ព័ត៌មានអន្ដរជាតិ
តើស្រីៗនៅ អ៊ុយក្រែន មានសិទ្ធិឈប់សម្រាកក្នុងថ្ងៃ ៨ មីនា ដូចប្រទេសមានសុខសន្តិភាពផ្សេងទេ?
ថ្ងៃទី៨ ខែមីនា គឺជាទិវាអន្តរជាតិនារីដែលជាទូទៅប្រារព្ធធ្វើឡើងនៅប្រទេសទូទាំងពិភពលោក ដោយសារតែទិវានេះគឺជានិម្មិតរូបនៃការតស៊ូ ទាមទារសិទ្ធិសេរីភាពរបស់ស្ត្រីប្រឆាំងនឹងការរើសអើងផ្លូវភេទជាដើម ប៉ុន្តែសម្រាប់ស្ត្រីនៅអ៊ុយក្រែននាឆ្នាំនេះវិញនៅតែបន្តរស់នៅក្រោមគ្រាប់ផ្លោងស្ទើរតែលែងដឹងថ្ងៃបុណ្យទានទៅហើយ ។ នេះបើយោងតាមការចេញផ្សាយដោយគេហទំព័រ Visit Ukraine ។
យោងតាមមាត្រាទី ៧៣ នៃច្បាប់ការងារដែលអនុម័តដោយសភាអ៊ុយក្រែនបានចែងថា នៅទិវាអន្តរជាតិនារី ៨ មីនា ប្រជាជនអ៊ុយក្រែនគ្រប់ស្រទាប់វណ្ណៈ មិនថាបុរស ឬស្ត្រីនោះទេ តម្រូវឲ្យឈប់សម្រាក ឬទទួលបានផលប្រយោជន៍ណាមួយពីការងាររបស់ពួកគេ ប៉ុន្តែសម្រាប់ឆ្នាំ ២០២៤ នេះ ពលរដ្ឋអ៊ុយក្រែនទាំងប៉ុន្មានមិនអាចមានឱកាសបែបនេះដូចឆ្នាំមុនៗឡើយ ។
នេះជាឆ្នាំទី ៣ ហើយដែលស្ត្រីអ៊ុយក្រែនលែងមានសិទ្ធិសេរីភាពក្នុងការឈប់សម្រាក ឬមានឱកាសប្រារព្ធទិវា ៨ មីនាដូចប្រទេសមានសុខសន្តិភាពដទៃទៀត ដោយសារតែប្រជាជាតិមួយនេះកំពុងស្ថិតនៅក្រោមច្បាប់អាជ្ញាធរសឹក ចាប់តាំងពីកងកម្លាំងរុស្ស៊ីបើកការវាយលុកពេញទី ខណៈរហូតមកដល់ពេលនេះលោកប្រធានាធិបតីអ៊ុយក្រែន Volodymyr Zelensky ប្រកាសដាក់ច្បាប់អាជ្ញាសឹកជាង ១០ ដងមកហើយ ស្របពេលដែលលើកចុងក្រោយនេះ នឹងអស់សុពលភាពនាថ្ងៃទី១៣ ខែមីនា ឆ្នាំ២០២៤ ។
គិតត្រឹមពេលនេះ ភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេល ២ ឆ្នាំហើយ បន្ទាប់ពីកងកម្លាំងរដ្ឋាភិបាលទីក្រុងមូស្គូលើកទ័ពចូលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ខណៈបច្ចុប្បន្នលោក Zelensky នៅតែបន្តដើរសុំជំនួយ ក៏ដូចជាសព្វាវុធ និងកែនទាហានជាបន្តបន្ទាប់ពីសម្ព័ន្ធមិត្តសំខាន់ៗដូចជា អឺរ៉ុប និងអាមេរិកជាដើម ។
ទោះបីជាមិនមានព័ត៌មានច្បាស់លាស់អំពីចំនួនអ្នកស្លាប់ និងរបួសក៏ដោយ ប៉ុន្តែតាមការប៉ាន់ប្រមាណរបស់អង្គការសហប្រជាជាតិបានឲ្យដឹងថា ជនស៊ីវិលអ៊ុយក្រែនជាង ១០,០០០ នាក់ត្រូវបានសម្លាប់ ខណៈយោងតាមរបាយការណ៍របស់កាសែត New York Times វិញបានអះអាងថា រហូតមកដល់ពេលនេះទាំងទាហានអ៊ុយក្រែន និងរុស្ស៊ីសរុបចូលគ្នាគឺមានជាង ៥ លាននាក់បានស្លាប់បាត់បង់ជីវិត ៕
ដោយ ៖ សុខ ជីវ័ន្ត
ចុចអាន ៖ សម្ព័ន្ធមិត្តចាក់ទឹកមិនលិចរបស់លោក ពូទីន ថា អ៊ុយក្រែន ជារបស់ រុស្ស៊ី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ