បេក្ខភាពលេចធ្លោ៣រូប ដែលគេគាំទ្រឲ្យក្លាយជានាយករដ្ឋមន្ត្រីថ្មី ជប៉ុន

ដូចដែលបានដឹងហើយថា នាយករដ្ឋមន្ត្រីជប៉ុន លោក Shigeru Ishiba កាលពីថ្ងៃទី៧ ខែសីហា បានប្រកាសលាលែងពីតំណែង បន្ទាប់ពីកាន់តំណែងតិចជាងមួយឆ្នាំ និងបរាជ័យក្នុងការបោះឆ្នោតចំនួនពីរ។ ការលាលែងពីតំណែងរបស់គាត់ បានជំរុញឲ្យមានការប្រកួតប្រជែងមេដឹកនាំគណបក្សប្រជាធិបតេយ្យសេរី (LDP) មួយផ្សេងទៀត ដែលជាលើកទីបី ក្នុងរយៈពេល ៥ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ ការបោះឆ្នោត LDP ត្រូវបានគេរំពឹងថានឹងធ្វើឡើងនៅដើមខែតុលា ដោយអ្នកឈ្នះស្ទើរតែប្រាកដក្នុងការក្លាយជានាយករដ្ឋមន្ត្រីថ្មី ខណៈ​ដែល​មិន​មាន​នរណា​ម្នាក់​ប្រកាស​ជា​ផ្លូវ​ការ​ ក៏ប៉ុន្តែ​ឈ្មោះរបស់បេក្ខភាពលេចធ្លោ៣រូប ត្រូវ​បាន​គេ​មើល​យ៉ាង​ដិត​ដល់បំផុត។

ទី១ លោក Shinjirō Koizumi រដ្ឋមន្ត្រីក្រសួងកសិកម្ម កូនប្រុសរបស់អតីតនាយករដ្ឋមន្ត្រី ដែលធ្លាប់មានប្រជាប្រិយភាពខ្លាំង។

ទី២ លោក Yoshimasa Hayashi ប្រធានគណៈរដ្ឋមន្ត្រី និងជាអ្នកនាំពាក្យរដ្ឋាភិបាល។

ទី៣ លោកស្រី Sanae Takaichi អតីតរដ្ឋមន្ត្រីក្រសួងកិច្ចការផ្ទៃក្នុង បើលោកស្រីឈ្នះ នឹងក្លាយជានាយករដ្ឋមន្ត្រីស្ត្រីដំបូងគេរបស់ប្រទេសជប៉ុន។

ទោះជាយ៉ាងនេះក្ដី មេដឹកនាំ​ថ្មី​នឹង​ប្រឈមមុខ​នឹង​ការ​បង្រួបបង្រួម​គណបក្ស​ទន់ខ្សោយ និង​ទាក់ទាញ​អ្នកបោះឆ្នោត​ឲ្យ​ត្រលប់​មកវិញ។ និន្នាការស្តាំនិយមកាន់តែខ្លាំងឡើងរបស់ប្រទេសជប៉ុន ជាពិសេសជ័យជំនះរបស់គណបក្ស Sanseito នៅក្នុងការបោះឆ្នោតព្រឹទ្ធសភានាពេលថ្មីៗនេះ គឺជាសញ្ញាមួយដែលអ្នកគាំទ្រគណបក្សប្រជាធិបតេយ្យសេរី (LDP) អភិរក្សនិយមកំពុងកើនឡើងមិនពេញចិត្តនឹងគណបក្សនេះ។

ជាងនេះទៅទៀតដែរ មេដឹកនាំថ្មី ក៏នឹងត្រូវផ្សាះផ្សារនូវទំនាក់ទំនងលំបាកជាមួយប្រទេសជិតខាង ចំពេលមានការពង្រឹងកិច្ចសហប្រតិបត្តិការរវាងចិន រុស្ស៊ី និងកូរ៉េខាងជើង៕

អត្ថបទ៖ សាង ស្រីល័ក្ខ

ចុចអាន៖នាយករដ្ឋមន្ត្រី ជប៉ុន សម្រេចចិត្តចុះចេញពីតំណែង