កីឡា

ដំណើរឆ្ពោះទៅស៊ីហ្គេម លើកទី៣៣ កម្ពុជាបានប្រជុំ២លើក សម្រេចបញ្ជូន ៤០ប្រភេទ

បានផុស

២ ម៉ោង មុន

នៅ

ថ្ងៃសុក្រ ៣០ ឧសភា ២០២៥

ដោយ

គណៈកម្មាធិការជាតិអូឡាំពិកកម្ពុជា (NOCC) មកដល់ពេលនេះកម្ពុជាបានចូលរួមប្រជុំ ២លើករួចមកហើយជាមួយម្ចាស់ផ្ទះថៃ ពីដំណើរការនៃការចូលរួមក្នុងព្រឹត្តិការណ៍ស៊ីហ្គេម លើកទី៣៣ ដែលគ្រោងនឹងធ្វើឡើងនៅខែធ្នូ ឆ្នាំ២០២៥ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ញ៉ាន សុខវិសាល

លោក ញ៉ាន សុខវិសាល នាយបេសកកម្មរបស់កម្ពុជាបានឲ្យដឹងថា មកដល់ពេលនេះខាងកម្ពុជាបានចូលរួមប្រជុំអំពីដំណើរការងារឆ្ពោះទៅស៊ីហ្គេម លើកទី៣៣ ឯប្រទេសថៃបាន ២លើករួចមកហើយ។ ក្នុងនោះកម្ពុជាសម្រេចបញ្ជូន ៤០ប្រភេទកីឡាក្នុងចំណោម ៥០ប្រភេទកីឡាដែលម្ចាស់ផ្ទះដាក់ឲ្យប្រកួត។

រូបភាពពេលកម្ពុជាធ្វើម្ចាស់ផ្ទះកីឡាស៊ីហ្គេម

មានការផ្លាស់ប្ដូរទៀតយ៉ាងណានោះរង់ចាំមើលដំណាក់កាល Entry By Name នៅចន្លោះខែមេសា បន្តទៀតទើបអាចបញ្ជាក់បានថា ប្រភេទកីឡាណាខ្លះ និងកីឡាករ កីឡាការិនី ណាខ្លះមានឈ្មោះអាចចូលរួមប្រកួតបាន។ អំឡុងខែសីហា ឆ្នាំ២០២៥ ខាងមុខនេះ ហើយនាយបេសកកម្មក៏នឹងត្រូវទៅចូលរួមប្រជុំជាថ្មីទៀតនៅទីក្រុងបាងកក។

លោក ញ៉ាន សុខវិសាល និងលោក វ៉ាត់ ចំរើន

បញ្ជាក់ដែរថា ស៊ីហ្គេម លើកទី៣៣ ឆ្នាំ២០២៥ នេះនឹងធ្វើឡើងនៅប្រទេសថៃ ពីថ្ងៃទី៩ ដល់ ២០ ខែធ្នូ ឆ្នាំ២០២៥។ កម្ពុជាគ្រោងនឹងបញ្ជូន ៤០ប្រភេទកីឡាចូលរួមប្រកួតប្រជែងមេដាយក្នុងព្រឹត្តិការណ៍កីឡាក្នុងតំបន់អាស៊ានមួយនេះ៕

អត្ថបទដោយ៖ នួន ស៊ីណា