ព័ត៌មានអន្ដរជាតិ

តួលេខអ្នកស្លាប់ដោយសារបំណាក់ដីនៅឥណ្ឌា កើនជាង១២០នាក់ហើយ

បានផុស

២ years មុន

នៅ

ថ្ងៃពុធ ៣១ កក្កដា ២០២៤

ដោយ

Chheang

មនុស្សយ៉ាងហោចណាស់ចំនួន១២៣នាក់បានបាត់បង់ជីវិត បន្ទាប់ពីមានភ្លៀងធ្លាក់យ៉ាងខ្លាំងបណ្ដាលឲ្យមានបំណាក់ដីនៅក្នុងរដ្ឋ Kerala ភាគខាងត្បូងនៃប្រទេសឥណ្ឌា កាលពីព្រឹកថ្ងៃអង្គារទី៣០ខែកក្កដាឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការជួយសង្គ្រោះកំពុងដំណើរការ ប៉ុន្តែត្រូវបានរារាំងដោយសារភ្លៀងធ្លាក់ខ្លាំង និងមានការបាក់ស្ពានដ៏សំខាន់មួយ ដែលធ្វើឲ្យសេវាសង្គ្រោះបន្ទាន់មិនទាន់អាចទៅដល់កន្លែងកើតហេតុ។ អាជ្ញាធរក្នុងតំបន់ បានបង្ហាញក្ដីបារម្ភថា តួលេខអ្នកស្លាប់និងរបួសអាចបន្តកើនឡើងបន្ថែមទៀត ខណៈមនុស្សប្រមាណ១០០នាក់កំពុងជាប់គាំងខ្លួននៅក្នុងហេតុការណ៍បំណាក់ដីដ៏អាក្រក់មិនធ្លាប់មានគិតចាប់តាំងពីឆ្នាំ២០១៨។

ទាហានជាង២០០នាក់ ត្រូវបានដាក់ពង្រាយ ដើម្បីជួយដល់កងកម្លាំងសន្តិសុខក្នុងកិច្ចខិតខំប្រឹងប្រែងស្វែងរក និងជួយសង្គ្រោះ។ អភិបាលរដ្ឋ Kerala លោក Pinari Vijayan បានប្រាប់សន្និសីទសារព័ត៌មានថា៖ «ការបាក់ដីកាលពីថ្ងៃអង្គារបានបំផ្លាញតំបន់ទាំងស្រុង»។ លោកអភិបាលបានបន្ថែមថា មន្ទីរពេទ្យក្នុងតំបន់កំពុងព្យាបាលអ្នករបួសយ៉ាងហោចណាស់១២៣នាក់ ហើយមនុស្សជាង៣០០០នាក់ត្រូវបានជួយសង្គ្រោះ និងបាននាំទៅកាន់ទីតាំងជុំរុំសង្គ្រោះចំនួន៤៥កន្លែង។

ចំណែកលោក Narendra Modi នាយករដ្ឋមន្ត្រីឥណ្ឌា បានបង្ហោះសារនៅលើបណ្ដាញសង្គម X ថា លោកបាននិយាយជាមួយលោក Vijayan រួចហើយ និងធានាផ្ដល់ជំនួយរបស់រដ្ឋាភិបាលសហព័ន្ធនៅក្នុងកិច្ចប្រឹងប្រែងជួយសង្គ្រោះក្នុងរដ្ឋ Kerala។ លោក Modi បានប្រកាសថា សំណងប្រមាណ២៣៨៨ដុល្លារនឹងត្រូវផ្ដល់ជូនក្រុមគ្រួសារអ្នកស្លាប់ និងថវិកាប្រមាណជិត៦០០ដុល្លារសម្រាប់អ្នករងរបួស៕

ដោយ៖ ឈាង

Related Topics:ប្រទេសឥណ្ឌា គ្រោះធម្មជាតិ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា