ព័ត៌មានអន្ដរជាតិ
មនុស្សជាង ១៣០លាននាក់នៅអាមេរិក កំពុងស្ថិតក្រោមរលកកម្តៅដ៏គ្រោះថ្នាក់
យោងតាមការចេញផ្សាយរបស់ទីភ្នាក់ងារពត៌មាន AP នៅថ្ងៃទី០៥ ខែកក្កដាបានឲ្យដឹងថា មនុស្សប្រហែល ១៣៤លាននាក់នៅសហរដ្ឋអាមេរិក កំពុងស្ថិតក្រោមការប្រកាសអាសន្នរលកកម្តៅដ៏គ្រោះថ្នាក់ និងបំបែកកំណត់ត្រាមិនធ្លាប់មានសោះ។
សឹងតែទាំងអស់ទៅហើយនៅតំបន់ឆ្នេរភាគខាងលិច វាលទំនាបភាគខាងត្បូង ជ្រលង Mississippi ជ្រលងភ្នំ Ohio និងផ្នែកខ្លះនៃរដ្ឋហ្វ្លរីដា គឺមានសីតុណ្ហភាពឡើងលើសពី៣២អង្សាសេឬខ្ពស់ជាងនេះ។
ចំណែកនៅជិត Phoenix វិញ ក្រុមពន្លត់អគ្គិភ័យ កំពុងប្រយុទ្ធនឹងភ្លើងឆេះព្រៃ ខណៈតំបន់មួយចំនួន ប្រឈមនឹងការកើតមានភ្លើងឆេះដោយសារកម្ដៅហក់ឡើងខ្លាំង។
រលកកម្ដៅនិងសីតុណ្ហភាពខ្ពស់ នៅតែបង្កហានិភ័យដល់សុខភាពមនុស្ស ជាពិសេសចំពោះអ្នកដែលងាយរងគ្រោះបំផុត ដូចជាក្មេង មនុស្សចាស់ និងអ្នកដែលគ្មានម៉ាស៊ីនត្រជាក់។ ហេតុនេះហើយ អ្នកជំនាញបានជំរុញឱ្យមនុស្សផឹកទឹកឱ្យបានច្រើន និងស្វែងរកកន្លែងត្រជាក់ ចៀសវាងជាតិកាហ្វេអ៊ីន និងអាល់កុល ហើយពាក់គ្រឿងការពារកម្តៅថ្ងៃ។
គួរបញ្ជាក់ថា បម្រែបម្រួលអាកាសធាតុដែលបណ្ដាលមកពីមនុស្ស កំពុងធ្វើឲ្យរលកកម្ដៅកាន់តែយូរនិងកាន់តែខ្លាំង ជាហេតុនាំឲ្យមានកិច្ចខិតខំប្រឹងប្រែងបន្ថែម ដើម្បីរិះរកវិធីទប់ទល់៕
អត្ថបទ៖ ប៊ុន សុភាព
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន