ព័ត៌មានអន្ដរជាតិ
ហ្សេលេនស្គី ប្រកាសថានឹងមិនឈរឈ្មោះសម្រាប់អាណត្តិទី២ទេ បន្ទាប់ពីបញ្ចប់សង្គ្រាម
ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បាននិយាយថា លោកនឹងមិនឈរឈ្មោះក្នុងអាណត្តិទីពីរឡើយ នៅពេលដែលសង្រ្គាមជាមួយរុស្ស៊ីបានបញ្ចប់ ដោយសង្កត់ធ្ងន់ថា អាទិភាពចម្បងរបស់លោកគឺការធ្វើឲ្យជម្លោះឈានដល់ទីបញ្ចប់។
នៅក្នុងបទសម្ភាសន៍ជាមួយ Axios ចេញផ្សាយថ្ងៃទី២៥ខែកញ្ញា លោក ហ្សេលេនស្គី បានប្រាប់ថា ការបោះឆ្នោតមិនមែនជាគោលដៅរបស់លោកទេ។ លោកបានរៀបរាប់ថា «ប្រសិនបើយើងបញ្ចប់សង្រ្គាមជាមួយរុស្ស៊ី ខ្ញុំបានត្រៀមខ្លួនរួចជាស្រេចក្នុងការមិនឈរឈ្មោះសម្រាប់អាណត្តិទីពីរ ព្រោះការបោះឆ្នោតមិនមែនជាគោលដៅរបស់ខ្ញុំ។ ក្នុងគ្រាដ៏លំបាកនេះ ខ្ញុំចង់នៅជាមួយប្រទេសរបស់ខ្ញុំខ្លាំងណាស់ ជួយដល់ប្រទេសរបស់ខ្ញុំ។ គោលដៅរបស់ខ្ញុំគឺបញ្ចប់សង្គ្រាម»។
ការប្រកាសនេះ ធ្វើឡើងនៅពេលដែលក្រុងកៀវបន្តកិច្ចខិតខំប្រឹងប្រែងសន្តិភាព បើទោះជាក្រុងមូស្គូបដិសេធការអំពាវនាវឲ្យមានបទឈប់បាញ់ និងបន្តការវាយប្រហារនៅទូទាំងប្រទេសអ៊ុយក្រែនក៏ដោយ។
នៅក្នុងបទសម្ភាសន៍ថ្មីៗជាមួយបណ្តាសារព័ត៍មាននានារបស់សហរដ្ឋអាមេរិក លោក ហ្សេលេនស្គី មិនបានច្រានចោលការបោះឆ្នោតក្នុងអំឡុងពេលបទឈប់បាញ់ ប្រសិនបើលក្ខខណ្ឌសន្តិសុខអនុញ្ញាត។ លោកបានប្រាប់ Axios ថា ក្នុងអំឡុងពេលកិច្ចប្រជុំកាលពីថ្ងៃទី២៣ខែកញ្ញារបស់លោកជាមួយប្រធានាធិបតីអាមេរិក ដូណាល់ ត្រាំ នៅទីក្រុងញូវយ៉ក លោកបានស្នើឲ្យអ៊ុយក្រែនអាចប្រើការផ្អាកបណ្តោះអាសន្នក្នុងការប្រយុទ្ធគ្នា ដើម្បីរៀបចំការបោះឆ្នោតជាតិ។
រដ្ឋធម្មនុញ្ញរបស់ប្រទេសអ៊ុយក្រែនហាមប្រាមការបោះឆ្នោតក្រោមច្បាប់អាជ្ញាសឹក ដែលចូលជាធរមានចាប់តាំងពីការឈ្លានពានពេញលក្ខណៈរបស់រុស្ស៊ីក្នុងខែកុម្ភៈឆ្នាំ២០២២។ សម្រាប់ការបោះឆ្នោតប្រព្រឹត្តទៅ សមាជិកសភាត្រូវតែដកច្បាប់អាជ្ញាសឹកជាមុនសិន ហើយកំណត់កាលបរិច្ឆេទ។
រុស្ស៊ីម្ដងហើយម្ដងទៀតតែងតែលើកឡើងអំពីបញ្ហាបង្កកការបោះឆ្នោតរបស់អ៊ុយក្រែន ដោយផ្សព្វផ្សាយថា អាណត្តិរបស់លោក ហ្សេលេនស្គី បានផុតទៅហើយនៅថ្ងៃទី២០ខែឧសភាឆ្នាំ២០២៤។ យ៉ាងណាមិញ អ្នកជំនាញផ្នែកច្បាប់អ៊ុយក្រែនបានច្រានចោលការចោទនេះ ដោយអះអាងថា ការបន្តអាណត្តិរបស់លោក ហ្សេលេនស្គី ក្នុងអំឡុងពេលច្បាប់អាជ្ញាសឹកគឺស្របតាមរដ្ឋធម្មនុញ្ញ៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត