ព័ត៌មានអន្ដរជាតិ
ចារកម្មអាមេរិក ព្រមានថា កូរ៉េខាងជើង នឹងបង្កើតព្រឹត្តិការណ៍យោធាដ៏ភ្ញាក់ផ្អើលមួយ នៅខែតុលា
មន្ត្រីចារកម្មអាមេរិកមួយរូបដែលសុំមិនបញ្ចេញឈ្មោះ បានប្រាប់ទៅ NBC News កាលពីថ្ងៃសុក្រទី២៤ខែឧសភាថា នៅខែតុលាខាងមុខនេះ ប្រទេសកូរ៉េខាងជើង នឹងបង្កើតឲ្យមានព្រឹត្តិការណ៍ដ៏ភ្ញាក់ផ្អើលមួយ ពោលគឺមុនការបោះឆ្នោតជ្រើសរើសប្រធានាធិបតីអាមេរិក។
![](https://www.kampucheathmey.com/wp-content/uploads/2024/05/image-1453.png)
មន្ត្រីខាងលើអះអាងថា លោក គីម ជុងអ៊ុន ទំនងជាធ្វើរឿងបង្កហេតុខាងយោធា ប៉ុន្តែមិនបញ្ជាក់ឡើយថាតើ ព្រឹត្តិការណ៍នោះនឹងមានទំហំធំកម្រិតណា។
ការព្រមាននេះកើតឡើង ចំពេលដែលកូរ៉េខាងជើង កំពុងរឹតចំណងមិត្តភាព កាន់តែស្អិតរមួតជាមួយរុស្ស៊ី ហើយលោកវ្ល៉ាឌីមៀរ ពូទីន ក៏ត្រៀមធ្វើដំណើរទស្សនកិច្ចទីក្រុងព្យុងយ៉ាង ផងដែរ។
![](https://www.kampucheathmey.com/wp-content/uploads/2024/05/image-1454.png)
យោងតាមមន្ត្រីចារកម្មអាមេរិក, លោក គីម ជុងអ៊ុន អាចចាប់ផ្តើមព្រឹត្តិការណ៍យោធាគ្រប់បែបយ៉ាង ជាពិសេសវានឹងកើតឡើងកៀកការបោះឆ្នោតប្រធានាធិបតីសហរដ្ឋអាមេរិក តែម្តង។
ក្រៅពីនេះ មានកង្វល់ផ្សេងទៀតដែលមន្ត្រីចារកម្មអាមេរិកលើកឡើង ដូចជា រុស្ស៊ីកំពុងផ្តល់បច្ចេកវិទ្យានុយក្លេអ៊ែរដល់កូរ៉េខាងជើង ក៏ដូចជាជួយដល់ការកែលម្អបច្ចេកវិទ្យាមីស៊ីលផ្លោង ហើយជាការដោះដូរ ទីក្រុងព្យុងយ៉ាង ក៏ប្រហែលជាកំពុងផ្គត់ផ្គង់សព្វាវុធដល់រុស្ស៊ី ដើម្បីជួយជ្រោមជ្រែងសង្រ្គាម នៅអ៊ុយក្រែន ទៀតផង។
![](https://www.kampucheathmey.com/wp-content/uploads/2024/05/image-1455.png)
ក្តីបារម្ភមួយទៀតនោះគឺថា រុស្ស៊ីអាចជួយកូរ៉េខាងជើង បង្កើតនាវាមុជទឹក ដែលអាចបាញ់មីស៊ីលនុយក្លេអ៊ែរ ហើយបើទីក្រុងព្យុងយ៉ាង សម្រេចបានជោគជ័យមែន, សម្ព័ន្ធមិត្តរបស់អាមេរិកដូចជាជប៉ុន និងប្រទេសដទៃទៀត នៅទូទាំងតំបន់ ច្បាស់ជាជួបហានិភ័យជាក់ជាមិនខានឡើយ។
តាមពិតទៅ រដ្ឋបាលលោក ចូ បៃដិន តែងព្យាករណ៍ច្បាស់ៗអំពីស្ថានភាពនាពេលខាងមុខ ជាក់ស្តែងមន្ត្រីទីក្រុងវ៉ាស៊ីនតោន ក៏ធ្លាប់បង្ហាញក្តីកង្វល់ផងដែរពេលលោក ពូទីន ទៅប្រទេសចិនកាលពីឆ្នាំ២០២២ ស្រាប់តែប៉ុន្មានថ្ងៃក្រោយមក រុស្ស៊ី ក៏បានដាក់ទ័ពចូលទៅ អ៊ុយក្រែន តែម្តង។
ម្យ៉ាងទៀត ក្នុងឆ្នាំ២០១៦ មន្ត្រីអាមេរិក ក៏ចោទរុស្ស៊ីផងដែរ ថាបានជ្រៀតជ្រែកការបោះឆ្នោតអាមេរិក ហើយជាលទ្ធផល រដ្ឋអាជ្ញាពិសេស Robert Mueller បានចោទប្រកាន់បុគ្គល៣៤រូប រួមទាំងជនជាតិរុស្ស៊ីម្នាក់ដែលមានទំនាក់ទំនងជាមួយវិមានក្រឹមឡាំងផងដែរ ក្រោយការស៊ើបអង្កេតរយៈពេល២ឆ្នាំ៕
អត្ថបទ៖ សុខ សុវណ្ណ
ចុចអាន៖ កូរ៉េខាងត្បូង ដាក់ទណ្ឌកម្មក្រុងព្យុងយ៉ាង និងនាវារុស្ស៊ី២គ្រឿង
-
ព័ត៌មានជាតិ១ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៥ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៦ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សន្តិសុខសង្គម៤ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
សេចក្ដីជូនដំណឹង១ សប្តាហ៍ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៥ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា១ សប្តាហ៍ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក