ព័ត៌មានអន្ដរជាតិ
ពូទីន ហៅទូរសព្ទទៅ គីម ជុងអ៊ុន ដើម្បីពិភាក្សាគ្នា មុនកិច្ចប្រជុំកំពូលជាមួយ ត្រាំ ស្តីពីអ៊ុយក្រែន
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានសន្ទនាតាមទូរសព្ទជាមួយមេដឹកនាំកូរ៉េខាងជើង លោក គីម ជុងអ៊ុន កាលពីថ្ងៃទី១២ខែសីហា ដោយរៀបរាប់អំពីបញ្ហាសង្គ្រាមនៅអ៊ុយក្រែន មុនពេលដែលប្រមុខវិមានក្រឹមឡាំងរូបនេះគ្រោងជួបជាមួយប្រធានាធិបតីអាមេរិក លោក ដូណាល់ ត្រាំ នៅរដ្ឋអាឡាស្កា នាថ្ងៃសុក្រសប្តាហ៍នេះ។
យោងតាមទីភ្នាក់ងារព័ត៌មានរដ្ឋ KCNA លោក គីម បានបង្ហាញការគាំទ្រដោយមិនងាករេចំពោះសកម្មភាពរបស់រុស្ស៊ី ក្រោមសន្ធិសញ្ញាការពារទៅវិញទៅមកកូរ៉េខាងជើង-រុស្ស៊ីឆ្នាំ២០២៤ ដោយសន្យាថានឹង«គាំទ្រយ៉ាងពេញទំហឹងគ្រប់វិធានការ» ដែលធ្វើឡើងដោយទីក្រុងមូស្គូ។ វិមានក្រឹមឡាំងបាននិយាយថា ការពិភាក្សាត្រូវបានធ្វើឡើង «នៅក្នុងបរិបទនៃកិច្ចពិភាក្សានាពេលខាងមុខ» ជាមួយទីក្រុងវ៉ាស៊ីនតោន។
ការសន្ទនានេះ បានធ្វើឡើងតែបីថ្ងៃមុនពេលកិច្ចប្រជុំកំពូលរវាងសហរដ្ឋអាមេរិក និងរុស្ស៊ី ដែលជាផ្នែកមួយនៃកិច្ចខិតខំប្រឹងប្រែងដើម្បីរកឲ្យឃើញនូវបទឈប់បាញ់នៅក្នុងសង្គ្រាមដែលឥឡូវនេះឈានចូលដល់ឆ្នាំទីបួនហើយ។ លោក ពូទីន កំពុងទាមទារឲ្យអ៊ុយក្រែនបោះបង់តំបន់ Donetsk និង Luhansk ដែលជាជំហរត្រូវបានបដិសេធយ៉ាងដាច់អហង្ការដោយប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី។
ក្រៅតែពីលោក គីម លោក ពូទីន ក៏បានពិគ្រោះយោបល់គ្នាជាមួយប្រធានាធិបតីចិន ស៊ី ជីនពីង និងនាយករដ្ឋមន្ត្រីឥណ្ឌា Narendra Modi ផងដែរ៕
ដោយ៖ ឈាង
ចុចអាន៖ ហេតុអ្វីបានជា ត្រាំ និង ពូទីន ជ្រើសរើសរដ្ឋអាឡាស្កា សម្រាប់កិច្ចប្រជុំកំពូល?
-
សន្តិសុខសង្គម១៦ ម៉ោង agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៥ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៤ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ១ សប្តាហ៍ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន