ព័ត៌មានអន្ដរជាតិ
កូរ៉េខាងជើងថា អាមេរិកដើរជំហានដំបូងខុសហើយរឿងបាញ់មីស៊ីលថ្មីរបស់ខ្លួន
នៅថ្ងៃសៅរ៍ម្សិលមិញ ប្រទេសកូរ៉េខាងជើងនិយាយថា រដ្ឋបាលរបស់ប្រធានាធិបតីសហរដ្ឋអាមេរិកលោក ចូ បៃដិន បានដើរជំហានដំបូងខុសហើយ និងបង្ហាញអរិភាពជ្រាលជ្រៅដោយការរិះគន់របស់លោកចំពោះការបាញ់សាកល្បងគ្រាប់មីស៊ីលការពារខ្លួនរបស់ខ្លួន។
កាលពីថ្ងៃសុក្រ កូរ៉េខាងជើងបានអះអាងថា ខ្លួនបានចាប់ផ្តើមបាញ់ ប្រភេទថ្មីនៃគ្រាប់មីស៊ីល Ballistic យុទ្ធសាស្ត្រចម្ងាយខ្លី។
លោក ចូ បៃដិន បានលើកឡើងថា ការបាញ់សាកល្បងគ្រាប់មីស៊ីលនោះគឺរំលោភលើដំណោះស្រាយក្រុមប្រឹក្សាសសន្តិសុខអង្គការសហប្រជាជាតិ ប៉ុន្តែលោកបញ្ជាក់ថា លោកនៅតែបន្តបើកចំហរការទូតជាមួយទីក្រុងព្យុងយ៉ាង។
រដ្ឋលេខាធិការគណកម្មាធិការមជ្ឈឹមបក្សពលករកូរ៉េខាងជើង លោក Ri Pyong Chol បាននិយាយថា ការបាញ់សាកល្បងមីស៊ីលគឺដើម្បីការពារខ្លួនប្រឆាំងនឹងការគំរាមកំហែងរបស់កូរ៉េខាងត្បូង និងសហរដ្ឋអាមេរិកចំពោះការធ្វើសមយុទ្ធយោធារួមគ្នា និងអាវុធទំនើបៗរបស់ពួកគេតែប៉ុណ្ណោះ។
លោក Ri បាននិយាយក្នុងសេចក្តីថ្លែងការណ៍មួយដែលទីភ្នាក់ងារសារព័ត៌មានមជ្ឈឹមបក្សកូរ៉េខាងជើង(KCNA)ទទួលបានថា ៖«យើងសម្តែងការព្រួយបារម្ភយ៉ាងខ្លាំងទៅនាយកប្រតិបត្តិសហរដ្ឋអាមេរិកដែលបានបង្កកំហុសចំពោះការបាញ់សាកល្បង ដែលជាការអនុវត្តប្រចាំនៃសិទ្ធិរដ្ឋរបស់យើងដើម្បីការពារខ្លួន ថាជាការរំលោភទៅលើដំណោះស្រាយអង្គការសហប្រជាជាតិ និងបង្ហាញជាចំហរនូវអរិភាពជ្រាលជ្រៅរបស់គាត់»។
លោកថា ការលើកឡើងរបស់លោក ចូ បៃដិន គឺជា«ការរំលោភបំពានលើសិទ្ធិរដ្ឋរបស់យើងដើម្បីការពារខ្លួន និងការបង្កហេតុ» និងបន្ថែមថា ទីក្រុងវ៉ាស៊ីនតោនអាចប្រឈមនឹងអ្វីដែលមិនល្អ ប្រសិននៅតែ«បន្តធ្វើដោយគ្មានការពិចារណា»។
លោក Ri និយាយថា ៖«ខ្ញុំគិតថា រដ្ឋបាលថ្មីរបស់សហរដ្ឋអាមេរិកពិតជាបានបោះជំហានដំបូងខុសហើយ»។
លោកបានចោទប្រកាន់រដ្ឋបាលរបស់លោកប្រធានាធិបតី ចូ បៃដិន ថា «បានឆ្លៀតឱកាសគ្រប់បែបយ៉ាង»ដើម្បីបង្កហេតុដោយដាក់ម៉ាកយីហោលើទីក្រុងព្យុងយ៉ាងថាជា«ការគំរាមកំហែងសន្តិសុខ»។
ការបាញ់សាកល្បងគ្រាប់មីស៊ីលទើបតែប៉ុន្មាន បន្ទាប់ពីរដ្ឋមន្ត្រីក្រសួងការបរទេសអាមេរិកលោក Antony Blinken បានប្តេជ្ញាធ្វើការដើម្បីរំសាយអាវុធនុយក្លេអ៊ែររបស់កូរ៉េខាងជើង និងបានរិះគន់ចំពោះការរំលោភសិទ្ធិមនុស្សដែលមានលក្ខណៈជា«ប្រព័ន្ធនិងរីករាលដាល»របស់ប្រទេសមួយនេះ កំឡុងពេលដំណើរទស្សនកិច្ចរបស់លោទៅទីក្រុងសេអ៊ូលជាមួយរដ្ឋមន្ត្រីក្រសួងការពារជាតិលោក Lloyd Austin៕
ប្រែសម្រួល៖ វីរបុត្រ
ប្រភព៖ Reuters
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%