ព័ត៌មានអន្ដរជាតិ
យុវវ័យមីយ៉ាន់ម៉ាអំពាវនាវឲ្យពលរដ្ឋមិនចូលរួមប្រារព្ធពិធីបុណ្យចូលឆ្នាំថ្មី
យុវវ័យនៅប្រទេសមីយ៉ាន់ម៉ាបានកំពុងអំពាវនាវឲ្យពលរដ្ឋកុំចូលរួមប្រារព្ធពិធីបុណ្យចូលឆ្នាំថ្មីដែលនឹងមកដល់សប្តាហ៍ក្រោយ។
ការអំពាវនាវដើម្បីពហិការនេះត្រូវបានគេមើលឃើញថាជាផ្នែកមួយនៃការប្រឆាំងរបបយោធា និងវិធីគោរពដល់ជនរងគ្រោះដែលបាត់បង់ជីវិតដោយរបបយោធា។
តាមធម្មតានៅពេលនេះ ប្រទេសមីយ៉ាន់ម៉ាបានកំពុងត្រៀមខ្លួនប្រារព្ធបុណ្យចូលឆ្នាំថ្មី ដែលគេនិយមហៅថា បុណ្យទឹក ដែលជាពិធីបុណ្យតាមប្រពៃណី និងវប្បធម៌ដ៏សំខាន់ធំនៅប្រទេសមីយ៉ាន់ម៉ា។
ជាពិធីបុណ្យមានរយៈពេលវែងនៅខាងក្រៅផ្ទះដ៏សប្បាយរីករាយដែលជាទូទៅត្រូវបានគេមើលឃើញថា យុវវ័យបាចទឹកដាក់គ្នាទៅវិញទៅមកទូទាំងប្រទេស។
មនុស្សជាច្រើននៅមីយ៉ាន់ម៉ាបានទន្ទឹងរង់ចាំប្រារព្ធពិធីបុណ្យចូលឆ្នាំថ្មីដែលនឹងចាប់ផ្តើមនៅថ្ងៃទី១៣ ខែមេសា បន្ទាប់ពីកាលពីឆ្នាំមុនរដ្ឋាភិបាលមិនអនុញ្ញាតឲ្យប្រារព្ធដោយសារកូវីដ-១៩។
ទោះបីជាយ៉ាងណា សេចក្តីសង្ឃឹមរបស់ពួកគេត្រូវបានញាំញីដោយរបបយោធាកាលពីខែកុម្ភៈដែលចាប់ពីពេលនោះមក មនុស្សជាង៥០០នាក់ត្រូវបានសម្លាប់ពីការបង្ក្រាបដោយហិង្សា។
ការតស៊ូប្រឆាំងបានកើតឡើងទូទាំងប្រទេស ហើយប្រទេសទាំងមូលបានកំពុងបានធ្លាក់ក្នុងការបង្ហូរឈាមដែលបង្កើតឡើងដោយរបបយោធា។
មួយសប្តាហ៍មុនពេលពិធីបុណ្យចូលឆ្នាំមកដល់ យុវវ័យនៅទីកក្រុងធំៗ និងទីកន្លែងជាច្រើនទៀតបានបង្កើតយុទ្ធនាការណ៍តាមអនឡាញជំរុញឲ្យពលរដ្ឋកុំប្រារព្ធ និងចូលរួមក្នុងព្រឹត្តិការណ៍នេះ។
ប្រសិនបើយុទ្ធនាការណ៍នេះបានជោគជ័យ វានឹងក្លាយជាសម្ពាធធំមួយដែលបំផ្លាញនូវអ្វីដែលយោធាមីយ៉ាន់ម៉ាប្រកាសថា ប្រទេសស្ថិតនៅក្រោមការគ្រប់គ្រង និងស្ថានភាពវិលត្រឡប់ធម្មតា។
ប្រសិនបើពហិការបន្តដំណើរការ ផ្លូវនានានៅទីក្រុងធំៗ និងទីក្រុងផ្សេងៗទៀតទូទាំងប្រទេសនឹងក្លាយជាទីស្ងប់ស្ងាត់ដូចទៅនឹងរយៈពេលដាក់បំរាមកូវីដ-១៩កាលពីឆ្នាំមុន។
សេចក្តីប្រកាសធ្វើឡើងដោយយុវជននៅក្នុងទីក្រុងយ៉ាំងហ្គោនបានឲ្យដឹងថា ៖«យើងខ្ញុំសូមជំរុញយ៉ាងខ្លាំងដល់អ្នកទាំងអស់គ្នាកុំចូលរួមពិធីបុណ្យចូលឆ្នាំ ជាពិសេសចំពេលវេលាដែលយើងស្ថិតក្រោមរបបយោធាក្តោបក្តាប់អំណាច»។
សេចក្តីប្រកាសក៏បានព្រមានថា ការចូលរួមរបស់សាធារណជនក្នុងពិធីបុណ្យនេះអាចជួយដល់ការខិតខំប្រឹងប្រែងរបស់របបយោធាដែលបង្ហាញភាពប្រក្រតីរបស់ប្រទេសជាតិ។
វាបន្ថែមថា ៖«លើសពីនេះទៀត យើងខ្ញុំសំណូមពរអ្នកទាំងអស់គ្នាសម្តែងនូវការគោរពដល់ជនរងគ្រោះដែលបាត់បង់ជីវិត និងរបួសដោយរបបយោធា និងចូលរួមរំលែកទុក្ខសោកដល់ក្រុមគ្រួសាររបស់ពួកគេ ដោយមិនចូលចូលរួមក្នុងពិធីបុណ្យចូលឆ្នាំដើម្បីសប្បាយរីករាយ»។
បុរសឈ្មោះ Ko Paing ដែលមិនប្រាប់ឈ្មោះពិតមកពីតំបន់ Thaketa ក្នុងក្រុងយ៉ាំងហ្គោននិយាយថា លោកមិនចូលរួមពិធីបុណ្យទឹកដែលស្ថិតក្រោមរបបគ្រប់គ្រងយោធាទេ។
លោកថា ៖«មែន វាជាពិធីបុណ្យធំដែលខ្ញុំចូលចិត្តបំផុត។ ដរាបណា ពួកគេនៅកាន់អំណាច សុភមង្គលគ្មានទេសម្រាប់ពួកយើង។ ពិធីបុណ្យមិនអាចជួយយើងបានទេ។ លើសពីនេះទៀត នរណាម្នាក់ដែលចូលរួមជាទង្វើដែលមិនគោរពដល់អ្នកបាត់បង់ជីវិត»៕
ប្រែសម្រួល៖ វីរបុត្រ
ប្រភព៖ Irrawaddy
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»