ព័ត៌មានអន្ដរជាតិ
អាមេរិកប្រកាសថា ជម្លោះនៅលម្ហអវកាស ជិតកើតឡើងមែនទែនហើយ
ត្បិតអីការប្រកួតប្រជែងភូមិសាស្រ្តនយោបាយនិងជម្លោះនៅលើភពផែនដីបានបង្កជាក្តីបារម្ភរួចទៅហើយនោះ ស្រាប់តែពេលនេះ មន្ត្រីជាន់ខ្ពស់អាមេរិក ចេញមុខប្រកាសថា លទ្ធភាពនៃការផ្ទុះជម្លោះនៅក្នុងលម្ហអវកាស គឺមិនមែនគ្រាន់តែជាទ្រឹស្តីទៀតទេ ពោលគឺវាជិតកើតឡើងមែនទែនហើយ។ នេះបើតាមការចុះផ្សាយរបស់សារព័ត៌មាន Space News កាលពីថ្ងៃអង្គារទី៩ខែមេសា។
ក្នុងសន្និសីទអវកាសលើកទី៣៩នៅទីក្រុង Colorado Springs, លោកឧត្តមសេនីយ៍ Stephen Whiting ប្រធានទីបញ្ជាការអវកាសអាមេរិក បានបង្ហាញក្តីបារម្ភជាពន់ពេក ចំពោះសមត្ថភាពកាន់តែខ្លាំងក្លារបស់រុស្ស៊ីនិងចិន នៅក្នុងទីលម្ហ ដោយនិយាយថា ទីក្រុងប៉េកាំង បានដាក់កម្លាំងនៅលើមហាសមុទ្រប៉ាស៊ីហ្វិក ដើម្បីតាមដាននិងកំណត់គោលដៅសមត្ថភាពយោធារបស់សហរដ្ឋអាមេរិកនិងសម្ព័ន្ធមិត្ត។
ទន្ទឹមនោះ លោកលើកឡើងថា ចាប់តាំងពីឆ្នាំ២០១៨មក រុស្ស៊ីនិងចិន បានបង្កើនចំនួនផ្កាយរណបស៊ើបការណ៍ និងឃ្លាំមើល នៅក្នុងគន្លងតារាវិថីដល់ទៅទ្វេដងឯណោះ ហើយក៏កំពុងធ្វើតេស្តនិងបាញ់បង្ហោះអាវុធប្រឆាំងផ្កាយរណបផងដែរ។
ច្បាស់ណាស់ អាវុធអវកាសរបស់រុស្ស៊ីនិងចិន ពិតជាបង្កហានិភ័យដល់វិស័យការពារនិងជីវភាពរស់នៅបែបទំនើបរបស់អាមេរិកមែន ដូច្នេះទីក្រុងវ៉ាស៊ីនតោន ត្រូវតែអាចទប់ស្កាត់និងទប់ទល់ ចំពោះការគំរាមកំហែងទាំងនេះ។
តាមការបញ្ជាក់ពីមន្ត្រីដដែល, ជម្លោះប្រដាប់អាវុធនៅក្នុងលម្ហ គឺជាការបំផ្លិចបំផ្លាញសេដ្ឋកិច្ចនិងបរិស្ថាន អូសបន្លាយពេលរាប់ទសវត្សរ៍ ហើយទីក្រុងវ៉ាស៊ីន មិនចង់ឃើញរឿងបែបនេះឡើយ។ សហរដ្ឋអាមេរិក កំពុងធ្វើការជាមួយប្រទេសកាណាដា អូស្ត្រាលី និងចក្រភពអង់គ្លេសរួចហើយ លើប្រតិបត្តិការ Operation Olympic Defender ដែលជាកម្មវិធីមានបំណង បង្កើនប្រសិទ្ធភាពប្រតិបត្តិការអវកាស។
សូមបញ្ជាក់ថា នាពេលថ្មីៗនេះ ទីក្រុងវ៉ាស៊ីនតោន បានចោទប្រកាន់ទីក្រុងមូស្គូថា កំពុងផលិតអាវុធនុយក្លេអ៊ែរទុកប្រឆាំងផ្កាយរណបរបស់ខ្លួន។
ទោះបីជាយ៉ាងណាក៏ដោយ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចេញមុខបដិសេធថា ការអះអាងរបស់សហរដ្ឋអាមេរិក គ្មានមូលដ្ឋានច្បាស់លាស់ទាល់តែសោះ និងគ្រាន់តែជាឧបាយកល ដើម្បីរៀបចំកិច្ចចរចាគ្រប់គ្រងអាវុធប៉ុណ្ណោះ ខណៈស្ថានទូតរុស្ស៊ី ក្នុងទីក្រុងវ៉ាស៊ីនតោន ក៏ចោទអាមេរិកដែរថា បានប្រើប្រាស់ពាក្យស្លោកប្រឆាំងរុស្ស៊ី ដើម្បីបិទបាំងផែនការផ្ទាល់របស់ខ្លួនក្នុងការធ្វើទំនើបកម្មយោធាលើលម្ហអវកាស៕
អត្ថបទ៖ សុខ សុវណ្ណ
ចុចអាន៖ យានអវកាសអាមេរិក និងផ្កាយរណបរុស្ស៊ី កំពុងស្ថិតក្នុងគន្លង អាចហោះទៅបុកគ្នា
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៥ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន