ព័ត៌មានអន្ដរជាតិ

លោក Netanyahu ស្នើពន្យារពេលផ្ដល់សក្ខីកម្មនៅតុលាការ ពាក់ព័ន្ធនឹងអំពើពុករលួយ

បានផុស

២ years មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

Chheang

នៅថ្ងៃទី១១ខែវិច្ឆិកាឆ្នាំ២០២៤នេះ នាយករដ្ឋមន្ត្រីអ៊ីស្រាអែល លោក Benjamin Netanyahu បានស្នើឲ្យតុលាការពន្យារពេល៨០ថ្ងៃសម្រាប់ការផ្តល់សក្ខីកម្មរបស់លោក នៅក្នុងការកាត់ក្តីអំពើពុករលួយ ដោយលើកឡើងពីការជាប់គាំងជាមួយនឹងជម្លោះនាពេលបច្ចុប្បន្ននៅក្នុងតំបន់ហ្គាហ្សា និងប្រទេសលីបង់។

លោក Benjamin Netanyahu (រូបភាព៖ Flash90)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រព័ន្ធផ្សព្វផ្សាយអ៊ីស្រាអែល KAN ក្រុមអ្នកច្បាប់របស់លោក Netanyahu បានដាក់សំណើនៅក្នុងតុលាការក្រុងយេរូសាឡឹម ដើម្បីពន្យារពេលការផ្តល់សក្ខីកម្ម ដោយអះអាងថាលោកមិនមានពេលវេលា ដើម្បីរៀបចំខ្លួន ព្រោះការវិវឌ្ឍនៃសង្រ្គាម។

លោក Netanyahu ប្រឈមមុខនឹងការចោទប្រកាន់ពីបទស៊ីសំណូក ការក្លែងបន្លំ និងការរំលោភលើទំនុកចិត្ត។ ទោះជាយ៉ាងណា នាយករដ្ឋមន្ត្រីអ៊ីស្រាអែលបានបដិសេធថាមិនបានប្រព្រឹត្តខុសនោះទេ។

លោក Netanyahu ត្រូវឡើងផ្តល់សក្ខីកម្មនៅចំពោះមុខតុលាការនៅថ្ងៃទី២ខែធ្នូខាងមុខ។

សម័យប្រជុំដំបូងរបស់តុលាការនៃការកាត់ក្តីអំពើពុករលួយរបស់លោក Netanyahu បានធ្វើឡើងកាលពីថ្ងៃទី២៤ខែឧសភាឆ្នាំ២០២០។

ចាប់តាំងពីរងការវាយប្រហារពីក្រុមសកម្មប្រយុទ្ធហាម៉ាសកាលពីថ្ងៃទី៧ខែតុលាឆ្នាំ២០២៣ អ៊ីស្រាអែលបានបន្តវាយសងសឹកដ៏សាហាវនៅតំបន់ហ្គាហ្សាស្ទ្រីប ដោយបានសម្លាប់មនុស្សជាង ៤៣ ៦០០នាក់ ដែលភាគច្រើនជាស្ត្រី និងកុមារ។

ជម្លោះនេះ បានរីករាលដាលដល់ប្រទេសលីបង់ ដោយអ៊ីស្រាអែលបានបើកការវាយប្រហារនៅទូទាំងប្រទេសលីបង់ ក្នុងការកើនឡើងភាពតានតឹងពីសង្គ្រាមឆ្លងព្រំដែនរយៈពេលមួយឆ្នាំរវាងអ៊ីស្រាអែល និងក្រុមសកម្មប្រយុទ្ធហេសបូឡា ចាប់តាំងពីការចាប់ផ្តើមនៃសង្រ្គាមហ្គាហ្សា៕

ដោយ៖ ឈាង