ព័ត៌មានអន្ដរជាតិ

ក្រុមបះបោរនៅខេត្តភាគខាងត្បូងថៃបំផ្ទុះគ្រាប់បែករបួសមនុស្សពីរនាក់

បានផុស

១ year មុន

នៅ

ថ្ងៃព្រហស្បតិ៍ ៨ ឧសភា ២០២៥

ដោយ

ក្រុមបះបោរបំផ្ទុះគ្រាប់បែកតាមដងផ្លូវក្នុងស្រុកមួយក្នុង ខេត្ត Yala បណ្ដាលឲ្យ វិស្វករពីនាក់រងរបួស កាលពីថ្ងៃពុធ ស្របពេលរដ្ឋាភិបាលថៃរឹតបន្តឹងសន្តិសុខនៅតាមខេត្តភាគខាងត្បូងថៃដោយសារអំពើហិង្សាកើនឡើង។ នេះបើយោងតាមការចេញផ្សាយរបស់កាសែត Bangkok Post នៅថ្ងៃទី០៨ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់បែកនេះបានផ្ទុះនៅលើផ្លូវតាមបណ្តោយផ្លូវរថភ្លើង ក្នុងភូមិ Kotortuera ស្រុក Raman នៅម៉ោងប្រហែល ៥ល្ងាច ខណៈដែលក្បួនរថយន្តចំនួន ៥ គ្រឿងដឹកទាហាន ២១នាក់កំពុងឆ្លងកាត់។ ពួកគេកំពុងធ្វើដំណើរត្រឡប់ទៅមូលដ្ឋានវិញ បន្ទាប់ពីពួកគេបញ្ចប់ការបូមខ្សាច់ប្រឡាយនៅភូមិមួយផ្សេងទៀត។

ហេតុការណ៍នេះបាន បណ្តាលឲ្យវិស្វករយោធា២នាក់រងរបួស ម្នាក់រងរបួសត្រចៀកនិងម្នាក់ទៀត រងរបួសដើមទ្រូង និងចិញ្ចើម និងត្រូវបានបញ្ជូនទៅកាន់មន្ទីរពេទ្យ Raman។

ប៉ូលិសបានជឿថា ការវាយប្រហារនេះអាចជាស្នាដៃរបស់ក្រុមបះបោរដែលចង់បង្កើតភាពចលាចល ខណៈឧប្បត្តិហេតុហិង្សាបាននិងកំពុងកើនឡើងក្នុងប៉ុន្មានសប្តាហ៍ថ្មីៗនេះក្នុងខេត្តភាគខាងត្បូងដូចជាខេត្ត Narathiwat, Pattani និង Yalaជាកន្លែងដែលក្រុមបំបែកខ្លួនស្វែងរកឯករាជ្យភាពកាន់តែខ្លាំងចំពោះតំបន់ដែលមានអ្នកកាន់សាសនាឥស្លាម។

កាលពីសប្តាហ៍មុនមនុស្ស ០៤ នាក់ រួមទាំងក្មេងស្រីអាយុ ៩ ឆ្នាំម្នាក់ និងស្ត្រីពិការភ្នែកអាយុ៧៦ឆ្នាំម្នាក់ត្រូវបានសម្លាប់ដោយខ្មាន់កាំភ្លើងនៅក្នុងស្រុក Tak Bai និង Chanae ក្នុងខេត្ត Narathiwat ។ មនុស្សជាង ៧,០០០ នាក់បានស្លាប់ចាប់តាំងពីឆ្នាំ ២០០៤ ដោយសារការបះបោរបានចាប់ផ្តើមឡើងវិញបន្ទាប់ពីបានស្ងប់ស្ងាត់អស់រយៈពេលជាច្រើនឆ្នាំ៕