ព័ត៌មានអន្ដរជាតិ
ភាពអត់ឃ្លាននៅ ហៃទី កាន់តែធ្ងន់ធ្ងរ ខណៈភាពចលចលក៏មិនទាន់គ្រប់គ្រងបាន
ភាពចលាចល និងអំពើហិង្សាក្នុងប្រទេសហៃទីកំពុងបន្តធ្វើឲ្យស្ថានភាពប្រទេសនៅតំបន់សមុទ្រការីបៀនមួយនេះមានភាពមិនច្បាស់លាស់នៅឡើយ ។ ពិសេសទៅទៀតនោះ គឺភាពចលាចលបានបង្កភាពអត់ឃ្លាន កង្វះស្បៀងអាហារកើតឡើងបន្តញំញីប្រជាជនជាដើម ។ នេះបើតាមការចុះផ្សាយរបស់សារព័ត៌មានអង់គ្លេស BBC នាថ្ងៃទី២១ ខែមីនា ឆ្នាំ២០២៤ នេះ ។
ប្រភពព័ត៌មានអង់គ្លេសខាងលើបានលើកយកស្ថានភាពរស់នៅបច្ចុប្បន្នរបស់កញ្ញា Sarah Molin មកបង្ហាញពីទិដ្ឋភាពបច្ចុប្បន្នរបស់ពលរដ្ឋនៅហៃទី ។ Molin ជានិស្សិតសិក្សាផ្នែកវិទ្យាសាស្រ្តកុំព្យូទ័រវ័យ ២០ ឆ្នាំម្នាក់ ដែលរស់នៅជាយរដ្ឋធានី Port-au-Prince ។
បើតាមសម្តីពោលខ្សាវៗរបស់ Molin ដែលបានលើកឡើងពីស្ថានភាពក្នុងគ្រួសាររបស់នាង ស្របពេលដែលនាងកំពុងយោលបំពេរកូនធម៌របស់នាងថា “ពេលខ្លះពួកយើងរកអាហារបាន ពេលខ្លះក៏អត់ទៅតាមភាពជាក់ស្ដែង” ។
ស្ថានភាពវឹកវរគ្មានអ្នកដឹកនាំ ប្រធានាធិបតីហៃទីលោក Jovenel Moise ត្រូវគេធ្វើឃាត ក៏ដូចជានាយករដ្ឋមន្រ្តីហៃទីក៏លាលែងពីតំណែង ក្រុមយុវជនបង្កភាពចលាចលហិង្សាដាក់គ្នាជាក្រុមៗ បន្សល់នូវជនរងគ្រោះជាច្រើនពាន់នាក់នៅរបួសដេកដួលពាសពេញផ្លូវ ។
គ្រួសារ Sarah Molin ក៏ដូចជាគ្រួសារហៃទីដទៃទៀត ត្រូវបង្ខំចិត្តជម្លៀសខ្លួនចេញពីកន្លែងរស់នៅ ហើយបច្ចុប្បន្នរស់នៅក្នុងសាលរោងកុនដែលគេបោះបង់ចោលជាបណ្តោះអាសន្ន ស្របពេលដែលគ្រួសារផ្សេងៗទៀតរស់នៅក្នុងអគារដែលរងការខូចខាត និងគេបោះបង់ចោល ។
ប្រជាពលរដ្ឋប្រមាណជិត ១០០ គ្រួសារបានស្នាក់នៅក្នុងតង់ជម្រកជាបណ្តោះអាសន្ន ហើយរស់នៅដោយគ្មានជំនួយសប្បុរសធម៌ទៅដល់ ឬមានអាហារបរិភោគបានគ្រប់គ្រាន់បីពេលនោះឡើយ ។
Sarah បានលើកឡើងបន្ថែមថា “ថ្ងៃខ្លះខ្ញុំទៅសាលារៀន ដោយគ្មានអាហារញ៉ាំឡើយ សឹងតែពេញមួយថ្ងៃរួចពេលខ្លះក៏ទៅគេងសម្រាកដោយគ្មានអ្វីក្នុងពោះសោះក៏មាន។ បើមួយថ្ងៃយើងមាន ៦ ដុល្លារក្នុងហោប៉ៅ គឺយើងអាចផ្គត់ផ្គង់ដោះស្រាយការរស់នៅរបស់មនុស្សធំៗបាន ៤ នាក់” ។
គួររំឭកដែរថា ក្រៅតែពីភាពអត់ឃ្លាន ជំនួយសប្បុរសធម៌ដ៏ស្តួចស្តើង មិនបានទៅដល់ប្រជាជនហៃទីនោះទេ ស្របពេលដែលប្រជាពលរដ្ឋប្រទេសនេះក៏រងគ្រោះញំញីដោយជំងឺរាតត្បាតជាបន្តបន្ទាប់ ខណៈចំណាត់ការបន្ទាន់ណាមួយមកដោះស្រាយក៏ពុំទាន់មានផងដែរ ៕
ដោយ៖ មាន រតនា
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២០ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ