទូទាំងទីក្រុង និងផ្លូវដែលគ្មានមនុស្សដើរ។

ការប្រកាសនេះ កើតឡើងបន្ទាប់ពីមន្ត្រីជាន់ខ្ពស់ក្រុមហាម៉ាស់ កាលពីថ្ងៃពុធទី១ខែវិច្ឆិកា បានអំពាវនាវឲ្យកម្ទេចប្រទេសអ៊ីស្រាអែល ហើយគំរាមថា នឹងធ្វើការវាយប្រហារដ៏គួរឲ្យរន្ធត់ “ម្តងហើយម្តងទៀត” ដូចថ្ងៃទី៧ខែតុលា។

(រូបថត៖ AFP)

លោក Ghazi Hamad ដែលក៏ធ្លាប់កាន់តំណែងជារដ្ឋមន្ត្រីការបរទេសក្រុមហាម៉ាស់ផងដែរនោះ បាននិយាយថា អ៊ី​ស្រា​អែ​ល គឺ​ជា​ប្រទេស​មួយ​ដែល​គ្មាន​ទីតាំង​នៅ​លើ​ទឹកដី​របស់​យើង។ យើងត្រូវតែដកប្រទេសនេះចេញ។ ការកាន់កាប់ត្រូវតែបញ្ចប់ ខ្ញុំកំពុងនិយាយអំពីទឹកដីប៉ាឡេស្ទីនទាំងមូល”។

បុរសអាយុ៥៩ឆ្នាំរូបនេះ បន្តថា “អ៊ីស្រាអែលត្រូវតែទទួលបានមេរៀន យើងនឹងវាយប្រហារម្តងហើយម្តងទៀត។ យើងគឺ​ជា​ជនរងគ្រោះ​នៃ​ការ​កាន់កាប់​នេះ។ គ្មាន​នរណា​ម្នាក់​អាច​បន្ទោស​យើង ​ចំពោះ​រឿង​ដែល​យើង​ធ្វើ​បាននោះ​ទេ ព្រោះអ្វី​ដែល​យើង​ធ្វើ​គឺ​ត្រឹម​ត្រូវបំផុត”៕

ប្រែសម្រួល៖ Vann Vann

ប្រភព៖ BBC

ចុចអាន៖ ក្រុមហាម៉ាស់ គំរាមវាយប្រហារអ៊ីស្រាអែលឲ្យសាហាវម្តងហើយម្តងទៀតដូចថ្ងៃ៧ តុលា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

រដ្ឋបាលរាជធានី រៀបចំរថយន្ដ៥គ្រឿងសម្រាប់ដឹកជញ្ជូនកម្មករកម្មការិនីរោងចក្រ Y & W ដើម្បីងាយស្រួលក្នុងការមកបើកប្រាក់ឈ្នួល

ជីវិតកម្សាន្ដ១៦ នាទី មុន

ចាប់ខ្លួនមន្ត្រីជាន់ខ្ពស់មួយរូប ក្រោមការសង្ស័យលេចធ្លាយព័ត៌មានស៊ើបអង្កេតសព Lee Sun Kyun

ព័ត៌មានអន្ដរជាតិ១៦ នាទី មុន

ឡាវ ត្រៀមដំឡើងអាករលើតម្លៃបន្ថែមដល់ ១០ ភាគរយ

ព័ត៌មានជាតិ៣១ នាទី មុន

អង្គការ​អន្តរ​ជាតិ​ហ្វ្រង់កូហ្វូនី ចង់ពង្រឹងពង្រីកកិច្ចសហប្រតិបត្តិការជាមួយ កម្ពុជា

ព័ត៌មានអន្ដរជាតិ៦០ នាទី មុន

ការផ្គត់ផ្គង់ស្ករលើពិភពលោកនឹងឡើងលើសតម្រូវការ ដោយសារកំណើន​ផលិតនៅ ថៃ និងឥណ្ឌា

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម