ឆ្មាំសមុទ្រ ចាប់ខ្លួនជនជាតិចិន៨នាក់ លួចចូលប្រទេសកូរ៉េខុសច្បាប់

យោងតាមសារព័ត៌មាន KJD នៅថ្ងៃចន្ទទី៦ ខែតុលា​ ប៉ូលិសក្នុងតំបន់បាននិយាយ ជនជាតិចិនចំនួនប្រាំបីនាក់ត្រូវបានចាប់ខ្លួន បន្ទាប់ពីរងការចោទប្រកាន់ថា ពួកគេប៉ុនប៉ងលួចចូលក្នុងប្រទេសកូរ៉េដោយខុសច្បាប់ តាមទូកកម្សាន្តនៅឯឆ្នេរសមុទ្រ Taean County នៃភាគខាងត្បូង Chungcheong។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមឆ្មាំឆ្នេរសមុទ្រ Taean បានបញ្ចាក់ឲ្យដឹងថា នាវាគួរឲ្យសង្ស័យដែលចូលទៅជិតដែនទឹកប្រហែល ២ ម៉ាយល៍ (៣.៧ គីឡូម៉ែត្រ) ភាគខាងជើងនៃកោះ Gaeui ត្រូវបានរកឃើញដោយមូលដ្ឋានរ៉ាដាកងទ័ពនៅម៉ោងប្រហែល ១១:៣៨ យប់ នៅថ្ងៃអាទិត្យ។

ភ្លាមៗនោះ កងទ័ពបានជូនដំណឹងដល់កងទ័ពជើងទឹក និងឆ្មាំសមុទ្រ ដែលបានរួមគ្នាបញ្ជូននាវាល្បាតចំនួន ៨ គ្រឿង និងទូកកងទ័ពចំនួន ២ គ្រឿង ដើម្បីស្ទាក់ចាប់នាវានោះ។ ទូក​កម្សាន្ត​នោះ ​ចាប់​បាន​នៅ​វេលា​ម៉ោង​១​និង​៤៣​នាទី​ទៀប​ភ្លឺ​ឈានចូលថ្ងៃ​ទី​៦ តុលា អាជ្ញាធរ​បាន​រក​ឃើញ​ជនជាតិ​ចិន​៨​នាក់​ជិះដែលធ្វើដំណើរមកជាមួយ​។

មន្ត្រីឆ្មាំឆ្នេរសមុទ្រ Taean បាននិយាយថា ក្នុងអំឡុងពេលត្រួតពិនិត្យ អ្នកដំណើរម្នាក់បានធ្លាក់ចូលទៅក្នុងសមុទ្រ ប៉ុន្តែត្រូវបានជួយសង្គ្រោះប្រហែល ១៥ នាទីក្រោយមក។ ជាងនេះទៀត ក្រុមប៉ូលិសកំពុងធ្វើការស៊ើបអង្កេតរួមគ្នា ជាមួយភ្នាក់ងារពាក់ព័ន្ធដើម្បីកំណត់ពីកាលៈទេសៈពិតប្រាកដ និងថា តើបុគ្គលទាំងប៉ុន្មានរូបនោះកំពុងព្យាយាមចូលប្រទេសកូរ៉េខុសច្បាប់ឬអត់?

អត្ថបទ៖ សាង ស្រីល័ក្ខ

ចុចអាន៖បុរស ចិន ជាប់ពន្ធនាគារ ២៥ឆ្នាំ ​ពីបទចាក់សម្លាប់ស្រ្តីកូរ៉េ ដែលជាអ្នកអនាម័យ