ព័ត៌មានអន្ដរជាតិ
អ៊ីស្រាអែល បញ្ជាឲ្យប្រជាជនប៉ាឡេស្ទីនជម្លៀស ប៉ុន្តែតើពួកគេត្រូវទៅណា បើគ្រាប់បែកនៅតែធ្លាក់គ្រប់កន្លែង អ៊ីចឹង?
យោធាអ៊ីស្រាអែល បានបញ្ជាឲ្យជម្លៀសប្រជាជនប៉ាឡេស្ទីន ចេញពីតំបន់ហ្គាហ្សាភាគខាងត្បូង ទាំងដែលខ្លួនមិនព្រមបញ្ឈប់ការទម្លាក់គ្រាប់បែកនៅក្នុងតំបន់ ក្រោយបទឈប់បាញ់កន្លងផុតទៅកាលពីថ្ងៃសុក្រសប្តាហ៍មុន។ ប៉ុន្តែប៉ាឡេស្ទីននិងក្រុមសិទ្ធិមនុស្ស បានចោទជាសំណួរថា ហេតុអ្វីពីមុន អ៊ីស្រាអែលសម្រេចចិត្តទម្លាក់គ្រាប់បែកនៅភាគខាងត្បូង ដែលខ្លួនប្រកាសថាជាតំបន់សុវត្ថិភាពទៅវិញ?
ហេតុនេះហើយ ធ្វើឲ្យប្រជាជនប៉ាឡេស្ទីននៅហ្គាហ្សា ខ្លាចរអាមិនហ៊ានទៅណាទៀតឡើយ ស្របពេលដែលប្រជាជនប៉ាឡេស្ទីនជាង ១ លាននាក់ ត្រូវបានជម្លៀសចេញពីតំបន់ហ្គាហ្សាភាគខាងជើងរួចទៅហើយ ចាប់តាំងពីថ្ងៃទី១៣ ខែតុលា នៅពេលដែលយោធាអ៊ីស្រាអែលបញ្ជាឲ្យជម្លៀសប្រជាជនទៅកាន់ភាគខាងត្បូងក្នុងរយៈពេល ២៤ ម៉ោង ខណៈប្រជាជនប៉ាឡេស្ទីនជាង ១៥,៥០០ នាក់ត្រូវបានសម្លាប់ ហើយតំបន់ហ្គាហ្សាភាគខាងជើង ត្រូវកម្ទេចដោយការទម្លាក់គ្រាប់បែកមិនប្រណីដៃ ។
យោងតាមទីភ្នាក់ងារមនុស្សធម៌របស់អង្គការសហប្រជាជាតិ OCHA បានឲ្យដឹងថា ជនជាតិប៉ាឡេស្ទីនប្រហែល ៩៥៨,០០០ នាក់ បានផ្លាស់ទីលំនៅក្នុងជម្រករបស់ UNRWA ចំនួន ៩៩ ទាំងនៅកណ្តាល និងភាគខាងត្បូងនៃតំបន់ហ្គាហ្សា ។ OCHA រាយការណ៍ទៀតថា ជម្រករបស់ UNRWA នៅទីក្រុង Khan Younis ឥឡូវនេះមានមនុស្សរស់នៅកកកុញ និងគ្មានអនាម័យឡើយ ជាហេតុបង្កការផ្ទុះឡើងនៃមេរោគឆ្លង និងជំងឺនានាដូចជាជំងឺរលាកថ្លើមប្រភេទ A ជាដើម។
អ៊ីស្រាអែល ប្រកាសថា ទីក្រុង Khan Younis គឺជាតំបន់ប្រយុទ្ធដ៏គ្រោះថ្នាក់ ក្រោយបទឈប់បាញ់បានបញ្ចប់ ហើយពួកគេក៏បើកការវាយលុកទីក្រុងធំបំផុតទីពីរ ដែលមានប្រជាជនរស់នៅប្រមាណ ៤៣ ម៉ឺននាក់មួយនេះតែម្តង ។
កាលពីថ្ងៃអាទិត្យ យោធាអ៊ីស្រាអែលបានកំណត់ឲ្យអ្នកក្រុង Khan Younis ប្រហែល ២០ ភាគរយត្រូវជម្លៀសជាបន្ទាន់ផងដែរ ។ យ៉ាងណាទោះអ៊ីស្រាអែលចេញបញ្ជាជម្លៀសក៏ពិតមែន តែពួកគេនៅតែបន្តទម្លាក់គ្រាប់បែកដដែល ដោយបានសម្លាប់ជនជាតិប៉ាឡេស្ទីនជាង ៨០០ នាក់នៅក្នុងតំបន់ហ្គាហ្សា នារយៈពេល ៣ ថ្ងៃកន្លងមកនេះ ។
មុនបទឈប់បាញ់បញ្ចប់ ទីក្រុង Khan Younis គឺជាកន្លែងដែលគេកំណត់ថាមានសុវត្ថិភាព ហើយប្រជាជនប៉ាឡេស្ទីនដែលផ្លាស់ទីលំនៅចំនួន ២១៥,០០០ នាក់ កំពុងស្នាក់នៅក្នុងជម្រករបស់ UNRWA ចំនួន ៣៤ នៅទីនោះ។
ហើយកាលពីថ្ងៃសុក្រ ទី១ខែធ្នូ កងទ័ពអ៊ីស្រាអែល បានបញ្ចេញផែនទីតាមអ៊ីនធឺណិត ដោយបែងចែកតំបន់នេះជាប្លុកជាង ៦០០ផ្សេងពីគ្នា។ ផែនទីនោះ បានស្នើឲ្យជនស៊ីវិលហ្គាហ្សា ត្រូវស្គាល់ពីប្លុកនៅជិតតំបន់រស់នៅរបស់ពួកគេ និងត្រូវជម្លៀសចេញពេលដែលមានបញ្ជា។
ទោះបីជាយ៉ាងណាក៏ដោយ ខិត្តប័ណ្ណប្រាប់ឲ្យជម្លៀសដែលចែកចាយជាបន្តបន្ទាប់ គឺមិនដូចការព្រមានតាមអ៊ីនធឺណិតឡើយ ហេតុនេះហើយធ្វើឲ្យប្រជាជនស្រឡាំងកាំងតែម្តង ដោយមិនដឹងថាត្រូវទៅទីណា។
ជាងនេះទៅទៀត ប្រជាជនហ្គាហ្សាជាច្រើន មិនមានលទ្ធភាពចូលមើលផែនទីដែលបង្ហោះលើអ៊ីនធឺណិតបានឡើយ ព្រោះហេដ្ឋារចនាសម្ព័ន្ធទូរគមនាគមន៍ ត្រូវបានបំផ្លាញ។
យោធាអ៊ីស្រាអែលបាននិយាយកាលពីថ្ងៃចន្ទថា ខ្លួនកំពុងកំណត់តំបន់សុវត្ថិភាព សម្រាប់ជនស៊ីវិល ដើម្បីកាត់បន្ថយគ្រោះថ្នាក់ដល់ពួកគេ។ ប៉ុន្តែអ្នកកាសែត Al Jazeera និងប្រជាជនបានសម្តែងក្តីបារម្ភថា វាពិបាកក្នុងការធ្វើតាមបញ្ជាទាំងនេះក្នុងពេលវេលាជាក់ស្តែងណាស់ ព្រោះវាពិតជាគ្មានទីជម្រក និងកន្លែងសុវត្ថិភាពពិតមែន។
គិតត្រឹមថ្ងៃទី២៣ ខែវិច្ឆិកា UNRWA បានរាយការណ៍ថា មានជនភៀសខ្លួនប៉ាឡេស្ទីនចំនួន ១៩១ នាក់ដែលកំពុងរស់នៅក្នុងជម្រក ត្រូវបានសម្លាប់ និង ៧៩៨ នាក់រងរបួស ៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ តួកគី៖ ថ្ងៃណាមួយ ICC នឹងចោទប្រកាន់លោក Netanyahu ពីបទឧក្រិដ្ឋកម្មសង្គ្រាម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត