Connect with us

ព័ត៌មានអន្ដរជាតិ

ចិន​ចោទ​អាមេរិក​​ថា​ប្រើប្រាស់​កិច្ច​ប្រជុំ«Shangri-La» ​បង្ក​ជម្លោះ

បានផុស

នៅ

កាល​ពី​ថ្ងៃ​ទី​១ ខែ​មិថុនា ឆ្នាំ​២០២៥ ប្រទេសចិន បានរិះគន់សហរដ្ឋអាមេរិកយ៉ាងខ្លាំង ដោយ​​ថា​ មហាអំណាច​ពិភពលោក​មួយ​នេះ​កំពុង​​ប្រើប្រាស់កិច្ចប្រជុំសន្តិសុខ «Shangri-La» ដើម្បីញុះញង់ភាពតានតឹងក្នុងតំបន់។ ការថ្កោលទោសរបស់ទីក្រុងប៉េកាំង ធ្វើឡើងបន្ទាប់ពីការកត់សម្គាល់របស់រដ្ឋមន្ត្រីការពារជាតិអាមេរិក លោក Pete Hegseth ដែលបានចាត់ទុក​ចិនថាជា «ការគំរាមកំហែង» ដល់តំបន់ឥណ្ឌូប៉ាស៊ីហ្វិក ក្នុងអំឡុងកិច្ចប្រជុំកំពូលដែលធ្វើឡើងនៅប្រទេសសិង្ហបុរី។

(រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zhang Xiaogang អ្នកនាំពាក្យក្រសួងការពារជាតិចិន បានចោទប្រកាន់​អាមេរិកថា «កេងប្រវ័ញ្ចកិច្ចសន្ទនា Shangri-La ឡើង​ជាទម្លាប់​ ដើម្បីបង្កើតជម្លោះ ញុះញង់​ឲ្យមានការប្រឈមមុខដាក់គ្នា និងបន្តផលប្រយោជន៍ផ្ទាល់ខ្លួន»។ លោកបានចាត់ទុកសេចក្តីថ្លែងការណ៍របស់លោក Hegseth ថាជាការឆ្លុះបញ្ចាំងពី «ចិត្តគំនិតនៃសង្រ្គាមត្រជាក់» និង «តក្កវិជ្ជាអនុត្តរភាព» ដោយអះអាងថា វោហាសាស្ត្របែបនេះបង្ខូចទ្រង់ទ្រាយគោលនយោបាយរបស់​ចិន និងធ្វើ​ឲ្យ​ខូចដល់ស្ថិរភាពក្នុងតំបន់។

ក្រសួងការបរទេសចិន បាន​បង្ហាញ«ការមិនពេញចិត្តយ៉ាងខ្លាំង និងការប្រឆាំងយ៉ាងម៉ឺងម៉ាត់» ចំពោះអ្វីដែលខ្លួនយល់ថាជា​ទង្វើ​របស់​អាមេរិកដើម្បី «សាបព្រួសភាពមិនចុះសម្រុង» និង «បង្ក​ឲ្យមានការប្រឈមមុខដាក់គ្នា» នៅអាស៊ីប៉ាស៊ីហ្វិក។ ទីក្រុងប៉េកាំងបានព្រមានថា សកម្មភាពរបស់ទីក្រុងវ៉ាស៊ីនតោនអាច​បង្ក​ជា​សង្គ្រាម បើ​នៅ​តែ​បន្ត​ដើរ​លើ​ផ្លូវបច្ចុប្បន្នបែប​នេះ​ទៀត។

លោក Hegseth នៅក្នុងកិច្ចប្រជុំកំពូល បាន​ព្រមានអំពីមហិច្ឆតាយោធារបស់ចិន ជាពិសេសទាក់ទងនឹងតៃវ៉ាន់។ លោក​បាន​​លើក​ឡើង​ថា ចិន​អាច​នឹង​ត្រៀម​ខ្លួន​សម្រាប់​ការ​ឈ្លានពាន​តៃវ៉ាន់​នៅ​ឆ្នាំ​២០២៧ ហើយ​បាន​ជំរុញ​​ឲ្យ​សម្ព័ន្ធមិត្ត​ក្នុង​តំបន់​ពង្រឹង​សមត្ថភាព​ការពារ​​ខ្លួន។

ជាការឆ្លើយតប ចិនបានអះអាងជាថ្មីនូវគោលជំហររបស់ខ្លួនថា តៃវ៉ាន់គឺជាបញ្ហាផ្ទៃក្នុង និងព្រមានប្រឆាំងនឹងការជ្រៀតជ្រែកពីបរទេស។ លោក Zhang បានសង្កត់ធ្ងន់ថា កងទ័ពរំដោះប្រជាជន​ចិន​នឹង​ការពារយ៉ាងម៉ឺងម៉ាត់នូវអធិបតេយ្យភាពជាតិ និងបូរណភាពទឹកដី ដោយប្តេជ្ញាថានឹងកម្ទេច​​ចោល​ទាំង​ស្រុង​នូវរាល់គម្រោងផ្តាច់ខ្លួន ឬ​ឯករាជ្យ​របស់​តៃវ៉ាន់ ក៏​ដូចជា​ការជ្រៀតជ្រែកពី​មជ្ឈិដ្ឋាន​ខាងក្រៅណាមួយ៕

ដោយ៖ ឈាង

ចុចអាន៖ អាមេរិកជំរុញឲ្យ​អូស្ត្រាលីបង្កើនចំណាយលើវិស័យការពារជាតិដល់ ៣,៥% នៃ GDP

Helistar Cambodia - Helicopter Charter Services
Sokimex Investment Group
ព័ត៌មានជាតិ១ ម៉ោង មុន

រដ្ឋមន្ត្រីព័ត៌មាន នេត្រ ភក្រ្តា ទទួលបានពានរង្វាន់ «បេសកជនពិសេស នៃសុចរិតភាពព័ត៌មាន»ពីប្រទេសស្រីលង្កា

សេដ្ឋកិច្ច១ ម៉ោង មុន

កម្ពុជារកចំណូលបានជាង $៧,៦ ពាន់លាន ពីការនាំចេញសម្លៀកបំពាក់នៅឆមាសទី១

កីឡា១ ម៉ោង មុន

ខេត្តត្បូងឃ្មុំ បំបាក់ ខេត្តព្រៃវែង ៧-០ ខណៈកំពង់ចាម ឈ្នះ ស្វាយរៀង ២-១ ពាន​សម្តេច​តេជោ​ថ្នាក់​ខេត្ត

ព័ត៌មានជាតិ១ ម៉ោង មុន

ពលករខ្មែរ ១ ម៉ឺន ៣ ពាន់នាក់ ទទួលបានការងារធ្វើក្រោយត្រឡប់មកពីប្រទេសថៃ

ព័ត៌មានជាតិ១ ម៉ោង មុន

មាត្រា១ មាត្រា៤ មាត្រា៧ មាត្រា២៨ និងមាត្រា២៩ នៃច្បាប់សញ្ជាតិ នឹងធ្វើវិសោធនកម្ម ដើម្បីកំណត់ដកសញ្ជាតិ

Sokha Hotels

ព័ត៌មានពេញនិយម