ព័ត៌មានអន្ដរជាតិ
អាមេរិក បារម្ភខ្លាំង រឿងកូរ៉េខាងជើង បញ្ជូនទាហានទៅជួយរុស្ស៊ី ប្រយុទ្ធជាមួយអ៊ុយក្រែន
គ្រាន់តែឮកូរ៉េខាងត្បូងអះអាងថា កូរ៉េខាងជើងបញ្ជូនទ័ពទៅជួយរុស្ស៊ី ប្រយុទ្ធជាមួយអ៊ុយក្រែននោះ ស្រាប់តែសហរដ្ឋអាមេរិក បានបង្ហាញក្តីបារម្ភជាពន់ពេក ហើយលើកឡើងថា បើនេះជាការពិតមែន នោះនឹងក្លាយជារឿងដ៏គ្រោះថ្នាក់បំផុត។
ឯកអគ្គរដ្ឋទូតអាមេរិកប្រចាំអង្គការសហប្រជាជាតិលោក Robert Wood បានប្រាប់ទៅ ក្រុមប្រឹក្សាសន្តិសុខកាលពីថ្ងៃចន្ទទី២១ខែតុលាឆ្នាំ២០២៤ថា «យើងមើលឃើញរបាយការណ៍ថា កូរ៉េខាងជើងបាននិងកំពុងត្រៀមបញ្ជូនកម្លាំងទៅជួយរុស្ស៊ីប្រយុទ្ធជាមួយអ៊ុយក្រែន។ ប្រសិនបើជាការពិតមែន នេះបង្ហាញពីជំហានដ៏គ្រោះថ្នាក់និងគួរឲ្យព្រួយបារម្ភជាទីបំផុត ហើយធ្វើឲ្យទំនាក់ទំនងយោធារវាងកូរ៉េខាងជើងនិងរុស្ស៊ីកាន់តែស៊ីជម្រៅ។ យើងកំពុងពិគ្រោះជាមួយសម្ព័ន្ធមិត្តនិងដៃគូរបស់យើងអំពីរឿងនេះ»។
ការបង្ហាញពីក្តីបារម្ភរបស់អាមេរិកនេះ កើតឡើងបន្ទាប់ពីចារកម្មទីក្រុងសេអ៊ូល និយាយកាលពីថ្ងៃសុក្រសប្តាហ៍មុនថា កូរ៉េខាងជើងបានសម្រេចចិត្តបញ្ជូនទាហានទ្រង់ទ្រាយធំ ទៅជួយដល់សង្គ្រាមរបស់ទីក្រុងមូស្គូក្នុងប្រទេសអ៊ុយក្រែន ខណៈមានទ័ពពិសេសចំនួន១ ៥០០នាក់រួចហើយ កំពុងទទួលការបណ្តុះបណ្តាលនិងឈរជើងនៅក្នុងតំបន់ចុងបូព៌ារបស់រុស្ស៊ី ហើយជាចុងក្រោយ កូរ៉េខាងជើងអាចបញ្ជូនទាហានសរុបដល់ទៅ ១២ ០០០នាក់ឯណោះ។
ពាក់ព័ន្ធរឿងនេះ សូម្បីប្រធានាធិបតីអ៊ុយក្រែន វ្ល៉ាឌីមៀរ ហ្សេលេនស្គី ក៏និយាយដែរថា «យើងមើលឃើញថា សម្ព័ន្ធភាពរវាងរុស្ស៊ីនិងកូរ៉េខាងជើង កាន់តែរឹងមាំខ្លាំងឡើងៗ។ នេះមិនមែនផ្ដោតតែការបញ្ជូនសព្វាវុធនោះទេ តែជាការពិតណាស់វាក៏ផ្ដោតលើការបញ្ជូនមនុស្សពីកូរ៉េខាងជើងទៅកាន់កងកម្លាំងប្រដាប់អាវុធនៃអ្នកលុកលុយផងដែរ»។
លោកបន្ថែមថា «វាច្បាស់ណាស់ដែលថា ក្រោមលក្ខខណ្ឌដូច្នោះ ទំនាក់ទំនងរបស់យើងជាមួយដៃគូ ត្រូវវិវឌ្ឍទៅមុខទៀត។ ជួរមុខត្រូវការការគាំទ្របន្ថែម យើងកំពុងនិយាយអំពីសមត្ថភាពអាវុធរយៈចម្ងាយឆ្ងាយបន្ថែមសម្រាប់អ៊ុយក្រែន និងការផ្គត់ផ្គង់ដែលមានស្ថិរភាពសម្រាប់កម្លាំងរបស់យើង ជាជាងបញ្ជីនៃគ្រឿងបន្លាស់យោធាធម្មតា»។
ទោះបីជាយ៉ាងណាក៏ដោយ ភាគីរុស្ស៊ី បានចេញមុខបដិសេធម្តងហើយម្តងទៀត រឿងកូរ៉េខាងជើងបញ្ជូនទាហានមកជួយខ្លួន ហើយទាត់ចោលការចោទប្រកាន់ទាំងនេះថា មិនពិតនិងគ្មានមូលដ្ឋានច្បាស់លាស់ទាល់តែសោះ៕
អត្ថបទ៖ សុខ សុវណ្ណ
ចុចអាន៖ លោក Zelenskiy៖ កូរ៉េខាងជើង បញ្ជូនកម្លាំង និងអាវុធឲ្យរុស្ស៊ីវាយអ៊ុយក្រែន
លោក លៀក លីដា ស្នើអ្នកសិល្បៈចូលរួមកំចាត់ជនខិលខូច កុំឱ្យបន្តធ្វើស្រែលើខ្នងអ្នកសិល្បៈ
ត្រាំ ចុះហត្ថលេខាលើបញ្ជាផ្អាកការបិទ TikTok នៅអាមេរិកជាបណ្ដោះអាសន្ន
ខេត្តមណ្ឌលគិរី ចុះត្រជាក់ខ្លាំងដល់១៥អង្សា ពលរដ្ឋខ្លះនៅរក្សាទម្លាប់អង្គុយអាំងភ្លើងជុំគ្នាបំបាត់ភាពរងានាពេលព្រឹក
បច្ចុប្បន្ន លន បញ្ញា អាចចាត់ទុកជាកីឡាករ លេខ១ទម្ងន់៦៧គីឡូក្រាម
ម៉ូតូ និង រថយន្ត បុកគ្នា ស្លាប់មនុស្សម្នាក់ភ្លាមៗ នៅសង្កាត់ក្បាលកោះ
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ការកក់បន្ទប់ស្នាក់នៅ មុនពេលបុណ្យចូលឆ្នាំចិន មិនទាន់មាន ខណៈអ្នកជំនាញអះអាងថា ជាទម្លាប់ប្រជាជនមិនចូលចិត្តកក់ទុកមុន
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម២០ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៥ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ