ព័ត៌មានអន្ដរជាតិ
ថៃមានអ្នកស្លាប់បន្ថែមទៀតដោយសារជំងឺកូវីដ ១៩
រដ្ឋាភិបាលថៃបានរាយការណ៍ពីការស្លាប់ថ្មីដោយសារជំងឺកូវីដ ១៩ ចំនួន ២ នាក់បន្ថែម និងករណីឆ្លងថ្មីចំនួន ១៤៣ ករណីនៅថ្ងៃចន្ទនេះដោយធ្វើឲ្យចំនួនអ្នកស្លាប់កើនឡើងដល់ ៨២ នាក់ ខណៈករណីឆ្លងសរុបកើនឡើងដល់ ២៤,៧១៤ ករណី ចាប់តាំងពីការចាប់ផ្តើមរោគរាតត្បាតកាលពីខែមករាឆ្នាំមុន ។
អ្នកស្លាប់ទាំងពីរនោះគឺបុរសថៃវ័យចំណាស់ដែលមានជំងឺរ៉ាំរ៉ៃ ។
លោកស្រី Apisamai Srirangson ជំនួយការអ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ (CCSA) បាននិយាយថា អ្នកស្លាប់ម្នាក់ក្នុងចំណោមអ្នកស្លាប់ថ្មី ២ នាក់គឺជាអ្នកលក់បន្លែអាយុ ៦២ ឆ្នាំរស់នៅខេត្ត Ubon Ratchathani ។
បុរសដែលមានជំងឺទឹកនោមផ្អែម ជំងឺតម្រងនោម និងជំងឺលើសឈាមបានចាប់ផ្តើមក្អកកាលពីថ្ងៃទី ៥ ខែកុម្ភៈ ។ ស្ថានភាពរបស់គាត់កាន់តែយ៉ាប់យ៉ឺននៅថ្ងៃទី ៨ ខែកុម្ភៈ ហើយនៅថ្ងៃទី ៩ ខែកុម្ភៈគាត់បានរលាកសួតធ្ងន់ធ្ងរ ហើយបានធ្វើតេស្តវិជ្ជមានសម្រាប់ជំងឺកូវីដ ១៩ ។ ស្ថានភាពរបស់គាត់កាន់តែធ្ងន់ធ្ងរក្នុងរយៈពេល ៤ ថ្ងៃក្រោយ ហើយគាត់បានស្លាប់នៅព្រឹកថ្ងៃអាទិត្យ ។
អ្នកស្លាប់ផ្សេងទៀតគឺបុរសអាយុ ៧៨ ឆ្នាំ ។ កូនស្រីរបស់គាត់ដែលអ្នកនាំពាក្យបាននិយាយថាត្រូវបានគេធ្វើរោគវិនិច្ឆ័យថាមានជំងឺកូវីដ ១៩ បានទៅលេងគាត់នៅផ្ទះនៅថ្ងៃទី ១៦ និង ១៧ មករា ។ នៅថ្ងៃទី ១៩ ដល់ថ្ងៃទី ២០ គាត់បានក្អក និងឈឺបំពង់ក ។
នៅថ្ងៃទី ២២ ខែមករាគាត់ត្រូវបានគេធ្វើរោគវិនិច្ឆ័យថាមានរោគរលាកសួតធ្ងន់ធ្ងរ ហើយត្រូវបានគេធ្វើតេស្តវិជ្ជមានជំងឺកូវីដ ១៩ ។
បុរសនោះមានជំងឺជាច្រើន ហើយបានកើតរោគដំបៅក្លាយកាលពីថ្ងៃទី ៣០ ខែមករា និងខ្សោយតម្រងនោមនៅថ្ងៃទី ៧ ខែកុម្ភៈ ហើយគាត់បានស្លាប់កាលពីល្ងាចថ្ងៃសៅរ៍ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ ផ្ទុះគ្រាប់បែកក្បែរស្ថានទូតមីយ៉ាន់ម៉ានៅថៃ បន្ទាប់ពីបាតុកម្មប្រឆាំងរដ្ឋប្រហារ
ចុចអាន ៖ មេដឹកនាំរបបយោធាមីយ៉ាន់ម៉ាស្នើសមភាគីថៃជួយគាំទ្រលទ្ធិប្រជាធិបតេយ្យ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត