ព័ត៌មានអន្ដរជាតិ
ថៃរំពឹងថា ចំនួនភ្ញៀវទេសចរណ៍ចិនអាចកើនឡើងខ្លាំង ក្នុងឱកាសពិធីបុណ្យចូលឆ្នាំចិន
នាយករដ្ឋមន្ត្រីថៃ លោក Srettha Thavisin បានសម្តែងការពេញចិត្ត ដែលភ្ញៀវទេសចរចិន មានបំណងមកលេងប្រទេសថៃ ក្នុងឱកាសបុណ្យចូលឆ្នាំចិន ក្នុងខែកុម្ភៈ នេះ ដោយសារតែការលើកលែងទិដ្ឋាការ។ ទោះជាយ៉ាងណាក៏ដោយគាត់ក៏ផ្ដោតសំខាន់ដូចគ្នាជាមួយនឹងការសម្របសម្រួល និងសុវត្ថិភាពក្នុងការស្វាគមន៍អ្នកដំណើរជនជាតិចិនទាំងនោះ។
នៅថ្ងៃទី១ ខែកុម្ភៈ លោកនាយករដ្ឋមន្ត្រីបានណែនាំដល់អាជ្ញាធរពាក់ព័ន្ធ ដូចជាការិយាល័យអន្តោប្រវេសន៍ គ្រប់គ្រងការត្រួតពិនិត្យអន្តោប្រវេសន៍នៅព្រលានយន្តហោះ ដើម្បីកាត់បន្ថយការកកស្ទះខ្លាំងពេក ។ ហើយជាមួយគ្នានេះ ក្រុមហ៊ុន AOT(Airports of Thailand Public Company Limited) ដែលជាក្រុមហ៊ុនគ្រប់គ្រង ព្រលានយន្តហោះអន្តរជាតិ ចំនួន១០ នៅក្នុងប្រទេសថៃ ក៏បានត្រៀមខ្លួនទទួលភ្ញៀវក្នុងលក្ខខណ្ឌងាយស្រួល និងប្រសិទ្ធភាព ដូចជាការទទួលអីវ៉ាន់ឱ្យបានឆាប់រហ័ស ពេលវេលា និងភាពត្រឹមត្រូវ។ ជាងនេះទៅទៀតលោក Srettha Thavisin បានចង្អុលបង្ហាញថា ប៉ូលិសត្រូវផ្តល់អាទិភាពសុវត្ថិភាពដល់ភ្ញៀវទេសចរ និងទប់ស្កាត់រាល់អំពើឧក្រិដ្ឋកម្មផ្សេងៗ ។
លោក Kittipong Kittikachorn នាយកអាកាសយានដ្ឋានសុវណ្ណភូមិ បាននិយាយកាលពីថ្ងៃព្រហស្បតិ៍ថា ក្នុងអំឡុងពិធីបុណ្យចូលឆ្នាំចិន ចាប់ពីថ្ងៃទី ៤-១៦ ខែកុម្ភៈ (សរុបចំនួន ១៣ថ្ងៃ) អាកាសយានដ្ឋានសុវណ្ណភូមិត្រូវបានគេរំពឹងថានឹងមានចំនួនអ្នកសរុប ២.៣៦៦.៩៤០នាក់ និងមានចំនួន ១៨២.០៧២ នាក់ក្នុងមួយថ្ងៃ បែងចែកជាអ្នកដំណើរអន្តរជាតិចំនួន ១.៩៤៩.៥៦៤ នាក់ និងអ្នកដំណើរក្នុងស្រុក ៤១៧.៣៧៦ នាក់ កើនឡើង ៣២.៧៣ ភាគរយបើធៀបនឹងបុណ្យចូលឆ្នាំចិនឆ្នាំមុន។
លោក Noppasit Chakkrapitak ប្រធានក្រុមហ៊ុន Aeronautical Radio of Thailand Company Limited រំពឹងថា អំឡុងពេលបុណ្យចូលឆ្នាំចិន នឹងក្លាយជាពេលវេលាសម្រាប់ការធ្វើដំណើរទាំងក្នុង និងក្រៅប្រទេសជាមួយនឹងបរិមាណជើងហោះហើរសរុប ១៦.៧៦៦ ជើងហោះហើរជាមធ្យម ២.៣៩៥ ក្នុងមួយថ្ងៃ កើនឡើង ១៧% បើធៀបជាមួយឆ្នាំ ២០២៣ ៕
ប្រែសម្រួលដោយ÷ ប៉ោ កុសល
ប្រភព÷ Khaosod
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ