ព័ត៌មានអន្ដរជាតិ
ស្លាប់ ៤នាក់ របួសជាង ១០នាក់ កំឡុងពេលដង្ហែសពអនុប្រធានាធិបតីម៉ាឡាវី
រថយន្ត១គ្រឿងនៅក្នុងក្បួនដង្ហែសពរបស់អនុប្រធានាធិបតីម៉ាឡាវី បានបើកបុកប្រជាជនដែលកំពុងឈរអមដំណើរកាន់ទុក្ខ កាលពីយប់ថ្ងៃអាទិត្យទី១៦ ខែមិថុនា ដោយបានសម្លាប់មនុស្សចំនួន ៤នាក់ និងរបួស ១២នាក់។ នេះបើយោងតាមការចុះផ្សាយរបស់សារព័ត៌មាន AFP។
ហេតុការណ៍គ្រោះថ្នាក់នេះ បានកើតឡើងនៅក្នុងភូមិ Ntcheu កំឡុងពេលក្បួនដង្ហែសពកំពុងធ្វើដំណើរឆ្ពោះទៅកាន់ភូមិ Nsipe ដែលជាទឹកដីកំណើតរបស់លោក Saulos Chilima មានចម្ងាយប្រមាណ ១៨០គីឡូម៉ែត្រពីរដ្ឋធានី Lilongwe។ ការបញ្ចុះសពរបស់អនុប្រធានាធិបតីរូបនេះ គ្រោងនឹងធ្វើឡើងនៅថ្ងៃចន្ទទី១៧ ខែមិថុនា ដែលប្រទេសម៉ាឡាវីបានប្រកាសចាត់ទុកជាថ្ងៃឈប់សម្រាកជាតិ។
ក្នុងសេចក្ដីថ្លែងការណ៍របស់ប៉ូលិសម៉ាឡាវី បានឲ្យដឹងថា ប្រជាជនដែលបាត់បង់ជីវិត មានស្ត្រី២នាក់ និងបុរស២នាក់ ហើយពួកគេបានស្លាប់នៅពេលកំពុងបញ្ជូនទៅមន្ទីរពេទ្យ ដោយសារតែរបួសក្បាលធ្ងន់ធ្ងរ និងបាក់ឆ្អឹងជាច្រើនកន្លែង។
បើតាមសាក្សីម្នាក់បានប្រាប់សារព័ត៌មាន AFP ថា រថយន្តបង្កហេតុ បានព្យាយាមគេចដែរ តែរេចង្កូតនៅត្រង់ផ្លូវកោងទើបបុកចូលហ្វូងមនុស្ស ខណៈដែលកំពុងមានប្រជាជនរាប់ម៉ឺននាក់បានចូលរួមក្នុងការដង្ហែសពលោកអនុប្រធានាធិបតី ហើយមានខ្លះបានបង្កជាភាពរញ៉េរញ៉ៃពាសពេញផ្លូវពិបាកគ្រប់គ្រង។
លោក Felix Njawala អ្នកនាំពាក្យគណបក្សរបស់លោក Chilima បាននិយាយថា អស្ថិរភាពបានកើតឡើងនៅតាមផ្លូវ ខណៈប្រជាជនមួយចំនួនបានព្យាយាមបញ្ឈប់ក្បួនរថយន្តដង្ហែសព ដើម្បីឲ្យពួកគេបានមើលឃើញមឈូស។ កាន់តែអាក្រក់ជាងនេះទៅទៀត មានខ្លះបានគប់ដុំថ្មមកលើក្បួនរថយន្តផងដែរ។
សូមរំឭកថា លោក Saulos Chilima រួមជាមួយអ្នកដំណើរ៩នាក់ផ្សេងទៀត បានទទួលមរណភាពនៅក្នុងហេតុការណ៍ធ្លាក់យន្តហោះនៅក្នុងព្រៃមួយកន្លែង ស្ថិតនៅភាគខាងជើងប្រទេស ដោយសារតែកត្តាអាកាសធាតុមិនល្អ។ យន្តហោះរបស់លោកអនុប្រធានាធិបតីម៉ាឡាវី បានបាត់ចេញពីប្រព័ន្ធរ៉ាដា កាលពីព្រឹកថ្ងៃទី១០ ខែមិថុនាកន្លងទៅ ក្រោយហោះចេញពីរដ្ឋធានី Lilongwe សំដៅទៅកាន់ព្រលានអន្តរជាតិ Mzuzu ដែលមានរយៈចម្ងាយប្រមាណជា ៣៨០គីឡូម៉ែត្រ។ នៅលើយន្តហោះក៏មានភរិយារបស់អតីតប្រធានាធិបតីម៉ាឡាវីលោក Bakili Muluzi ផងដែរ។ ដំណើរលើកនេះ មានគោលបំណងទៅចូលរួមនៅក្នុងពិធីបុណ្យសពអតីតមន្ត្រីរដ្ឋាភិបាលមួយរូប។
ការិយាល័យប្រធានាធិបតីម៉ាឡាវី បានប្រកាសកាន់ទុក្ខទូទាំងប្រទេសចំពោះមរណភាពរបស់លោក Saulos Chilima និងមន្ត្រីអមដំណើរចំនួន៩រូបផ្សេងទៀត រយៈពេល២១ថ្ងៃ រាប់ចាប់ពីថ្ងៃទី១១ ខែមិថុនា ដល់ថ្ងៃទី១ ខែកក្កដា។
លោក Chilima ធ្លាប់ធ្វើជាអនុប្រធានាធិបតីចំនួន២លើក ដោយលើកទី១នៅក្នុងឆ្នាំ២០១៤ ដល់ឆ្នាំ២០១៩ ដោយកាលណោះមានលោក Peter Mutharika ជាប្រធានាធិបតី និងលើកទី២ គិតចាប់តាំងពីឆ្នាំ២០២០ ក្រោមការគ្រប់គ្រងរបស់លោក Chakwera។ លោកក៏ធ្លាប់ធ្វើជាសេដ្ឋកិច្ចវិទូ ហើយធ្លាប់ក្លាយជាជនជាតិម៉ាឡាវីដំបូងគេបង្អស់ ដែលបានបង្កើតក្រុមហ៊ុនទូរគមនាគមន៍មួយហៅថា Airtel Malawi៕
ដោយ៖ ឈាង
អានបន្ថែម៖ ច្បាស់ការណ៍! អនុប្រធានាធិបតីម៉ាឡាវី បាត់បង់ជីវិតក្នុងហេតុការណ៍ធ្លាក់យន្តហោះ
Ronaldo ជម្រុញឱ្យសិស្សប្អូននៅ ព័រទុយហ្គាល់ ម្នាក់ផ្លាស់ទៅ Man UTD
ស្រាបៀរ Heineken® បាននាំមកនូវផលិតផលថែរក្សាស្បែក Heineken® Smootheriser ដែលមានចំនួនកំណត់មកប្រទេសកម្ពុជា
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?