Fati ជិតរកបានទ្រនំថ្មីហើយ ដោយផ្លាស់ទៅក្លិបនៅទឹកដី បារាំង

ខ្សែប្រយុទ្ធស្លាបរបស់ Barcelona កីឡាករ Ansu Fati កំពុងកៀកក្នុងការផ្លាស់ទៅចូលរួមជាមួយក្រុម AS Monaco ក្នុងក្របខណ្ឌ Ligue1 របស់ បារាំង នៅរដូវក្តៅនេះ។

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ក្លិប AS Monaco និង Barcelona កំពុងបំពេញកិច្ចព្រមព្រៀងអំពីការផ្ទេរ Ansu Fati។

ប្រភពដដែលបានបន្ថែមថា កិច្ចព្រមព្រៀងរវាងក្លិប និងកីឡាករ គឺបានធ្វើរួចរាល់ហើយ ដោយភាគីទាំងពីរបានព្រមព្រៀងគ្នា ក្នុងកិច្ចសន្យាខ្ចីជើងអមជាមួយជម្រើសទិញផ្តាច់។ យ៉ាងណា នៅពេលនេះ គឺនៅសល់តែការចរចារវាង Barcelona និង As Monaco ប៉ុណ្ណោះ។

គួរឱ្យដឹងថា ពីមុន Fati គឺជាកីឡាករដ៏ឆ្នើមម្នាក់រប​ស់ក្រុមអ្នកមានបុណ្យ ប៉ុន្តែចាប់តាំងពីរូបគេមានបញ្ហារបួសដាច់សរសៃជង្គង់ ACL នៅរដូវកាល ២០២០-២០២១ ក៏បានធ្វើឱ្យចាប់ផ្តើមធ្លាក់សមត្ថភាពខ្លាំង ហើយនាមួយរយៈចុងក្រោយនេះ រូបគេពុំសូវមាននាទីលេងដូចមុនឡើយ៕

ប្រែសម្រួល៖ សេម កុសល
ប្រភព៖ Fabrizio Romano