ព័ត៌មានអន្ដរជាតិ
សេតវិមាន បញ្ចេញលទ្ធផល តេស្តសុខភាពរបស់លោក ចូ បៃដិន
តាមសេចក្តីរាយការណ៍របស់ Fox News កាលពីថ្ងៃពុធទី២៨ខែកុម្ភៈ, ប្រធានាធិបតីអាមេរិកលោក ចូ បៃដិន បានឆ្លងកាត់ការពិនិត្យសុខភាពប្រចាំឆ្នាំនៅមន្ទីរពេទ្យទាហាន Walter Reed ហើយជាលទ្ធផលបង្ហាញថា មេដឹកនាំវ័យចំណាស់ជាងគេក្នុងប្រវត្តិសាស្ត្រអាមេរិករូបនេះ មានសុខភាពល្អគ្រប់គ្រាន់ អាចដឹកនាំប្រទេសបានជាបន្តទៀត។
![](https://www.kampucheathmey.com/wp-content/uploads/2024/02/image-1620-1024x576.png)
វេជ្ជបណ្ឌិតចំនួន២០នាក់ បានចូលរួមក្នុងការពិនិត្យសុខភាពរយៈពេល២ម៉ោងកន្លះនេះ ប៉ុន្តែអំឡុងពេលនោះ មិនមានការធ្វើតេស្តដើម្បីបញ្ជាក់ពីសុខភាពផ្លូវចិត្តរបស់លោក បៃដិន ទេ។
តាមសេចក្តីប្រកាសពីគ្រូពេទ្យសេតវិមាន គឺវេជ្ជបណ្ឌិត Kevin O’Connor បានឲ្យដឹងថា លោកប្រធានាធិបតីមានអារម្មណ៍ល្អ និងមិនមានអ្វីដែលត្រូវព្រួយបារម្ភឡើយ។ លោកបៃដិន គឺជាបុរសអាយុ៨១ឆ្នាំ ដែលមានសុខភាពល្អ រហ័សរហួននិងមាំមួនហើយនៅតែស័ក្តិសមក្នុងការអនុវត្តភារកិច្ចដោយជោគជ័យ ក្នុងនាមជានាយកប្រតិបត្តិ ប្រមុខរដ្ឋ និងអគ្គមេបញ្ជាការ។
![](https://www.kampucheathmey.com/wp-content/uploads/2024/02/image-1621-1024x576.png)
យ៉ាងណាលទ្ធផលតេស្តក៏បង្ហាញដែរ លោក បៃដិន កំពុងទទួលការព្យាបាលជំងឺមួយចំនួនដូចជាបេះដូង, ការច្រាលក្រពះពោះវៀន, អាឡ័កស៊ីតាមរដូវ, និងសរសៃក្នុងនៃជើងទាំងពីរ ដែលធ្វើឲ្យគាត់ពិបាកដើរ ហើយមានអាការមួយដែលត្រូវបានរកឃើញថ្មីខុសពីឆ្នាំមុន នោះគឺបញ្ហាស្ទះខ្យល់ពិបាកគេង ប៉ុន្តែនេះមិនមែនជាក្តីបារម្ភឡើយព្រោះគាត់ប្រើម៉ាស៊ីនជំនួយ។
ការធ្វើតេស្តសុខភាពនេះកើតឡើង បន្ទាប់ពីមានមតិរិះគន់ជាយូរមកហើយ លើរដ្ឋបាលលោក បៃដិន ថា គ្មានតម្លាភាពលើសុខភាពរបស់ប្រធានាធិបតី។ អ្នករិះគន់ចោទថា លោក បៃដិន មិនមានសតិសម្បជញ្ញៈគ្រប់គ្រាន់ក្នុងការកាន់តំណែងជាប្រធានាធិបតីទេ ជាពិសេសបន្ទាប់ពីរបាយការណ៍របស់រដ្ឋអាជ្ញាថ្មីៗនេះដែលថា លោកមានវ័យចំណាស់ពេក និងវង្វេងវង្វាន់។
![](https://www.kampucheathmey.com/wp-content/uploads/2024/02/image-1622.png)
លើសពីនេះ នៅដើមខែកុម្ភៈ អ្នកសាធារណរដ្ឋមកពីរដ្ឋ តិចសាស់ លោក Ronny Jackson ដែលក៏ជាវេជ្ជបណ្ឌិតសេតវិមានផងដែរ ក្រោមការដឹកនាំរបស់អតីតប្រធានាធិបតី ដូណាល់ ត្រាំ និង បារ៉ាក់ អូបាម៉ា ព្រមទាំងសមាជិកសភាគណបក្សសាធារណរដ្ឋចំនួន៨៣រូបផ្សេងទៀត បានសរសេរលិខិតដែលលាតត្រដាងច្បាស់ៗពីក្តីបារម្ភធំធេង អំពីសមត្ថភាពខួរក្បាលរបស់លោក បៃដិន។
មិនត្រឹមប៉ុណ្ណឹង របាយការណ៍របស់ទីប្រឹក្សាពិសេស នៃក្រសួងយុត្តិធម៌សហរដ្ឋអាមេរិក Robert Hur ថែមទាំងបានរកឃើញព័ស្តុតាងមួយចំនួនទៀតផងដែលថា លោក បៃដិន អាចបង្កគ្រោះថ្នាក់ដល់សន្តិសុខជាតិព្រោះលោកមានរក្សាទុកឯកសារសម្ងាត់ ក្រោយចាកចេញពីតំណែងជាអនុប្រធានាធិបតីក្នុងឆ្នាំ២០១៧។
សូមបញ្ជាក់ថា លោក ចូ បៃដិន ស្បថចូលកាន់តំណែងជាប្រធានាធិបតីអាមេរិកទី៤៦ នៅថ្ងៃទី២០ខែមករាឆ្នាំ២០២១។ លោកក៏ធ្លាប់កាន់តំណែងជាអនុប្រធានាធិបតីផងដែរចន្លោះឆ្នាំ២០០៩ដល់២០១៧ ក្រោមការដឹកនាំរបស់លោក បារ៉ាក់ អូបាម៉ា៕
អត្ថបទ៖ សុខ សុវណ្ណ
ចុចអាន៖ លោក ចូ បៃដិន និង ដូណាល់ ត្រាំ ប្រកាសធ្វើដំណើរទៅព្រំដែនម៉ិកស៊ិក នៅថ្ងៃតែមួយ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៧ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៧ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ២ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៣ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៤ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម