ព័ត៌មានអន្ដរជាតិ

លោក Yoon Suk Yeol ប្រឈមបទចោទថ្មីចំពោះការបង្កហេតុដល់កូរ៉េខាងជើង

បានផុស

៧ ខែ មុន

នៅ

ថ្ងៃចន្ទ ១០ វិច្ឆិកា ២០២៥

ដោយ

រដ្ឋអាជ្ញាពិសេសរបស់ប្រទេសកូរ៉េខាងត្បូងកាលពីថ្ងៃទី១០ខែវិច្ឆិកានេះ បានដាក់ការចោទប្រកាន់បន្ថែម លើអតីតប្រធានាធិបតី យ៉ុន ស៊ុកយោល (Yoon Suk Yeol) ពីបទរំលោភអំណាច និងបង្កអរិភាពទាក់ទងនឹងការដាក់ចេញច្បាប់អាជ្ញាសឹករយៈពេលខ្លីនៅចុងឆ្នាំ២០២៤។

អតីតប្រធានាធិបតី យ៉ុន ស៊ុកយោល (Yoon Suk Yeol)។ AP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតប្រធានាធិបតីកូរ៉េខាងត្បូង បានព្យាយាមបង្កជម្លោះយោធារវាងកូរ៉េខាងត្បូង និងកូរ៉េខាងជើង ដើម្បីប្រកាសច្បាប់អាជ្ញាសឹក។ នេះតាមអ្នកនាំពាក្យរបស់រដ្ឋអាជ្ញា បានប្រាប់សន្និសីទសារព័ត៌មានដោយដកស្រង់ភស្តុតាងដែលរកឃើញនៅលើទូរស័ព្ទដៃរបស់មន្ត្រីយោធា ដែលរួមមានពាក្យមួយចំនួនដែលបង្ហាញពីការបង្កហេតុដែលអាចកើតមានប្រឆាំងនឹងកូរ៉េខាងជើង ដូចជា «យន្តហោះគ្មានមនុស្សបើក» និង «ការវាយប្រហារយោធា (surgical strike)»។

លោក យ៉ុន ត្រូវបានតុលាការធម្មនុញ្ញបញ្ចប់មុខតំណែងពីប្រធានាធិបតីកាលពីខែមេសា ហើយកំពុងស្ថិតក្នុងការកាត់ទោសចំពោះចោទប្រកាន់ពីការបះបោរដែលកើតចេញពីការប្រកាសដាក់ច្បាប់អាជ្ញាសឹកដែលបរាជ័យកាលពីដើមខែធ្នូឆ្នាំ២០២៤។

ក្នុងការចោទប្រកាន់អំពីការបេះបោរនោះ បើរកឃើញថាមានកំហុស លោក យ៉ុន អាចនឹងត្រូវកាត់ទោសប្រហារជីវិត។

ក្រោយពីបរាជ័យនៃការដាក់ច្បាប់អាជ្ញាសឹកនេះ អតីតប្រធានាធិបតីកូរ៉េខាងត្បូងដែលធ្លាប់កាន់តួនាទីជារដ្ឋអាជ្ញាជាង២៧ឆ្នាំ បាននិយាយជាបន្តបន្ទាប់ថា គាត់មិនដែលមានបំណងដាក់ច្បាប់យោធាទេ ប៉ុន្តែបានប្រកាសច្បាប់អាជ្ញាសឹកនាពេលនោះដើម្បីព្រមានដល់ការប្រព្រឹត្តខុសដោយគណបក្សប្រឆាំង និងដើម្បីការពារលទ្ធិប្រជាធិបតេយ្យពីធាតុ «ប្រឆាំងនឹងរដ្ឋ»។

យោងតាមច្បាប់អាជ្ញាសឹកដែលប្រកាសចេញ អតីតប្រធានាធិបតី យ៉ុន អតីតរដ្ឋមន្ត្រីការពារជាតិ លោក Kim Yong-hyun និងអតីតប្រធានចារកម្មយោធា លោក Yeo In-hyung គ្រោងនឹងធ្វើការវាយប្រហារកូរ៉េខាងជើងប្រឆាំងនឹងកូរ៉េខាងត្បូង។ នេះបើតាមអ្នកនាំពាក្យរបស់រដ្ឋអាជ្ញាលោកស្រី Park Ji-young ដែលបញ្ជាក់ពីការបន្ថែមការចោទប្រកាន់។

លោកស្រី Park បាននិយាយថា អ្នកទាំងបីចង់បង្កើតភាពតានតឹងក្នុងប្រទេស ដែលជាលក្ខខណ្ឌមួយសម្រាប់លោកយ៉ុន ដើម្បីប្រកាសច្បាប់អាជ្ញាសឹក។

ព្រះរាជអាជ្ញា បាននិយាយថា Kim និង Yeo ក៏ត្រូវបានចោទប្រកាន់ពីបទចោទប្រកាន់បន្ថែមដូចគ្នា។

ក្រុមរបស់រដ្ឋអាជ្ញាពិសេសបានចោទប្រកាន់លោក យ៉ុន និងមេបញ្ជាការយោធារបស់គាត់ថា បានបញ្ជាឱ្យប្រតិបត្តិការដ្រូនបំបាំងកាយចូលទៅក្នុងប្រទេសកូរ៉េខាងជើង ដើម្បីធ្វើឱ្យភាពតានតឹងរវាងប្រទេសជិតខាងទាំងពីរ និងបង្ហាញពីភាពត្រឹមត្រូវនៃក្រឹត្យច្បាប់អាជ្ញាសឹករបស់គាត់៕

រ៉ាន់ រើយ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា