Connect with us

ព័ត៌មានអន្ដរជាតិ

ក្រុមហ៊ុន Airbus ចេញសុំទោសទេសចរ ចិន ក្រោយហាមមិនឲ្យឡើង​យន្តហោះយោធា អាល្លឺម៉ង់

បានផុស

នៅ

ភ្ញៀវទេសចរមកពីប្រទេសចិនអះអាងថា ពួកគេត្រូវបានហាមឃាត់មិនឲ្យជិះយន្តហោះយោធាអាល្លឺម៉ង់នៅឯការតាំងពិព័រណ៍យន្តហោះនាពេលថ្មីៗនេះដោយជំរុញឲ្យមានការសុំទោសពីក្រុមហ៊ុនផលិតយន្តហោះ Airbus ។ នេះបើយោងតាមការចេញផ្សាយរបស់សារពត៌មាន BBC កាលពីថ្ងៃទី២៧ ខែ​កុម្ភៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងហេតុនេះបានកើតឡើងនៅឯពិព័រណ៍អាកាសចរណ៍សិង្ហបុរី ដែលជាការតាំងពិព័រណ៌ពាណិជ្ជកម្ម និងអាកាសចរណ៍យោធាដ៏ធំបំផុតមួយក្នុងតំបន់ ។ ការ​អះអាង​នេះ​បាន​ផ្ទុះ​ឡើង​នៅ​លើ​បណ្តាញ​សង្គម​របស់​ចិន ដែល​បង្ក​ឲ្យមាន​ភាព​ចម្រូងចម្រាស ខណៈមន្ត្រីអាល្លឺម៉ង់ក៏មិនទាន់ធ្វើអត្ថាធិប្បាយលើរឿងនេះនៅឡើយនោះដែរ ។

យោងតាមវីដេអូមួយដែលត្រូវបានផ្សព្វផ្សាយយ៉ាងទូលំទូលាយថតដោយអ្នកសរសេរប្លុកជនជាតិចិនកាលពីចុងសប្តាហ៍កន្លងទៅ បង្ហាញពីស្ត្រីម្នាក់ជាបុគ្គលិក និងពាក់កាត Airbus បានសួរបុរសម្នាក់អំពីសញ្ជាតិរបស់គាត់ និងមិនអនុញ្ញាតិឲ្យចូលក្ក្នុងយន្តហោះដឹកជញ្ជូន Airbus A400M ដែលជាកម្មសិទ្ធិរបស់កងទ័ពអាកាសអាល្លឺម៉ង់ Luftwaffe នោះទេ បន្ទាប់ពីបុរសនោះប្រាប់ថា គាត់ជាជនជាតិចិន ដោយសារតែការរឹតបន្តឹងលើផ្នែកយោធា ។

ទន្ទឹមនោះ ភ្ញៀវ​ទេសចរ​ចិន​ផ្សេងទៀត​ក៏​បាន​អះអាង​តាមប្រព័ន្ធផ្សព្វផ្សាយសង្គម Weibo ​ផងដែរថា ​ពួកគេក៏​មិន​ត្រូវ​បាន​អនុញ្ញាត​ឲ្យឡើង​យន្តហោះ​នេះដូចគ្នា ។ ពួកគេបានស្តីបន្ទោសក្រុមហ៊ុន Airbus និងយោធាអាល្លឺម៉ង់ ខណៈអ្នកខ្លះបានដាក់ពាក្យបណ្តឹងជាផ្លូវការដោយចោទប្រកាន់ថាជាការរើសអើងប្រឆាំងនឹងប្រជាជនចិន ។

ទោះយ៉ាងណា ក្រុមហ៊ុន Airbus បានបដិសេធមិនធ្វើអត្ថាធិប្បាយលើវីដេអូនេះនោះទេ ប៉ុន្តែបានបង្ហោះសារសុំទោសនៅលើគណនី Weibo ផ្លូវការរបស់ខ្លួន ដោយនិយាយថា ក្រុមហ៊ុនបានទំនាក់ទំនង និងសម្របសម្រួលភ្លាមៗជាមួយភ្ញៀវ​ទេសចរ​ និងក្រុមហ៊ុន Airbus ដើម្បីធានាថា យន្តហោះនេះបើកចំហសម្រាប់អ្នកទស្សនាទាំងអស់ និងបានសូមអភ័យទោសដោយស្មោះសម្រាប់ការរអាក់រអួលដែលបណ្តាលឲ្យមានរឿងហេតុនេះកើតឡើង ។

គួរបញ្ជាក់ថា ក្រុមហ៊ុន Airbus បានហៅយន្តហោះ A400M ជាយន្តហោះដឹកជញ្ជូនយោធាទំនើបបំផុតដែលមានសមត្ថភាពបញ្ជូន​កងទ័ពដែលមិនមែនជាទាហានប្រុងជើងការនៅសមរភូមិតាម​ជើងហោះហើរខ្នាតតូច​ ក៏ដូចជា​បញ្ជូន​ឧបករណ៍​ធំៗ​ទៅកាន់​មូលដ្ឋាន​នានា ខណៈឧបទ្ទវហេតុនេះកើតឡើង ចំពេលដែលអឺរ៉ុបមានការព្រួយបារម្ភកាន់តែខ្លាំងឡើងលើការចូលប្រើប្រាស់ណាមួយរបស់ចិនចំពោះបច្ចេកវិទ្យាយោធាលោកខាងលិច ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៥ នាទី មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

ព័ត៌មានអន្ដរជាតិ១៧ នាទី មុន

ប្រជាជននៅ ឥណ្ឌូណេស៊ី-ម៉ាឡេស៊ី ពហិការមិនចូលហាង McDonald’s និង Starbucks

ព័ត៌មានជាតិ៣០ នាទី មុន

លោកស្រី ឱ វណ្ណឌីន ជំរុញឱ្យគ្រប់មណ្ឌលសុខភាពត្រូវយកចិត្តទុកដាក់ខ្ពស់ក្នុងការព្យាបាល និងថែទាំអ្នកជំងឺ

ព័ត៌មានជាតិ៣៣ នាទី មុន

នាយករដ្ឋមន្ត្រី បញ្ជាក់ថា ការដាក់ចេញគោលនយោបាយ គឺដើម្បីផលប្រយោជន៍ពលរដ្ឋ មិនមែនសម្រាប់ធ្វើយានអវកាសទេ

ជីវិតកម្សាន្ដ៥០ នាទី មុន

“Queen of Tears” ជាប់ចំណាត់ថ្នាក់កំពូលទាំង ៣ របស់ Netflix ជាស៊េរីមានអ្នកទស្សនាច្រើនជាងគេ

Sokha Hotels

ព័ត៌មានពេញនិយម