ព័ត៌មានអន្ដរជាតិ
ត្រាំ៖ «យើងទុកពេលឲ្យអ៊ីរ៉ង់៦០ថ្ងៃ តែថ្ងៃនេះគឺថ្ងៃទី៦១ហើយ»
ប្រធានាធិបតីអាមេរិក លោក ដូណាល់ ត្រាំ បាននិយាយថា ការវាយប្រហារយោធាទ្រង់ទ្រាយធំនាពេលថ្មីៗនេះរបស់អ៊ីស្រាអែលទៅលើប្រទេសអ៊ីរ៉ង់ បានកើតឡើងបន្ទាប់ពីទីក្រុងតេហេរ៉ង់បរាជ័យក្នុងការឆ្លើយតបទៅនឹងការទុកពេល ៦០ថ្ងៃរបស់អាមេរិកសម្រាប់កិច្ចព្រមព្រៀងនុយក្លេអ៊ែរ។
ថ្លែងនៅក្នុងបទសម្ភាសន៍ជាមួយ Reuters កាលពីថ្ងៃទី១៣ខែមិថុនា លោក ត្រាំ បាននិយាយថា «យើងបានផ្តល់ឲ្យអ៊ីរ៉ង់ ៦០ថ្ងៃដើម្បីធ្វើកិច្ចព្រមព្រៀង។ ថ្ងៃនេះគឺជាថ្ងៃទី៦១ហើយ»។ ការអត្ថាធិប្បាយនេះ បានធ្វើឡើងតែប៉ុន្មានម៉ោងបន្ទាប់ពីអ៊ីស្រាអែលបានកំណត់គោលដៅលើរោងចក្រនុយក្លេអ៊ែរ និងទីតាំងយោធាសំខាន់ៗរបស់អ៊ីរ៉ង់ នៅក្នុងអ្វីដែលខ្លួនបានពណ៌នាថាជាយុទ្ធនាការសម្របសម្រួល និងបង្ការទុកជាមុន។ លោក ត្រាំ បានបញ្ជាក់ថា លោកត្រូវបានគេជូនដំណឹងអំពីប្រតិបត្តិការនេះជាមុន ហើយលោកបានហៅការវាយប្រហាររបស់អ៊ីស្រាអែលថា «ល្អឥតខ្ចោះ» និង «ពិតជាទទួលជោគជ័យខ្លាំង»។
យ៉ាងណាមិញ ទោះបីជាផុតការកំណត់ក្រៅផ្លូវការរបស់លោកក៏ដោយ លោក ត្រាំ បានស្នើថា ដំណោះស្រាយការទូតនៅតែមានសម្រាប់អ៊ីរ៉ង់នៅឡើយ។ លោកបានមានប្រសាសន៍ថា «វាមិនយឺតពេលទេ» ដោយសំដៅទៅលើការចរចានុយក្លេអ៊ែររវាងអាមេរិក និងអ៊ីរ៉ង់នៅប្រទេសអូម៉ង់នៅថ្ងៃអាទិត្យនេះ។ ត្បិតតែបែបនេះក្ដី ជាការឆ្លើយតប មន្ត្រីអ៊ីរ៉ង់បានប្រកាសថា កិច្ចពិភាក្សាទាំងនោះ«លែងមានន័យ»ទៀតហើយ បន្ទាប់ពីអាមេរិកបើកដៃឲ្យអ៊ីស្រាអែលធ្វើការវាយប្រហារ។
លោក ត្រាំ បានចោទប្រកាន់អ៊ីរ៉ង់ពីការខ្ជះខ្ជាយឱកាសម្តងហើយម្តងទៀតដើម្បីជៀសវាងជម្លោះ ហើយបានព្រមានថា ភាពអសកម្មបន្ថែមទៀតនឹងនាំឲ្យមាន «ផលវិបាកកាន់តែអាក្រក់» ដោយហៅពេលវេលាបច្ចុប្បន្នថាជា «ឱកាសទីពីរ មុនពេលគ្មានអ្វីនៅសេសសល់»។
នៅលើបណ្ដាញសង្គម Truth Social លោក ត្រាំ សរសេរថា ការវាយប្រហារលើកក្រោយរបស់អ៊ីស្រាអែលនឹងខ្លាំងជាងនេះទៀត។ នៅក្នុងដៃអ៊ីស្រាអែល កំពុងមានអាវុធល្អនិងគ្រោះថ្នាក់បំផុតលើលោកដែលផលិតដោយអាមេរិក។ អ៊ីរ៉ង់នឹងប្រឈមជាមួយរឿងដែលអាក្រក់បំផុតពុំធ្លាប់មាន បើបដិសេធកិច្ចព្រមព្រៀង៕
ដោយ៖ ឈាង
ចុចអាន៖ អ៊ីរ៉ង់ ប្រាប់ថា កិច្ចចរចានុយក្លេអ៊ែរជាមួយអាមេរិកលែងមានន័យ ក្រោយត្រូវអ៊ីស្រាអែលវាយ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម