ព័ត៌មានអន្ដរជាតិ
អាល្លឺម៉ង់ជ្រើសរើសនៅជាមួយអាមេរិក ទោះបីតានតឺងខ្លះៗ និងល្អូកល្អិនជាមួយចិនក្តី
ថ្នាក់ដឹកនាំនៃប្រទេសអាល្លឺម៉ង់បានបញ្ជាក់ជំហរ«មិនងាករេ» ចេញពីមហាអំណាចសហរដ្ឋអាមេរិក ឬប្រទេសចិននោះទេ ហើយអាល្លឺម៉ង់ក៏តែងតែជ្រើសនៅជាមួយទីក្រុងវ៉ាស៊ីនតោនជានិច្ចកាល ទោះបីជាមានភាពតានតឹងខ្លះកើតឡើងនាពេលថ្មីៗនេះក៏ដោយ។ នេះបើតាម រដ្ឋមន្ត្រីការបរទេសអាល្លឺម៉ង់ លោក ចូហាន់ វ៉ាដឺភូល (Johann Wadephul) ថ្លែងនៅប្រទេសសិង្ហបុរី កាលពីថ្ងៃចន្ទ។
ថ្លែងក្នុងកម្មវិធីសិក្សាមួយដែលរៀបចំដោយវិទ្យាស្ថានអន្តរជាតិសម្រាប់ការសិក្សាយុទ្ធសាស្ត្រ លោក វ៉ាដឺភូល បាននិយាយថា សហរដ្ឋអាមេរិកនៅតែជាដៃគូដ៏សំខាន់បំផុតសម្រាប់អឺរ៉ុបនិងអាល្លឺម៉ង់។
យោងតាមការផ្សាយរ៉យទ័រ រដ្ឋមន្ត្រីការបរទេសអាល្លឺម៉ង់រូបនេះ បានអះអាងថា អឺរ៉ុបនៅតែពឹងផ្អែកលើអាមេរិកសម្រាប់មធ្យោបាយសន្តិសុខរបស់ខ្លួន បើទោះបីជាបញ្ហាបច្ចុប្បន្ន ក្រុងវ៉ាស៊ីនតោនកំពុង «ផ្តាច់ខ្លួន» ពីតំបន់រួមក៏ដោយ។
តែយ៉ាងណា មន្ត្រីរដ្ឋបាលរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ បានរិះគន់បណ្តាប្រទេសនៅតំបន់អឺរ៉ុបចំពោះការខកខានមិនបានបំពេញតាមគោលដៅចំណាយរបស់អង្គការណាតូ និងការពឹងផ្អែកខ្លាំងពេកលើសហរដ្ឋអាមេរិក សម្រាប់សន្តិសុខផ្ទាល់ខ្លួនរបស់ពួកគេ។
លោក វ៉ាដឺភូល បាននិយាយថា៖«ការងាកទៅល្អូកល្អើនជាមួយលោកប្រធានាធិបតី ស៊ី និងនិយាយពីបញ្ហារបស់យើងគឺមិនបានធ្វើទៀតទេ ហើយយើងកំពុងឆ្ពោះទៅមុខ ដើម្បីក្លាយជាដៃគូដ៏ធំរបស់អ្នក(ចិន)។ នេះគឺជាចម្លើយខុសហើយ»។ ដោយលោកនិយាយសំដៅ ទៅកាន់ប្រធានាធិបតី លោក ស៊ី ជីនពីង។
តែយ៉ាងណា ប្រទេសលោកខាងលិច ដូចជាកាណាដា និងចក្រភពអង់គ្លេស បានចុះកិច្ចព្រមព្រៀងពាណិជ្ជកម្មជាមួយប្រទេសចិន ដោយប្រឆាំងនឹងការរិះគន់របស់សហរដ្ឋអាមេរិក។
មិនតែប៉ុណ្ណោះ ការទទូចរបស់លោក ដូណាល់ ត្រាំ ដែលថាទីក្រុងវ៉ាស៊ីនតោនគួរតែគ្រប់គ្រងលើកោះ Greenland បានធ្វើឱ្យទំនាក់ទំនងឆ្លងដែនអាត្លង់ទិកមានភាពរង្គោះរង្គើ។ ពិសេសលោកថា អឺរ៉ុបគួរតែពន្លឿនកិច្ចខិតខំប្រឹងប្រែងរបស់ខ្លួន ដើម្បីកាត់បន្ថយការពឹងផ្អែកនានា លើសហរដ្ឋអាមេរិក។
បើទោះបីជា កាលពីសប្តាហ៍មុន លោក ត្រាំ បានដកការគំរាមកំហែងដាក់ពន្ធបន្ថែម និងបដិសេធមិនប្រើកម្លាំងលើកោះ Greenland ក៏ដោយ។
យ៉ាងណា លោក វ៉ាដឺភូល បានឱ្យដឹងទៀតថា ការឆ្លើយតបរួមរបស់អឺរ៉ុប ចំពោះការទាមទាររបស់សហរដ្ឋអាមេរិកលើ Greenland បង្ហាញថា៖«វាអាចទទួលបានជោគជ័យក្នុងការការពារផលប្រយោជន៍របស់ខ្លួន ដរាបណាអាចកំណត់បន្ទាត់ក្រហមរបស់ខ្លួនឯងច្បាស់»។
លោក វ៉ាដឺភូល បានបន្តទៀតថា៖«បណ្តាញកិច្ចព្រមព្រៀងពាណិជ្ជកម្មសេរីរបស់សហភាពអឺរ៉ុប គឺជាបណ្តុំអគារដ៏សំខាន់សម្រាប់ពាណិជ្ជកម្មសេរី ផ្អែកលើច្បាប់ត្រឹមត្រូវ ដើម្បីជំរុញឱ្យមានលទ្ធិគាំពារគ្នាទៅវិញទៅមក និងបង្ការការបែកបាក់»៕
ប្រែសម្រួល៖ ណឺ មិនា
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង