ព័ត៌មានអន្ដរជាតិ
អាមេរិក ដាក់ទណ្ឌកម្មលើមន្ត្រីថៃ ជុំវិញការធ្វើមាតុភូមិនិវត្តន៍ជនជាតិអ៊ុយហ្គួរទៅចិនវិញ
សហរដ្ឋអាមេរិក បានដាក់កំហិតទិដ្ឋាការលើមន្ត្រី និងអតីតមន្ត្រីរដ្ឋាភិបាលថៃមួយចំនួន បន្ទាប់ពីការនិរទេសជនជាតិអ៊ុយហ្គួរ យ៉ាងតិច ៤០នាក់ទៅកាន់ប្រទេសចិន កាលពីថ្ងៃទី២៨ខែកុម្ភៈឆ្នាំ២០២៥។
ការនិរទេសទាំងនេះ បានកើតឡើងបើទោះបីជាមានការព្រួយបារម្ភថា ជនជាតិអ៊ុយហ្គួរទាំងនោះអាចប្រឈមមុខនឹងការធ្វើទុក្ខបុកម្នេញធ្ងន់ធ្ងរ រួមទាំងការជាប់ពន្ធនាគារ ឬស្លាប់នៅពេលពួកគេត្រឡប់ទៅចិនវិញក៏ដោយ។
រដ្ឋមន្ត្រីការបរទេសអាមេរិក លោក Marco Rubio បានប្រកាសកាលពីថ្ងៃសុក្រទី១៤ខែមីនាអំពីការដាក់ទណ្ឌកម្ម ដោយសង្កត់ធ្ងន់ថា ជនជាតិអ៊ុយហ្គួរដែលត្រូវបាននិរទេស អាចប្រឈមមុខនឹងការបៀតបៀន ការបង្ខិតបង្ខំឲ្យធ្វើការ និងការធ្វើទារុណកម្ម។ លោកបានរំលឹកឡើងវិញនូវការប្តេជ្ញាចិត្តរបស់សហរដ្ឋអាមេរិក ក្នុងការប្រឆាំងនឹងការធ្វើមាតុភូមិនិវត្តន៍ដោយបង្ខំរបស់ក្រុមងាយរងគ្រោះទៅកាន់ប្រទេសចិន ដែលពួកគេប្រឈមនឹងហានិភ័យនៃការរំលោភសិទ្ធិមនុស្ស។
យ៉ាងណាមិញ មន្ត្រីថៃដែលរងទណ្ឌកម្មរបស់អាមេរិក មិនត្រូវបានបញ្ចេញឈ្មោះនៅឡើយទេ។
អ៊ុយហ្គួរ គឺជាអម្បូរនៃក្រុមជនជាតិ Turkic ដែលកាន់សាសនាមូស្លីមភាគច្រើនមានដើមកំណើតក្នុងតំបន់ Xinjiang ស្ថិតនៅភាគខាងលិចប្រទេសចិន។ បន្ទាប់ពីជម្លោះជាច្រើនទស្សវត្សរ៍ជាមួយទីក្រុងប៉េកាំង ជុំវិញការរើសអើង និងការបង្ក្រាបអត្តសញ្ញាណវប្បធម៌របស់ពួកគេ រដ្ឋាភិបាលចិនបានបើកការបង្រ្កាបយ៉ាងឃោរឃៅលើជនជាតិអ៊ុយហ្គួរ ដែលរដ្ឋាភិបាលលោកខាងលិចមួយចំនួនចាត់ទុកថាជាអំពើប្រល័យពូជសាសន៍។
ជនជាតិអ៊ុយហ្គួរជាង ៣០០នាក់ដែលភៀសខ្លួនពីចិន ត្រូវបានអាជ្ញាធរថៃចាប់ឃុំខ្លួនក្នុងឆ្នាំ២០១៤។ គិតត្រឹមខែកុម្ភៈ ជនជាតិអ៊ុយហ្គួរ ៤៨នាក់នៅតែស្ថិតក្នុងការឃុំខ្លួនរបស់ថៃ នៅពេលដែលអាជ្ញាធររៀបចំបញ្ជូនពួកគេត្រឡប់ទៅចិនវិញ បើទោះបីជាមានការអំពាវនាវពីសមាជិកសភាថៃ និងមន្ត្រីអន្តរជាតិមិនឲ្យធ្វើដូច្នេះក៏ដោយ។
អាជ្ញាធរថៃ បាននិយាយថា រដ្ឋាភិបាលចិនធានាថា ជនជាតិអ៊ុយហ្គួរទាំងនោះនឹងមិនប្រឈមការពិន័យ ឬរងគ្រោះថ្នាក់អ្វីឡើយ។
នៅក្នុងការបង្ហោះលើបណ្ដាញសង្គមហ្វេសប៊ុក ស្ថានទូតចិននៅទីក្រុងបាងកក បានប្រាប់ថា ជនជាតិ«ចិន»ចំនួន ៤០នាក់ដែលត្រូវបានត្រូវបានធ្វើមាតុភូមិនិវត្តន៍ទៅកាន់តំបន់ Xinjiang «បានត្រឡប់ទៅផ្ទះ ហើយបានជួបជុំក្រុមគ្រួសារវិញបន្ទាប់ពីអស់រយៈពេលជាង ១០ឆ្នាំ»។
សូមបញ្ជាក់ថា លោក Rubio គឺជាអ្នករិះគន់ចិនជាយូរមកហើយ ហើយលោកត្រូវបានរដ្ឋាភិបាលចិនដាក់ទណ្ឌកម្មចំនួនពីរដងក្នុងឆ្នាំ២០២០ ជុំវិញការគាំទ្ររបស់លោកចំពោះសិទ្ធិរបស់ជនជាតិអ៊ុយហ្គួរ និងប្រជាជននៅហុងកុង៕
ដោយ៖ ឈាង
រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យផលប៉ះពាល់សំណង់អាងទឹក ក្រោយមានគ្រោះរញ្ជួយដីនៅប្រទេសជិតខាង
ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ទស្សនីយភាពល្ខោនខ្មែរ ៤ប្រភេទនឹងត្រូវយកទៅសម្តែងក្នុងបុណ្យភូមិខាងមុខ
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ