ព័ត៌មានអន្ដរជាតិ
ហេតុអ្វី Trump ជាប្រធានាធិបតីអាមេរិកទី៤៧ ប៉ុន្តែ JD Vance ជាអនុប្រធានាធិបតីទី៥០ទៅវិញ?
កាលពីថ្ងៃចន្ទទី២០ខែមករា ពេលវេលានៅអាមេរិក លោក Donald Trump បានស្បថចូលកាន់តំណែងជាប្រធានាធិបតីអាមេរិកទី៤៧ ខណៈលោក James David Vance ក៏ស្បថចូលកាន់តំណែងជាអនុប្រធានាធិបតីទី៥០ដែរ។
យ៉ាងណា មានចម្ងល់ជាច្រើនបានលើកឡើងថា ហេតុអ្វីបានជាសហរដ្ឋអាមេរិក បែរជាមានអនុប្រធានាធិបតី ច្រើនជាងប្រធានាធិបតីទៅវិញ?

ហេតុផលគឺថា ប្រធានាធិបតីមួយរូប អាចជ្រើសរើសអនុប្រធានាធិបតីលើសពីម្នាក់ តួយ៉ាងដូចជាកាលពីជំនាន់លោក Franklin D. Roosevelt អ៊ីចឹង, ប្រធានាធិបតីអាមេរិកទី៣២រូបនេះ មានអនុប្រធានាធិបតីរហូតដល់ទៅ៣រូប ដូចជា John Garner ជាអនុប្រធានាធិបតីទី៣២, Henry Wallace ទី៣៣និង Harry Truman ទី៣៤។
ផ្ទុយទៅវិញក្នុងករណីខ្លះ អាមេរិកក៏អាចមានប្រធានាធិបតីច្រើនជាងអនុប្រធានាធិបតិផងដែរ ក្នុងលក្ខខណ្ឌដូចជា ប្រធានាធិបតីត្រូវបាត់បង់ជីវិត ដូច្នេះអនុប្រធានាធិបតីក៏ឡើងកាន់អំណាចជំនួស ដោយទុកតំណែងនោះឲ្យនៅទំនេរសិន រង់ចាំការតែងតាំងអនុប្រធានាធិបតីថ្មី។
ជាក់ស្តែងក្នុងឆ្នាំ១៩៦៣ ពេលលោក John F. Kennedy ត្រូវគេធ្វើឃាត, អនុប្រធានាធិបតី Lyndon B. Johnson ក៏ឡើងកាន់តំណែងប្រធានាធិបតីជំនួស រួចហើយទើប លោក Hubert Humphrey ត្រូវបានតែងតាំងជាអនុប្រធានាធិបតីក្នុងឆ្នាំ១៩៦៤។
ម្យ៉ាងវិញទៀត ចំពោះករណីដែលអាមេរិក អាចមានប្រធានាធិបតីច្រើនជាងអនុប្រធានាធិបតី គឺក៏ដោយសារតែអនុប្រធានាធិបតីខ្លះ អាចបន្តតំណែងដដែល ទោះមានការផ្លាស់ប្តូរមេដឹកនាំក៏ដោយ។
ព្រោះតែហេតុផលទាំងប៉ុន្មានខាងលើនេះហើយ ចំនួនប្រធានាធិបតីនិងអនុប្រធានាធិបតីសហរដ្ឋអាមេរិក មិនដូចគ្នាទេ៕
អត្ថបទ៖ សុខ សុវណ្ណ
ចុចអាន៖ ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត

-
សន្តិសុខសង្គម១៥ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៥ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច