ព័ត៌មានអន្ដរជាតិ
EU បើកការស៊ើបអង្កេតលើ TikToK ជុំវិញច្បាប់ការពារអនីតិជន
សហភាពអឺរ៉ុបបានចាប់ផ្តើមការស៊ើបអង្កេតជាផ្លូវការលើ TikTok ដើម្បីកំណត់ថាតើកម្មវិធីមួយនេះកំពុងមានវិធីសាស្រ្តគ្រប់គ្រាន់ដើម្បីការពារអនីតិជននៅលើវេទិការបស់ខ្លួន ក៏ដូចជាពិនិត្យមើលការរំលោភសិទ្ធិពាក់ព័ន្ធផ្សេងទៀតនៃច្បាប់សេវាកម្មឌីជីថលហើយឬនៅ ។ នេះបើយោងតាមការចេញផ្សាយរបស់សារពត៌មាន CNN នៅថ្ងៃទី២០ ខែកុម្ភៈនេះ ។
គណៈកម្មការអឺរ៉ុបនឹងស៊ើបអង្កេតលើមុខងារ ប្រព័ន្ធ និងគោលនយោបាយរបស់ TikTok ទាក់ទងនឹងការរំលោភសិទ្ធិដែលសង្ស័យមួយចំនួន ។ គណៈកម្មាការនេះនឹងវាយតម្លៃថាតើកម្មវិធីកម្សាន្តដែលគ្រប់គ្រងដោយក្រុមហ៊ុន ByteDance របស់ប្រទេសចិនមួយនេះ កំពុងបំពេញតាមតម្រូវការសម្រាប់វេទិកាប្រព័ន្ធផ្សព្វផ្សាយសង្គមធំៗ ដើម្បីកាត់បន្ថយហានិភ័យនៃអ្នកប្រើប្រាស់ដែលញៀននឹងមាតិការបស់ពួកគេ ក៏ដូចជាការពារឯកជនភាព និងសុវត្ថិភាពរបស់អនីតិជនហើយឬនៅ ខណៈការស៊ើបអង្កេតក៏នឹងពិនិត្យមើលថាតើ TikTok មានតម្លាភាពអំពីការផ្សាយពាណិជ្ជកម្មនៅលើវេទិការបស់ខ្លួនដែរឬទេ ។
គណៈកម្មការអឺរ៉ុបបាននិយាយនៅក្នុងសេចក្តីប្រកាសព័ត៌មានកាលពីថ្ងៃចន្ទថា ឧបករណ៍ផ្ទៀងផ្ទាត់អាយុរបស់ TikTok ដែលមានគោលបំណងការពារកុមារពីការចូលប្រើមាតិកាមិនសមរម្យអាចមិនមានប្រក្រតីភាព និងប្រសិទ្ធភាព ខណៈអ្នកនាំពាក្យ TikTok និយាយថា ក្រុមហ៊ុនបានបង្កើតលក្ខណៈពិសេស និងការកំណត់ដើម្បីការពារក្មេងជំទង់ និងរក្សាក្មេងអាយុក្រោម ១៣ ឆ្នាំមិនឲ្យលេងកម្សាន្តវេទិកានេះ ក៏ដូចជាបន្តធ្វើការជាមួយអ្នកជំនាញដើម្បីរក្សាយុវជននៅលើ TikTok ឲ្យមានសុវត្ថិភាព ។
ក្រុមហ៊ុនប្រព័ន្ធផ្សព្វផ្សាយសង្គមដែលកំពុងប្រតិបត្តិការនៅក្នុងសហភាពអឺរ៉ុបត្រូវមានកាតព្វកិច្ចគោរពតាមច្បាប់ដែលមានចែងក្នុងច្បាប់សេវាកម្មឌីជីថលដែលបានអនុម័តនៅក្នុងខែសីហា ដែលដាក់កំហិតលើក្រុមហ៊ុនបច្ចេកវិទ្យាធំៗ ដែលមានអ្នកប្រើប្រាស់ប្រចាំខែច្រើនជាង ៤៥ លាននាក់ ខណៈ TikTok មានអ្នកប្រើប្រាស់សកម្មប្រចាំខែជិត ១៣៦ លាននាក់នៅក្នុងសហភាពអឺរ៉ុប ហើយក្រុមហ៊ុនដែលរកឃើញថាបានបំពានច្បាប់អាចត្រូវបានផាកពិន័យ ៦ ភាគរយនៃប្រាក់ចំណូលប្រចាំឆ្នាំរបស់ពួកគេ ។
គួរបញ្ជាក់ថា ជាលើកទីពីរហើយក្នុងរយៈពេលជាច្រើនខែដែលគណៈកម្មការនេះបានចាប់ផ្តើមដំណើរការជាផ្លូវការប្រឆាំងនឹងក្រុមហ៊ុនប្រព័ន្ធផ្សព្វផ្សាយសង្គមធំៗ ដោយនៅក្នុងខែធ្នូស្ថាប័ននេះនិយាយថា ខ្លួនបានស៊ើបអង្កេតក្រុមហ៊ុន X ដើម្បីកំណត់ថា បណ្ដាញសង្គមមួយនេះបានបរាជ័យក្នុងការបំពេញកាតព្វកិច្ចផ្លូវច្បាប់មួយចំនួនក្នុងការប្រយុទ្ធប្រឆាំងនឹងការរីករាលដាលនៃមាតិកាខុសច្បាប់ និងព័ត៌មានមិនពិត ៕
អត្ថបទ ៖ ប៊ុន សុភាព
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ