ព័ត៌មានអន្ដរជាតិ
លោក ចូ បៃដិន និង ដូណាល់ ត្រាំ ប្រកាសធ្វើដំណើរទៅព្រំដែនម៉ិកស៊ិក នៅថ្ងៃតែមួយ
តាមការចុះផ្សាយរបស់ FOX News កាលពីថ្ងៃចន្ទទី២៦ខែកុម្ភៈ, ប្រធានាធិបតីអាមេរិកលោក ចូ បៃដិន នឹងចុះទៅពិនិត្យមើលដោយផ្ទាល់ពីវិបត្តិអន្តោប្រវេសន៍ខុសច្បាប់ ដោយធ្វើដំណើរទៅកាន់ព្រំដែនភាគនិរតីសហរដ្ឋអាមេរិក ចំថ្ងៃដែលគូប្រជែងមកពីគណបក្សសាធារណរដ្ឋគឺលោក ដូណាល់ ត្រាំ ក៏ទៅទីនោះដែរ។
![](https://www.kampucheathmey.com/wp-content/uploads/2024/02/image-1488-1024x768.png)
នៅក្នុងសេចក្តីថ្លែងការណ៍មួយ សេតវិមាននិយាយថា លោក បៃដិន នឹងទៅទីក្រុង Brownsville នៃរដ្ឋ Texas នៅថ្ងៃព្រហស្បតិ៍ ដើម្បីជួបជាមួយភ្នាក់ងារល្បាតព្រំដែន មន្ត្រីអនុវត្តច្បាប់ និងមេដឹកនាំរដ្ឋាភិបាលក្នុងតំបន់។
នេះនឹងក្លាយជាដំណើរលើកដំបូងរបស់លោក បៃដិន ទៅកាន់ព្រំដែនដ៏រញ៉េរញ៉ៃ ក្នុងរយៈពេលជាងមួយឆ្នាំនិងជាលើកទីពីរ ចាប់តាំងពីលោកចូលកាន់តំណែងក្នុងខែមករាឆ្នាំ២០២១។
![](https://www.kampucheathmey.com/wp-content/uploads/2024/02/image-1489-1024x640.png)
នៅថ្ងៃដដែលនោះ លោក ត្រាំ ដែលជាបេក្ខជនឈានមុខមកពីគណបក្សសាធារណរដ្ឋ ក្នុងការប្រជែងជាមួយលោក បៃដិន សម្រាប់ការបោះឆ្នោតប្រធានាធិបតីអាមេរិកឆ្នាំនេះ ក៏គ្រោងធ្វើដំណើរទៅចំណុចក្តៅនៅតាមព្រំដែនគឺទីក្រុង Eagle Pass នៃរដ្ឋ Texas ដែរ។
អតីតប្រធានាធិបតីរូបនេះ បានចោទប្រកាន់លោក បៃដិន ថា កំពុងបំផ្លាញអាមេរិក ដោយសារតែការលុបចោលវិធានការសន្តិសុខព្រំដែនរបស់គាត់ និងបើកដៃទទួលយកលំហូរជនបរទេសខុសច្បាប់ គ្រឿងញៀន និងជនសង្ស័យភេរវករ ក្នុងអត្រាដ៏ច្រើនលើសលប់។
![](https://www.kampucheathmey.com/wp-content/uploads/2024/02/image-1490-1024x576.png)
ពេលចូលកាន់តំណែងភ្លាម លោក បៃដិន បានចុះហត្ថលេខាលើបទបញ្ជាប្រតិបត្តិជាច្រើន ដោយលុបចោលវិធានការសន្តិសុខព្រំដែន ដែលលោក ត្រាំ ដាក់ចេញក្នុងអាណត្តិរបស់គាត់។ រដ្ឋបាលរបស់លោក បៃដិន ក៏បញ្ឈប់ជាបណ្តោះអាសន្ននូវការនិរទេសជនចំណាកស្រុកខុសច្បាប់ និងលុបចោលការសាងសង់ជញ្ជាំងព្រំដែនផងដែរ។
សូមបញ្ជាក់ បញ្ហាអន្តោប្រវេសន៍ខុសច្បាប់នៅព្រំដែនអាមេរិក-ម៉ិកស៊ិក បានក្លាយជាប្រធានបទដ៏ក្តៅគគុក ហើយគឺជារឿងឈឺក្បាលសម្រាប់ប្រធានាធិបតីគ្រប់រូបនៅក្នុងតំណែងសេតវិមាន។
ភ្នាក់ងារល្បាតព្រំដែនអាមេរិក បានរាយការណ៍អំពីការទប់ទល់ជាមួយជនបរទេសខុសច្បាប់ជិត២.៥លាននាក់ ក្នុងឆ្នាំសារពើពន្ធចុងក្រោយរបស់រដ្ឋាភិបាល ដែលបញ្ចប់នៅថ្ងៃទី៣០ខែកញ្ញា បើធៀបនឹងតួលេខត្រឹមតែ៤៥៨០០០នាក់ប៉ុណ្ណោះ ក្នុងអំឡុងឆ្នាំសារពើពន្ធពេញចុងក្រោយនៅក្នុងតំណែងរបស់លោក ត្រាំ៕
អត្ថបទ៖ សុខ សុវណ្ណ
ចុចអាន៖ អាមេរិកកំណត់គោលដៅជនជាតិរុស្ស៊ីជាង ៥០០ នាក់ និង ៩០អង្គភាព ដែលនឹងត្រូវដាក់ទណ្ឌកម្ម
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៥ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល