ព័ត៌មានអន្ដរជាតិ
អ៊ីរ៉ង់ គំរាមប្រើក្បាលគ្រាប់ខ្លាំងក្លាជាងមុន ក្នុងការវាយប្រហារលើកក្រោយប្រឆាំងអ៊ីស្រាអែល
អ៊ីរ៉ង់កំពុងរៀបចំការវាយប្រហារលើអ៊ីស្រាអែល ដោយនឹងប្រើប្រាស់ក្បាលគ្រាប់ដែលមានកម្លាំងខ្លាំងជាងមុន និងប្រភេទ «អាវុធផ្សេងទៀត» ដែលមិនត្រូវបានប្រើប្រាស់ក្នុងការវាយប្រហារលើកមុនរបស់ខ្លួន។ នេះបើយោងតាមរបាយការណ៍ចុះផ្សាយដោយកាសែត The Wall Street Journal កាលពីថ្ងៃទី៣ខែវិច្ឆិកាឆ្នាំ២០២៤។
មន្ត្រីអេហ្ស៊ីបប្រាប់កាសែត The Journal ថា ទីក្រុងតេហេរ៉ង់បានព្រមានក្រុងគែរជាឯកជនថា ការឆ្លើយតបរបស់ខ្លួនចំពោះការវាយប្រហារតាមអាកាសរបស់អ៊ីស្រាអែលលើទឹកដីអ៊ីរ៉ង់កាលពីថ្ងៃទី២៦ខែតុលា ដែលជាការសងសឹកចំពោះការវាយប្រហារមីស៊ីលនៅថ្ងៃទី១ខែតុលារបស់សាធារណរដ្ឋអ៊ីស្លាម នឹង «ខ្លាំងក្លា ហើយស្មុគស្មាញ»។
មន្ត្រីអ៊ីរ៉ង់ម្នាក់តាមសេចក្តីរាយការណ៍ បាននិយាយថា ដោយសារយោធារបស់ខ្លួនបាត់បង់ទាហាន៤នាក់ និងជនស៊ីវិលម្នាក់ ហេតុដូច្នោះវាជាតម្រូវការចាំបាច់ក្នុងការវាយបកទៅលើអ៊ីស្រាអែលវិញ។
របាយការណ៍ដដែល បានឲ្យដឹងទៀតថា យោធារបស់អ៊ីរ៉ង់នឹងចូលរួមក្នុងប្រតិបត្តិការលើកក្រោយនេះ ខុសពីការវាយប្រហារចំនួន២លើកមុនគឺថ្ងៃទី១៣-១៤ខែមេសា និងថ្ងៃទី១ខែតុលា ដែលធ្វើឡើងដោយកងឆ្មាំបដិវត្តន៍អ៊ីស្លាម។
មន្ត្រីអ៊ីរ៉ង់រូបនោះ បានបន្ថែមថា ការវាយប្រហារនឹងកំណត់គោលដៅលើទីតាំងយោធាអ៊ីស្រាអែល «ខ្លាំងជាងលើកមុន» ហើយទឹកដីប្រទេសអ៊ីរ៉ាក់អាចនឹងត្រូវបានប្រើសម្រាប់ការបាញ់មីស៊ីល៕
ដោយ៖ ឈាង
ចុចអាន៖ មេដឹកនាំអ៊ីរ៉ង់នៅតែប្តេជ្ញាសងសឹកអ៊ីស្រាអែលនិងអាមេរិក
-
ព័ត៌មានអន្ដរជាតិ៦ ម៉ោង agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម២ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៧ ម៉ោង agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
កីឡា១ សប្តាហ៍ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានអន្ដរជាតិ១ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ១ សប្តាហ៍ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា១ សប្តាហ៍ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានអន្ដរជាតិ៤ ថ្ងៃ agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក