ព័ត៌មានអន្ដរជាតិ
ចិន ប្រាប់ថា ខ្លួននឹងមិនទន់ជ្រាយចំពោះសកម្មភាពឯករាជ្យរបស់តៃវ៉ាន់ឡើយ
បន្ទាប់ពីស្ងប់ស្ងាត់អស់មួយរយៈពេល នៅថ្ងៃសុក្រទី១៣ខែធ្នូឆ្នាំ២០២៤នេះ ក្រសួងការពារជាតិចិន បានចេញមកប្រកាសពាក់ព័ន្ធនឹងសកម្មភាពយោធាជាច្រើនថ្ងៃជុំវិញកោះតៃវ៉ាន់ថា ការសម្រេចចិត្តគឺស្ថិតនៅលើចិនដែលថា តើត្រូវធ្វើសមយុទ្ធ ឬក៏អត់ ហើយយោធាក្រុងប៉េកាំងនឹងបន្តមានវត្តមាននៅទីនោះដដែល ដើម្បីប្រឆាំងនឹងកងកម្លាំងផ្ដាច់ខ្លួននិយមតៃវ៉ាន់។
ក្រសួងការពារជាតិតៃវ៉ាន់ កាលពីថ្ងៃចន្ទបានបន្តប្រកាសអាសន្ន និងបើកដំណើរការមជ្ឈមណ្ឌលឆ្លើយតបបន្ទាន់មួយ បន្ទាប់ពីមានសេចក្ដីរាយការណ៍ពីការកើនឡើងដ៏ធំនៃសកម្មភាពយោធារបស់ចិន ទាំងជុំវិញកោះតៃវ៉ាន់ និងនៅក្នុងសមុទ្រចិនខាងកើត និងខាងត្បូង។
ប៉ុន្មានថ្ងៃមកនេះ យោធាចិន មិនបានប្រកាសអំពីសមយុទ្ធណាមួយនោះទេ។
នៅក្នុងសេចក្តីថ្លែងការណ៍មួយ ឆ្លើយតបទៅនឹងសំណួរស្តីពីដំណើរទស្សនកិច្ចនាពេលថ្មីៗនេះរបស់ប្រធានាធិបតីតៃវ៉ាន់លោក Lai Ching-te ទៅកាន់កោះហាវ៉ៃ និងទឹកដីអាមេរិកនៃកោះ Guam ហើយថាតើប្រទេសចិនបានធ្វើសមយុទ្ធឬក៏អត់នោះ ក្រសួងការពារជាតិរបស់ប្រទេសចិនមិនបានផ្តល់ការបញ្ជាក់ ឬបដិសេធឡើយ តែបានប្រាប់បែបបង្ហើរៗថា «យុទ្ធសាស្ត្រ និងចរន្តតែងតែផ្លាស់ប្ដូរ» ហើយសង្គ្រាមមិនមានលក្ខខណ្ឌទៀងទាត់ទេ។
ក្រសួងចិន បាននិយាយថា៖ “ថាតើត្រូវធ្វើសមយុទ្ធឬក៏អត់ និងពេលណាត្រូវរៀបចំ វាជារឿងរបស់យើងក្នុងការសម្រេចចិត្តដោយខ្លួនឯង តាមតម្រូវការរបស់យើងផ្ទាល់ និងស្ថានភាពនៃបញ្ហា»។
ក្រសួង បានបន្តទៀតថា៖ «ទោះជាធ្វើសមយុទ្ធ ឬមិនធ្វើសមយុទ្ធក៏ដោយ កងទ័ពរំដោះប្រជាជននឹងមិនអវត្តមាន ហើយនឹងមិនទន់ជ្រាយក្នុងការតស៊ូប្រឆាំងនឹងឯករាជ្យ និងការបង្រួបបង្រួមជាតិឡើងវិញ (របស់តៃវ៉ាន់ទេ)»។
ក្រសួងបានបន្ថែមថា ការពឹងផ្អែកលើ «កងកម្លាំងបរទេសដើម្បីស្វែងរកឯករាជ្យ» ដែលជាពាក្យដែលចិនតែងប្រើព្រមានសហរដ្ឋអាមេរិកមិនឲ្យគាំទ្រតៃវ៉ាន់ នឹងត្រូវរងទណ្ឌកម្មយ៉ាងធ្ងន់ធ្ងរ ហើយនឹងត្រូវបរាជ័យ។
កាលពីល្ងាចថ្ងៃព្រហស្បតិ៍ ក្រសួងការពារជាតិតៃវ៉ាន់ បានប្រកាសថា ខ្លួនបានរំសាយមជ្ឈមណ្ឌលឆ្លើយតបគ្រាអាសន្ន ដោយបញ្ជាក់ថា យោធាចិនបានបញ្ឈប់សកម្មភាពនៅជុំវិញដែនកោះរបស់ខ្លួន។
នៅព្រឹកថ្ងៃសុក្រនេះ ក្រសួងការពារជាតិតៃវ៉ាន់ បាននិយាយថា មានការប្រទះឃើញយន្តហោះយោធាចិនចំនួន ១២គ្រឿងប៉ុណ្ណោះដែលកំពុងប្រតិបត្តិការនៅក្បែរនោះក្នុងរយៈពេល ២៤ម៉ោងកន្លងមក ពោលគឺធ្លាក់ចុះពីចំនួន៣៤គ្រឿង ដែលត្រូវបានរាយការណ៍កាលពីថ្ងៃមុន។
ឆ្មាំសមុទ្ររបស់កោះតៃវ៉ាន់ ក៏បានប្រាប់ដែរថា នាវាឆ្មាំសមុទ្រចិនចំនួន ៩គ្រឿងដែលនៅឆ្ងាយពីឆ្នេរសមុទ្រភាគអាគ្នេយ៍ និងនិរតីរបស់កោះតៃវ៉ាន់ បានធ្វើដំណើរឆ្ពោះទៅភាគខាងជើងវិញហើយ បន្ទាប់ពីបានធ្វើសកម្មភាពរយៈពេលប៉ុន្មានថ្ងៃថ្មីៗនេះ៕
ដោយ៖ ឈាង
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ដាក់ពាក្យចូលរៀននៅ TVET បង្កើតឱកាសការងារ សាងក្តីសង្ឃឹមជំរុញលើកកម្ពស់ជីវភាព
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ២ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៥ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន