ព័ត៌មានអន្ដរជាតិ
បេសកជនលោក ត្រាំ ថា ក្ដីបារម្ភរុស្ស៊ីអំពីការពង្រីកខ្លួនរបស់ណាតូគឺជារឿង «ត្រឹមត្រូវ»
ថ្លែងក្នុងបទសម្ភាសន៍កាលពីថ្ងៃព្រហស្បតិ៍ទី២៩ ខែឧសភា ឆ្នាំ២០២៥ ជាមួយសារព័ត៌មាន ABC បេសកជនពិសេសរបស់សហរដ្ឋអាមេរិកទទួលបន្ទុកនៅអ៊ុយក្រែន និងរុស្ស៊ី លោក Keith Kellogg បានឲ្យដឹងថា ការបារម្ភរបស់រដ្ឋាភិបាលក្រុងមូស្គូទាក់ទងនឹងការពង្រីកខ្លួនបន្ថែមទៅភាគខាងកើតរបស់អង្គការណាតូគឺរឿង «ត្រឹមត្រូវសមហេតុផល»ហើយ។
លោក Kellogg បានសង្កត់ធ្ងន់ថា ការចូលជាសមាជិកអង្គការណាតូរបស់អ៊ុយក្រែននាពេលនេះ មិនស្ថិតក្រោមការពិចារណានោះទេ បើទោះជារដ្ឋសមាជិកណាតូមួយចំនួនបង្ហាញការកក់ទុកសមាជិកភាពឲ្យអ៊ុយក្រែនក៏ដោយ។ បេសកជនពិសេសរបស់លោកប្រធានាធិបតី ដូណាល់ ត្រាំ រូបនេះ បានលើកឡើងថា «យើងបាននិយាយថា ចំពោះយើងការដែលអ៊ុយក្រែនចូលក្នុងអង្គការណាតូមិនមែនជារឿងត្រូវពិភាក្សាឡើយ ហើយយើងមិនមែនជាប្រទេសតែមួយគត់ដែលនិយាយបែបនេះទេ – អ្នកដឹងទេថា ខ្ញុំអាចរាយឈ្មោះប្រទេសចំនួន៤ផ្សេងទៀតនៅក្នុងណាតូ ហើយវាត្រូវការ ៣២សំឡេង ក្នុងចំណោមប្រទេសទាំង៣២ ដើម្បីអនុញ្ញាតឲ្យអ្នកចូលទៅក្នុងណាតូ»។
លោក Kellogg បានបញ្ជាក់ទៀតថា អាមេរិកនឹងបើកចំហពិភាក្សាអំពីការទាមទាររបស់រុស្ស៊ី សម្រាប់ការមិនពង្រីកខ្លួនរបស់ណាតូ ដើម្បីប្រើជាលក្ខខណ្ឌចរចាបញ្ចប់សង្គ្រាមនៅអ៊ុយក្រែន។ លោកបានបន្តថា លោក ត្រាំ មានឆន្ទៈក្នុងការពិចារណាផ្តល់ការធានាជាលាយលក្ខណ៍អក្សរដល់រុស្ស៊ី មិនត្រឹមតែហាមឃាត់អ៊ុយក្រែនចូលណាតូប៉ុណ្ណោះទេ គឺថែមទាំងប្រទេសផ្សេងៗទៀតដូចជា ហ្សកហ្ស៊ី និង ម៉ុលដាវ៉ា ផងដែរ។
ទន្ទឹមនោះ លោក Kellogg បាននិយាយថា កិច្ចចរចាសន្តិភាពបន្ទាប់រវាងរុស្ស៊ី-អ៊ុយក្រែន នឹងរួមបញ្ចូលការប៉ុនប៉ងច្របាច់បញ្ចូលគ្នានូវអនុស្សរណៈរបស់ភាគីទាំងសងខាង ទៅជាឯកសារតែមួយ ដើម្បីជជែកគ្នានៅក្នុងប្រទេសតួកគីនាថ្ងៃចន្ទសប្ដាហ៍ក្រោយ។
លោក Kellogg បានបន្ថែមថា ទីប្រឹក្សាសន្តិសុខជាតិមកពីប្រទេសអាល្លឺម៉ង់ បារាំង និងអង់គ្លេស ក៏នឹងចូលរួមពិភាក្សាលើអនុស្សរណៈនោះជាមួយអាមេរិកផងដែរ។
បើយោងតាមលោក Kellogg ចំនួនអ្នកស្លាប់ និងរបួសនៅក្នុងសង្គ្រាមរុស្ស៊ី-អ៊ុយក្រែន មានចំនួនសរុបយ៉ាងហោចណាស់ ១,២លាននាក់៕
ដោយ៖ ឈាង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានអន្ដរជាតិ៦ ថ្ងៃ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី