ព័ត៌មានអន្ដរជាតិ
បៃដិន បញ្ជូន B-1 ៤គ្រឿងទៅន័រវែស ជាសារគំរាម ពូទីន
លោកប្រធានាធិបតី ចូ បៃដិន កំពុងដាក់ពង្រាយយន្តហោះទម្លាក់គ្រាប់បែកធុន B-1 ចំនួន៤គ្រឿងទៅកាន់ប្រទេសន័រវែស ដើម្បីបង្ហាញដល់ប្រធានាធិបតីរុស្ស៊ីលោក វ្ល៉ាឌីមៀ ពូទីន ថា សហរដ្ឋអាមេរិកនឹងការពារសម្ព័ន្ធមិត្តមួយនេះប្រសិនបើរុស្ស៊ី បង្ហាញការឈ្លានពាននៅតំបន់អាក់ទិក។
CNN បានរាយការណ៍ពីការដាក់ពង្រាយនេះកាលពីថ្ងៃចន្ទដោយនិយាយថា យន្តហោះទម្លាក់គ្រាប់បែកនិងយោធាអាមេរិកប្រមាណ២០០នាក់ដែលឈរជើងនៅឯមូលដ្ឋានទ័ពអាកាស Dyess ក្នុងរដ្ឋ Texas នឹងត្រូវបញ្ជូនទៅមូលដ្ឋានទ័ពអាកាស Orland ក្នុងប្រទេសន័រវែស។
CNN ផ្សាយថា ក្នុងរយៈពេលបីសប្តាហ៍ បេសកកម្មនឹងចាប់ផ្តើមនៅតំបន់អាក់ទិកនិងក្នុងដែនអាកាសអន្តរជាតិ ជិតឆ្នេរភាគពាយព្យរបស់ប្រទេសរុស្ស៊ី។
កាលពីមុន បេសកកម្មយោធាអាមេរិកលើតំបន់អាក់ទិក គឺមានប្រភពមកពីចក្រភពអង់គ្លេស។
ការដាក់ពង្រាយទៅកាន់ប្រទេសន័រវែសគឺជាសញ្ញាបង្ហាញថា សហរដ្ឋអាមេរិកត្រៀមខ្លួនកាន់តែខ្លាំងជាងមុនដើម្បីដោះស្រាយការឈ្លានពានរបស់រុស្ស៊ីនៅក្នុងតំបន់។
លោក បៃដិន បានបញ្ជាក់យ៉ាងច្បាស់ថា លោកគ្រោងប្រកាន់ជំហរម៉ឺងម៉ាត់ប្រឆាំងនឹងរុស្ស៊ីជាងប្រធានាធិបតីមុនគឺលោក ដូណាល់ ត្រាំ។
CNN រាយការណ៍ថា ក្រសួងការពារជាតិអាមេរិកមានការព្រួយបារម្ភអំពីសកម្មភាពរបស់រុស្ស៊ីនៅតំបន់អាក់ទិក ដោយសារតែប្រទេសនេះអាចព្យាយាមបិទសិទ្ធិចូលផ្លូវទឹកសមុទ្រនិងធនធានធម្មជាតិ ខណៈ២៥ភាគរយនៃផលិតផលក្នុងស្រុកសរុបរបស់រុស្ស៊ីគឺជាប់ទាក់ទងទៅនឹងអ៊ីដ្រូកាបូនដែលត្រូវបានរកឃើញនៅភាគខាងជើងនៃតំបន់អាក់ទិក៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ លោក ចូ បៃដិន ផ្លាស់ប្ដូរមធ្យោបាយធ្វើដំណើរទៅស្បថចូលកាន់តំណែង ដោយព្រួយបារម្ភពីសន្តិសុខ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ