ព័ត៌មានអន្ដរជាតិ
ហ្វីលីពីន ប្រកាសបន្តដាក់ពង្រាយនាវារបស់ខ្លួនក្នុងតំបន់ជម្លោះនៃសមុទ្រចិនខាងត្បូង
ឆ្មាំសមុទ្រហ្វីលីពីន បាននិយាយនៅថ្ងៃទី១៦ខែកញ្ញានេះថា រដ្ឋាភិបាលក្រុងម៉ានីលនឹងបន្តដាក់ពង្រាយនាវានៅក្នុងតំបន់ Sabina Shoal នៃសមុទ្រចិនខាងត្បូង បើទោះជានាវា១គ្រឿងរបស់ហ្វីលីពីនបានធ្វើដំណើរវិលត្រឡប់ចូលកំពង់ផែវិញ ក្រោយពីការឈរជើងរយៈពេល៥ខែនៅទីនោះ។
អ្នកនាំពាក្យឆ្មាំសមុទ្រហ្វីលីពីន (PCG) លោក Jay Tarriela បានប្រាប់សន្និសីទសារព័ត៌មានថា៖ «យើងនឹងរក្សាវត្តមាននៅលើដែនទឹកទាំងនេះ»។
នាវារបស់ PCG ឈ្មោះ Teresa Magbanua ត្រូវបានដាក់ពង្រាយទៅកាន់តំបន់ Sabina Shoal ក្នុងខែមេសា ដើម្បីត្រួតពិនិត្យនូវអ្វីដែលទីក្រុងម៉ានីលសង្ស័យថាជាសកម្មភាពទាមទារដីខ្នាតតូចរបស់ចិននៅក្នុងតំបន់នោះ។ នាវា Teresa Magbanua បានត្រលប់ទៅកំពង់ផែវិញកាលពីថ្ងៃអាទិត្យ។
លោក Tarriela បាននិយាយថា ការវិលត្រឡប់នេះ មិនទាក់ទងនឹងការទាមទាររបស់ចិនដែលឲ្យទីក្រុងម៉ានីលដកនាវារបស់ខ្លួនចេញនោះទេ ផ្ទុយទៅវិញ ការវិលចូលកំពង់ផែគឺដើម្បីធ្វើការជួសជុល និងផ្ដល់តម្រូវការផ្នែកវេជ្ជសាស្រ្តសម្រាប់ក្រុមនាវិក។
តំបន់ Sabina Shoal ដែលចិនសំដៅថាជាតំបន់ថ្មប៉ប្រះទឹក Xianbin និងហ្វីលីពីនហៅថាជា Escoda Shoal ស្ថិតនៅភាគខាងលិចនៃខេត្ត Palawan ក្នុងប្រទេសហ្វីលីពីន ហើយក៏ជាតំបន់សេដ្ឋកិច្ចផ្តាច់មុខរបស់ក្រុងម៉ានីល។
លោក Tarriela បានបន្ថែមថា៖ «ដោយមិនគិតពីទំហំនាវា ចំនួននាវាប៉ុន្មានគ្រឿង គោលបំណងសំខាន់ និងការប្តេជ្ញាចិត្តរបស់បញ្ជាការ (PCG) គឺត្រូវប្រាកដគ្រប់ពេលវេលាថា វត្តមានឆ្មាំសមុទ្រនៅតែមាននៅក្នុងច្រាំងសមុទ្រ»។
ឆ្មាំសមុទ្រចិន បាននិយាយកាលពីថ្ងៃអាទិត្យថា ខ្លួននឹងបន្តសកម្មភាពអនុវត្តច្បាប់នៅក្នុងដែនទឹក ដែលស្ថិតនៅក្រោមយុត្តាធិការរបស់ទីក្រុងប៉េកាំង ដោយស្របតាមច្បាប់ និងការការពារអធិបតេយ្យភាពទឹកដី សិទ្ធិ និងផលប្រយោជន៍ដែនសមុទ្រ។
ប្រទេសចិនទាមទារអធិបតេយ្យភាពលើសមុទ្រចិនខាងត្បូងភាគច្រើន ដែលទាំងតំបន់ទាំងនោះក៏មានការអះអាងពីប្រទេសព្រុយណេ ឥណ្ឌូណេស៊ី ម៉ាឡេស៊ី ហ្វីលីពីន និងវៀតណាមផងដែរ។
នៅឆ្នាំ២០១៦ តុលាការអាជ្ញាកណ្តាលអចិន្ត្រៃយ៍ក្រុងឡាអេ បានរកឃើញថា ការទាមទារដ៏ធំរបស់ប្រទេសចិនមិនមានមូលដ្ឋានផ្លូវច្បាប់នោះទេ។ យ៉ាងណា សេចក្តីសម្រេចនេះត្រូវរដ្ឋាភិបាលក្រុងប៉េកាំងច្រានចោល៕
ដោយ៖ ឈាង
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស